ទីបំផុត នគរបាលជាតិបានលេងលើទីលានផ្ទាល់ខ្លួនហើយក្រោយប្រកាសយក 7NG ជាទឹកដីផ្លូវការ
បន្ទាប់ពីចំណាយពេលអស់រយៈពេល៤ឆ្នាំទីបំផុត! ក្លិបបាល់ទាត់នគរបាលជាតិនឹងប្រើប្រាស់ទីលាន សេវីន អេន ជី (7NG) ជាទឹកដីរបស់ខ្លួនសម្រាប់ការប្រកួតក្នុងពានរង្វាន់លីគកំពូលកម្ពុជារដូវកាលនេះបានសម្រេចហើយ ស្របពេលចុងសប្ដាហ៍នេះពួកគេនឹងទទួលក្រុមណាហ្គាវើលដ៏នៅរសៀលថ្ងៃអាទិត្យ ទី២៣ ខែឧសភា ឆ្នាំ២០២១។
កាលពីឆ្នាំ២០១៨ អតីតក្លិបអគ្គស្នងការនគរបាលជាតិបានប្រកាសថាពួកគេនឹងយកទីលានមានមូលដ្ឋានក្នុងឃុំវិហារសួគ៌ ជាផ្លូវការមកមកធ្វើជាទឹកដីរបស់ខ្លួន។ គិតទៅឆ្នាំនោះដែរ!ពួកគេបានជ្រើសរើសកីឡដ្ឋានសម្រាប់ធ្វើទឹកដីក្នុងការប្រកួតក្របខណ្ឌលីគកំពូលកម្ពុជា និងពានរង្វាន់សម្ដេចតេជោ ហ៊ុន សែន-Hun Sen Cup ឆ្នាំ២០១៨ បានហើយ នៅឡើយតែការសម្រេចពីសហព័ន្ធកីឡាបាល់ទាត់កម្ពុជា(FFC) ប៉ុណ្ណោះ ពោលគឺទីលានបាល់ទាត់ 7NG ដែលមានទីតាំងនៅឃុំវិហារសួគ៌ តំបន់អភិវឌ្ឍន៍ 7NG ផ្ទាល់តែម្ដង ។
សហព័ន្ធកីឡាបាល់ទាត់កម្ពុជា ក៏ធ្លាប់បានចាត់មន្ដ្រីបច្ចេកទេសរបស់ខ្លួន ចុះទៅត្រួតពិនិត្យអំពីលក្ខខណ្ឌបច្ចេកទេសផ្សេងៗ នៃទីលាន 7NG នោះ មុននឹងអនុញ្ញាតឲ្យប្រើប្រាស់ ខណៈលទ្ធផលសហព័ន្ធអាចនឹងប្រកាស តែយ៉ាងណា! ឆ្លងកាត់រយៈពេល៣ឆ្នាំជាងទើបបានលេងទីលាននេះតែម្ដង។នគរបាលជាតិ ប្រើប្រាស់កីឡដ្ឋានស្ដាតចាស់ ទីលានអគ្គីសនីកម្ពុជា ធ្វើជាទឹកដីបណ្ដោះអាសន្នរបស់ខ្លួនហើយរដូវកាលនេះ ពួកគេចាប់ផ្ដើមមិនសូវល្អនោះទេដោយឆ្លងកាត់៤ប្រកួតកន្លងមកចាញ់៣និងស្មើ១៕
ប្រភព៖ CNCC
ប្រភពរូប៖ ក្លិបបាល់ទាត់នគរបាលជាតិ
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
