TIFFY ARMY FC នឹងប្រកាសសមាសភាពគ្រូបង្វឹក និងម្ចាស់ឧបត្ថម្ភថ្មីស្អែកនេះ ខណៈបេក្ខភាពគ្រូបង្វឹកគេស្គាល់ថាលោក Lee Tae-Hoon
សមាគមកីឡាបាល់ទាត់កងយោធពលខេមរភូមិន្ទ Tiffy Army FC និងរៀបចំសន្និសិទសារពត៌មានស្ដីពី ពិធីប្រកាសជាផ្លូវការ អ្នកចាត់ការក្រុមថ្មី និងពីធីចុះហត្ថលេខាដៃគូសហការឧបត្តម្ភរវាង Tiffy Army FC ជាមួយនិងក្រុមហ៊ុន អុីវ៉ា ទឹកកកអនាម័យព្រីមៀម (EVA PREMIUM ICE )។
ទាក់ទងជាមួយព័ត៌មានចចាមអារ៉ាមនាពេលនេះសមាសភាពគ្រូបង្វឹកថ្មីរបស់សមាគមកីឡាបាល់ទាត់កងយោធពលខេមរភូមិន្ទ Tiffy Army FCត្រូវបាន៊កេសនិដ្ឋានថាជា អតីតគ្រូបង្វឹកជម្រើសជាតិកម្ពុជា លោក Lee Tae-Hoon ដែលនឹងមកដឹកនាំក្លិបក្នុងរដូវកាល២០២១នេះ ជំនួសលោក ហោ សុខហេង។ ប្រភពអ្នកសារព័ត៌មានម្នាកបានទម្លាយថា៖" មកដល់ពេលនេះលោកបានយល់ព្រមលើលក្ខខ័ណ្ឌផ្ទាល់ខ្លួននានា ជាមួយក្លិបហើយនៅតែការប្រកាសផ្លូវការតែប៉ុណ្ណោះ"។
"ប្រសិនបើព័ត៌មានចចាមអារ៉ាមនេះក្លាយជាការពិត១០០%នោះគឺថា លោក Lee ក្លាយជាគ្រូបង្វឹកមកដឹកនាំក្លិបអាជីពលើកដំបូងក្នុងប្រទេសប្រទេសកម្ពុជា បន្ទាប់ពីពេលមុនៗ លោកដឹកនាំក្រុមជម្រើសជាតិ។ ម្យ៉ាងវិញទៀត! លោក Lee Tae-Hoon នឹងក្លាយជាគ្រូបង្វឹកសញ្ជាតិកូរ៉េខាងត្បូងដំបូងគេបំផុតដេលមកដឹកនាំក្លិបបាល់ទាត់អាជីពក្នុងលីគកំពូលកម្ពុជា"។
ទោះបីជាយ៉ាងណាក្ដី! មានតែការប្រកាសផ្លូវការចេញពីក្លិបនៅថ្ងៃស្អែកប៉ុណ្ណោះ ដែលច្បាស់ការណ៍ខណៈដែលសន្និសីទសារព័ត៌មាននេះ និងធ្វើឡើងវេលាម៉ោង ១០ ព្រឹក ថ្ងៃទី០១ ខែមិថុនា ឆ្នាំ២០២១ នៅសាលសន្និសីទក្នុងសណ្ឋាគារ សូហ្វីតែល ភ្នំពេញ ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
