ក្លិបមួយចំនួនក្នុងលីគកំពូលកម្ពុជាប្រកាសស្វាគមន៍ចូលរួមប្រកួតពាន League Cup
ពានរង្វាន់ LEAGUE CUP 2021 ដែលរៀបចំឡើងដោយគណកម្មការប្រកួតបាល់ទាត់ជាតិកម្ពុជា ( CNCC ) ដែលបានប្រកាសជាផ្លូវការក្នុងថ្ងៃសៅរ៍ ទី២៩ ខែ ឧសភា ឆ្នាំ ២០២១នេះ។
លោក បែ មករា អគ្គលេខាធិការរបស់ក្លិប បានបង្ហាញនូវចំណាប់អារម្មណ៍ជុំវិញការចូលរួមពានរង្វាន់នេះថា៖ “ យើងរីករាយក្នុងការចូលរួមក្នុងពានរង្វាន់ដ៏ល្អបែបនេះ ព្រោះជាឱកាសក្នុងការត្រៀមរៀបចំក្រុម អំឡុងពេលសម្រាកលីគកំពូលកម្ពុជា ដែលក្រុមជម្រើសជាតិ មានបេសកកម្មប្រកួតវគ្គជម្រុះ World Cup 2022 នៅប្រទេសបារ់ែន ” ។ “ មិនត្រឹមតែប៉ុណ្ណោះ គឺជាឱកាសល្អមួយសម្រាប់កីឡាករដែលពុំសូវបានបង្ហាញខ្លួន អាចបញ្ចេញនូវសមត្ថភាពរបស់ពួកគេ នៅក្នុងពានរង្វាន់ League Cup នេះ ហើយកាន់តែពិសេសជាងនេះទៅទៀត គឺជាការត្រៀមខ្លួនមួយបន្ថែមទៀតរបស់ពួកយើង សម្រាប់ចូលរួមពានរង្វាន់ AFC CUP នាពេលខាងមុខ ” ។
ចំណែកក្លិបវិសាខាក៏បានប្រកាសចូលរួមប្រកួតពានរង្វាន់នេះក្នុងបណ្ដាញសង្គមរបស់ខ្លួនដែរ។ តាមការឲ្យដឹងក្លិបដែលចូលរួមការប្រកួតពានរង្វាន់ League Cup នេះមាន ភ្នំពេញក្រោន បឹងកេត វិសាខា គិរីវង់ ព្រះខ័នរាជស្វាយរៀង ព្រៃវែង យុវជនបាទី និងក្រុមកងយោធិពលខេមរភូមិន្ទ ។
ចំពោះព័ត៌មានលម្អិតអំពីក្រុមចូលរួម និងការចាប់ឆ្នោតបែងចែកពូល នឹងជូនដំណឹងនាពេលក្រោយ !!!
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
