Dwight Yorke បារម្ភថាកិច្ចព្រមព្រៀង Cavani អាចរារាំងឱកាស Man United ចុះហត្ថលេខាលើ“ខ្សែប្រយុទ្ធលេខ៩វ័យក្មេង” ។
អតីតខ្សែប្រយុទ្ធបិសាចក្រហម Manchester United លោក Dwight Yorke បារម្ភថាការឡើងទម្រង់លេងរបស់ Cavani ស្របពេលបន្តកុងត្រាថ្មីផងនោះអាចManchester United ខកខានឱកាសចុះកុងត្រាយកខ្សែប្រយុត្ធវ័យក្មេងដេលលេងក្នុងតំណែងលេខ៩។
ថ្លែងនៅក្នុងវិទ្យុ TalkSPORT លោក Dwight Yorke បាននិយាយថា៖“ នៅពេលដែលអ្នកធ្វើបានល្អ អ្នកគួរតែទទួលបានរង្វាន់ ហើយ Edinson Cavani បានទទួលរង្វាន់ជាមួយនឹងកិច្ចសន្យាថ្មីនេះ ប៉ុន្តែបញ្ហារបស់ខ្ញុំជាមួយវាថាតើវារារាំងដល់ការនាំយកខ្សែប្រយុទ្ធលេខវ័យក្មេងដែរឬទេ ?"
" វាពិតជាសំខាន់ណាស់ដែលយើងដណ្តើមបានជើងឯក Premier League នៅរដូវកាលក្រោយ ហើយតើ Cavani ពិតខ្សែប្រយុទ្ធដឹកនាំយើងឆ្ពោះទៅរកផ្លូវហ្នឹងមែនឬ? នោះប្រហែលជាឧបសគ្គមួយ។ លោក Ole Gunnar Solskjaer បានបម្រើការងារនៅទីនេះអស់រយៈពេល ៣ ឆ្នាំហើយ"។
"គាត់ពិតជាបានពង្រឹងខ្លួនគាត់ ក្នុងតួនាទីជាអ្នកចាត់ការនាពេលបច្ចុប្បន្ន។ គាត់ទទួលបានការលេងពីរបៀបលេងរបស់ Manchester United គាត់បាននាំយើងឱ្យឈានដល់វគ្គពាក់កណ្តាលផ្តាច់ព្រ័ត្រ Europa ហើយឥឡូវនេះឡើងដល់វគ្គផ្តាច់ព្រ័ត្រ។ ការប្រកួតប្រជែងនេះគាត់ទទួលបានហើយ"។
"ខ្ញុំសង្ឃឹមថាការចុះហត្ថលេខារបស់ Cavani ទោះបីជាគាត់ពូកែសម្រាប់យើងក៏ដោយ ក៏វាមិនរារាំងយើងក្នុងការទទួលបានកីឡាករដែលយើងត្រូវការនោះទេ។ ខ្ញុំគិតថាយើងត្រូវការកីឡាករពីរនាក់ទៀត ដើម្បីជួយយើងឱ្យឈ្នះពានរង្វាន់ Premier League រដូវកាលក្រោយ។ "
Cavani បានចុះកិច្ចសន្យាបន្តនៅដើមខែនេះ ស្នាក់នៅ Old Trafford យ៉ាងហោចណាស់មួយឆ្នាំទៀត។ រហូតមកដល់ពេលនេះ ខ្សែប្រយុទ្ធក្រុមជម្រើសជាតិអ៊ុយរូហ្គាយរកបាន ១៦ គ្រាប់ក្នុង ៣៨ ប្រកួតនៅគ្រប់ការប្រកួត។
បិសាចក្រហមត្រូវបានផ្សារភ្ជាប់ជាមួយនឹងការផ្លាស់ប្តូរទាំង Erling Haaland និង Harry Kane ខណៈដែល Solskjaer កំពុងសម្លឹងរកការប្រជែងក្នុងក្របខ័ណ្ឌ Premier League ។ Kane ត្រូវបានគេនិយាយថាកំពុងបើកចំហរ ដើម្បីចាកចេញពី Tottenham ខណៈដែល Haaland ទំនងជាស្នាក់នៅ Borussia Dortmund ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
