Wijnaldum គ្រោងទៅចូលរួមជាមួយ FC Barcelona កុងត្រាដល់ឆ្នាំ២០២៤
យោងតាមអ្នកយកព័ត៌មានដែលអាចជឿទុកចិត្តបានលោក Fabrizio Romano បានឱ្យដឹងថា ខ្សែបម្រើ Gini Wijnaldum គ្រោងនឹងចូលរួមជាមួយ Barcelona ក្នុងនាមជាកីឡាករគ្មានតម្លៃខ្លួន។
កិច្ចព្រមព្រៀងរបស់ខ្សែបម្រើ Liverpool នឹងផុតកំណត់នៅចុងខែមិថុនានេះហើយ ហើយគេយល់ថាកិច្ចព្រមព្រៀងជាមួយ Barca ក៏ជិតឈានដល់ទីបញ្ចប់ ស្របពេលលក្ខខណ្ឌផ្ទាល់ខ្លួនបានយល់ព្រមរួចទៅហើយនោះ។ ប្រភពដដែលបន្តថារូបគេនឹងចុះកុងត្រាជាមួយ FC Barcelona ដល់ឆ្នាំ២០២៤។
គោលបំណងរបស់ Wijnaldum គឺចង់ផ្លាស់ទៅ Barcelona ប៉ុន្តែ Bayern Munich ត្រូវបានគេរាយការណ៍ថាចាប់អារម្មណ៍លើកីឡាករអន្តរជាតិហូឡង់រូបនេះដែរ ប៉ុន្តែមិនបានដាក់សំណើរមកទេ។
Gini ធ្លាប់បាននិយាយនៅក្នុងសេចក្តីថ្លែងការណ៍មួយមុននេះថា តាមឧត្ដមគតិ គាត់នឹងចូលចិត្តនៅជាមួយ Liverpool ប៉ុន្តែទោះជាយ៉ាណាក្ដី! រូបគេមិនបន្តនៅជាមួយក្លិបមានមូលដ្ឋានក្នុង Merseyside ទៀតទេ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
