បឹងកេតរកបាន៣ពិន្ទុដំបូងបំផុតក្នុងរដូវកាលនេះខណៈវិសាខាស៊ីអគ្គិសនី ផ្អែមមាត់ ផ្អែមក
ក្រុមបឹងកេតអេហ្វស៊ីទទួលបានបីពិន្ទុលើកដំបូងបន្ទាប់ពីយកឈ្នះក្រុមសូលទីឡូអង្គរក្នុងលទ្ធផល៣ទល់០ ខណៈដែលវិសាខាទៅយកបាន៣ពិន្ទុជាមួយគ្រាប់បាល់៧គ្រាប់ពីក្រុមម្ចាស់ផ្ទះអគ្គិសនីកម្ពុជា។
៣គ្រាប់ជាមួយនិង៣ពិន្ទុរបស់ក្រុមលោក គឹម ភក្តីរកបានដោយកីឡាករ ឱ ភារុណ នាទី២ , Rajkovic Marko នាទី៧៧ និង សៀង ចន្ធានៅនាទី៨៤។ លទ្ធផលនេះគឺបឹងកេតអាចស្ដារមុខមាត់វិញបានហើយបន្ទាប់ពីរងបរាជ័យក្រោមថ្វីជើងអង្គរថាយហ្គឺរក្នុងលទ្ធផល១ទល់០កាលពីអាទិត្យមុន។
ចំណែកការប្រកួតនៅទីលានអគ្គិសនី ក្រុមភ្ញៀវវិសាខាបានយកឈ្នះក្រុមម្ចាស់ផ្ទះ EDC FC ក្នុងលទ្ធផល៧ទល់០ដោយមិនឲ្យតដៃរួច។ ៧គ្រាប់របស់ក្រុមលោក Colum Curtis រតកបានដោយកីឡាករ ចិន វណ្ណៈ(Own Goal), ខ្សែការពារស្លាប កែន ចាន់សុភ័ក្ត្រ២គ្រាប់នៅនាទី៨ និង២១ Ajayi Opeyermi ២គ្រាប់នៅនាទី៥២និង៦៥ ខណៈកែវ សុខផេងស៊ុត២គ្រាប់ដែរនៅនាទី ៨៣ និង៨៤។
លទ្ធផលនេះ វិសាខាទទួលបាន៨ពិន្ទុ បន្ទាប់ពីឈ្នះ២និងស្មើ២៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
