បាល់ទាត់អាស៊ាន៖ Aurelio Vidmar មកដឹកនាំក្លិប BG Pathum United ម្ដងទៀត
អតីតគ្រូបង្វឹកអូស្រ្តាលីលោក Aurelio Vidmar នឹងដឹកនាំក្រុម BG Pathum Unitedរបស់ថៃដើម្បីចូលរួមប្រកួតវគ្គចែកពូលនៃពានរង្វាន់ AFC Champions League ឆ្នាំ ២០២១ បន្ទាប់ពីគាត់ត្រូវបានប្រកាសជាគ្រូបង្វឹកថ្មីរបស់ក្រុមជើងឯកលីគកំពូលថៃមួយនេះកាលពីថ្ងៃអាទិត្យ។
លោក Vidmar ដែលធ្លាប់បានដឹកនាំក្រុម Adelaide United ឈានដល់វគ្គផ្តាច់ព្រ័ត្រនៃការប្រកួត AFC Champions League កាលពីឆ្នាំ ២០០៨ ថ្មីៗនេះកាន់តំណែងគ្រូបង្វឹកនៃក្រុម Lion City Sailors ដែលជាក្រុមនៃក្របខ័ណ្ឌ Premier League របស់ប្រទេសសឹង្ហបូរី ហើយកាលពីមុន លោកក៏បានបង្វឹកឱ្យក្រុម BG Pathum United នៅពេលពួកគេមានឈ្មោះ Bangkok Glass នៅក្នុងយុទ្ធនាការលីគកំពូលថៃរដូវកាល ២០១៦-១៧ ។
អតីតខ្សែបម្រើ Socceroos រូបនេះនឹងដឹកនាំក្រុមលីគកំពូលថៃមួយនេះក្នុងពូល F នៃជើងឯកប្រចាំទ្វីបនៅខែក្រោយ ។ ពួកគេនឹងត្រូវប្រឈមមុខនឹងក្រុមការពារតំណែងជើងឯក Ulsan Hyundai មកពីសាធារណរដ្ឋកូរ៉េ ក្រុមវៀតណាម Viettel ក្លិបចិន Shanghai Port, Kaya Iloilo ឬក៏ Brisbane Roar។
Vidmar បាននិយាយក្នុងប្រព័ន្ធផ្សព្វផ្សាយផ្លូវការរបស់ក្លឹបថា៖“ ខ្ញុំសប្បាយចិត្តណាស់ដែលបានវិលត្រឡប់មកទីនេះម្តងទៀត។ វាមានអារម្មណ៍ថាខ្ញុំមិនដែលចាកចេញទេ ពីព្រោះខ្ញុំនៅតែដើរតាម BG Pathum United និងគ្រូបង្វឹកបុគ្គលិកមួយក្រុមដែលខ្ញុំបានធ្វើការជាមួយអំឡុងពេលការកាន់កាប់ដំបូងរបស់ខ្ញុំនៅតែស្ថិតក្នុងក្លឹបនៅឡើយ” ។
“ ជាក់ស្តែងនៅក្នុងការត្រឡប់មកវិញនេះ មានការកែលំអជាច្រើនលើកីឡដ្ឋាន និងសំភារៈក៏ដូចជាកីឡាករមួយចំនួនដែលខ្ញុំបានធ្វើការជាមួយ ដូច្នេះវាមិនចំណាយពេលយូរ ដើម្បីសម្របខ្លួនខ្ញុំជាមួយក្លឹបនោះទេ"។
"ជាមួយគ្នានេះដែរខ្ញុំសូមអបអរសាទរក្លិបនេះជាថ្មីម្តងទៀត ចំពោះពានរង្វាន់លីគកំពូលថៃរដូវកាលមុន ហើយខ្ញុំសង្ឃឹមថាឆ្នាំនេះក៏ជាឆ្នាំដ៏ល្អមួយទៀតផងដែរជាមួយនឹងវគ្គជម្រុះពូលនៃពានរង្វាន់ AFC Champions League ហើយខ្ញុំនឹងធ្វើឲ្យបានផ្តល់លទ្ធផលល្អបំផុត"៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
