លោក Solskjaer និយាយពីអនាគតរបស់ Juan Mata៖” អនាគតគាត់! គាត់ជាអ្នករ៉ាប់រងដោយខ្លួនឯង”
"ខ្ញុំបានជួបសន្ទនាជាមួយ Juan ហើយយើងនឹងត្រូវនិយាយគ្នាម្តងទៀតឆាប់ៗនេះ" នេះគឺជាសម្ដីរបស់លោក Ole Gunnar Solskjaer ឆ្លើយតបនៅពេលសួរអំពីអនាគតរបស់ Juan Mata នៅ Man United ។
“ ជាការពិតគាត់មិនបានលេងច្រើនដូចអ្វីដែលគាត់ចង់បាននោះទេ ហើយនេះជាការសម្រេចចិត្តដែលយើងនឹងធ្វើជាមួយគាត់។ គាត់ទទួលបន្ទុកអំពីអនាគតផ្ទាល់ខ្លួនគាត់ជាខ្សែបម្រើដ៏ល្អម្នាក់សម្រាប់ក្លឹប។ ប៉ុន្តែវាពិបាកក្នុងការទុកកីឡាករល្ អនិងមនុស្សល្អចេញពីក្រុម ហើយវាជាអ្វីដែលគាត់ចង់បានជាជំហានបន្ទាប់ក្នុងអាជីពរបស់គាត់"។
"តើវាជាការលេងពេញអាជីពរបស់គាត់នៅទីនេះ ឬក៏ទៅកន្លែងផ្សេង? យើងមិនទាន់បានធ្វើការសម្រេចចិត្តចុងក្រោយនៅឡើយទេ។ ”
កុងត្រារបស់ Mata ជាមួយបិសាចក្រហមនឹងផុតកំណត់នៅចុងបញ្ចប់នៃរដូវកាលនេះ បន្ទាប់ពីនោះគាត់មានសិទ្ធិចូលរួមជាមួយក្លិបណាមួយដោយផ្ទេរដោយគ្មានតម្លៃខ្លួនបើគាត់ចង់។
អតីតកីឡាករជម្រើសជាតិអេស៉្បាញទើបតែបង្ហាញខ្លួនបាន ១៦ ប្រកួតសម្រាប់ក្រុមបិសាចក្រហមនៅរដូវកាលនេះដោយស៊ុតបញ្ចូលទី ២ គ្រាប់និងបញ្ជូនបាល់បាន ៣ ដង (គ្រប់ការប្រកួតទាំងអស់) ដូច្នេះគាត់អាចស្វែងរកការផ្លាស់ទៅកាន់ក្លិបដែលគាត់លេងទៀងទាត់ជាងបានហើយ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
