ប្រភព The Athletic: United មានហិរញ្ញវត្ថុគ្រប់គ្រាន់ដើម្បីបង់ប្រាក់ឈ្នួលតាមតម្រូវការរបស់ Ronaldo
ប្រភពសារព័ត៌មានដែលគួរឲ្យជឿជាក់បំផុតមួយ គឺ The Athletic បានឲ្យដឹងថា Man United មានលទ្ធភាពគ្រប់គ្រាន់ក្នុងការរ៉ាប់រងប្រាក់ឈ្នួលដ៏ច្រើនរបស់ Cristiano Ronaldo ប្រសិនបើពួកគេបើកកិច្ចព្រមព្រៀងជាមួយគ្នានៅរដូវក្តៅនេះ។
ប៉ុន្តែក្លឹបក៏ដឹងដែរថា ពួកគេនឹងត្រូវធ្វើឱ្យតារាព័រទុយហ្កាល់រូបនេះ ក្លាយជាកីឡាករដែលទទួលបានប្រាក់ខែខ្ពស់ជាងគេនៅ Old Trafford លើស David De Gea ដែលតាមការរាយការណ៍ថារកបានប្រហែល ៣៧៥.០០០ ផោនក្នុងមួយសប្តាហ៍ឯណោះ។
បិសាចក្រហម Manchester United ក៏មានទ្រឹស្តីមួយដែលថា Juventus អាចត្រូវបង្ខំឱ្យលក់ Ronaldo ចេញដើម្បីកាត់បន្ថយការចំណាយលើប្រាក់ឈ្នួលដោយសារតែបញ្ហាហិរញ្ញវត្ថុបច្ចុប្បន្នរបស់ក្លិបកំពុងជួប្រទះពេលនេះខ្លាំង។
ខណៈដែល Juventus នៅតែចង់បាន Paul Pogba ទៅរួមក្រុមជាមួយខ្លួន ថ្មីៗនេះមានលេចព័ត៌មានពាក្យចចាមអារាមថាបិសាចក្រហមអាចដោះដូររូបគេយក Ronaldo នៅរដូវក្តៅខាងមុខនេះ។
ទោះបីជាបានត្រឹមឈ្នពាន Coppa Italia ក៏ដោយក៏ Cristiano កំពុងរីករាយនឹងយុទ្ធនាការដ៏ល្អមួយជាមួយ Juventus ដោយរកបាន ៣៦ គ្រាប់ក្នុងការប្រកួតទាំងអស់។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
