ម្ចាស់ក្លិប Man City រ៉ាប់រងថ្លៃធ្វើដំណើរដល់អ្នកគាំទ្រទាំងអស់ទៅទស្សនាប្រកួតផ្ដាច់ព្រ័ត្រ Champions League
អ្នកគាំទ្ររបស់ក្រុម Manchester City មានហេតុផលផ្ទាល់ខ្លួន ដើម្បីរីករាយក្រៅពីក្លិបដែលខ្លួនគាំទ្រឡើងវគ្គផ្តាច់ព្រ័ត្រនៃក្របខ័ណ្ឌ Champions League នៅថ្ងៃទី ២៩ ខែឧសភា ប៉ុន្តែពួកគេនឹងមានដំណឹងកាន់តែរីករាយជាងនេះទៅទៀត។
នេះក៏ព្រោះតែម្ចាស់ក្លឹបគឺលោក Sheikh Mansour bin Zayed Al-Nahyan បានប្រកាសដំណឹងល្អឧបត្ថម្ភការចំណាយរបស់អ្នកគាំទ្រ The Cityzens ដើម្បីជាសក្ខីភាពក្នុងជំនួបជាមួយក្លឹបលេង English Premier League (EPL) មួយទៀតគឺ Chelsea នៅកីឡដ្ឋាន Estadio do Dragao ទីក្រុង Porto ប្រទេសព័រទុយហ្គាល់
ព័ត៌មានចុងក្រោយនោះគឺនេះពិតជាអំណោយមួយដោយសារតែភាពស្មោះត្រង់របស់អ្នកគាំទ្រ ក្នុងការសម្រេចក្តីសុបិន្តរបស់ក្រុម Manchester City ក្នុងការឈានទៅវគ្គផ្តាច់ព្រ័ត្រ នៃការប្រកួតប្រជែងដ៏មានកិត្យានុភាពបំផុតនៅអឺរ៉ុប។
យោងតាមប្រភពព័ត៌មាននៅលើគេហទំព័រផ្លូវការរបស់ Manchester City បានឱ្យដឹងថាការផ្លាស់ប្តូរនេះក៏ត្រូវបានធ្វើឡើងដោយ Sheikh Mansour ដើម្បីបន្ធូរបន្ថយភាពតានតឹងផ្នែកហិរញ្ញវត្ថុរបស់អ្នកគាំទ្រក្លឹប បានជួបប្រទះបន្ទាប់ពីការរីករាលដាលដែលកំពុងរាតត្បាតពិភពលោកនៅពេលនេះ។
លោកក៏បានដឹងផងដែរថា បញ្ហាដែលបានជួបប្រទះនឹងប៉ះពាល់ដល់អ្នកគាំទ្រ Man City ទាំងអស់ដែលចង់ទៅទីក្រុង Porto ពេលពួកគេត្រូវឆ្លងកាត់ការធ្វើតេស្តិ៍ប្រតិកម្ម Polymerase Chain Reaction (PCR) ដែលធ្វើឱ្យថ្លៃធ្វើដំណើរកើនឡើង។
ដោយអនុវត្តតាមច្បាប់តឹងរឹងដែលបណ្តាលមកពីការផ្ទុះឡើងនៃកូវីដ១៩ អ្នកគាំទ្រក្រុម Manchester City ដែលមានបំណងហោះហើរទៅ Porto ត្រូវបានស្នើសុំឱ្យធ្វើដំណើរ ២៤ ម៉ោង (ត្រឡប់មកវិញពេលប្រកួតចប់) ដែល Sheikh Mansour នឹងផ្តល់ថវិកាគ្រប់បែបយ៉ាងទាក់ទងនឹងការដឹកជញ្ជូនអ្នកគាំទ្ររាប់ពាន់នាក់ដោយប្រើកញ្ចប់ដំណើរកម្សាន្តផ្លូវការនៅថ្ងៃប្រកួត។
លោក Sheikh Mansour មានប្រសាសន៍ថា៖"លោក Pep និងក្រុមរបស់គាត់មានរដូវកាលដ៏អស្ចារ្យមួយ ហើយពួកគេមានលក្ខណៈគ្រប់គ្រាន់សម្រាប់ការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League បន្ទាប់ពីយើងឆ្លងកាត់រដូវកាលដ៏លំបាកមួយ តែពេលនេះវាក្លាយជាពេលវេលាប្រវត្តិសាស្ត្រសម្រាប់ក្លិបនេះ"។
“ ដូច្នេះវាមានសារៈសំខាន់ខ្លាំងណាស់សម្រាប់អ្នកគាំទ្រឱ្យបានច្រើន ដើម្បីចូលរួមក្នុងការប្រកួតពិសេសនេះ។ ជាពិសេសអ្នកដែលគាំទ្រក្រុម Manchester City នៅពេលពួកគេឡើងចុះៗជាច្រើនឆ្នាំ” ។
ក្រុម Manchester City បានឡើងទៅវគ្គផ្តាច់ព្រ័ត្រ បន្ទាប់ពីបានយកឈ្នះក្រុមយក្សបារាំង Paris Saint-Germain (PSG) ៤-១ នៅវគ្គពាក់កណ្តាលផ្តាច់ព្រ័ត្រ។វាក៏ជាវគ្គផ្តាច់ព្រ័ត្រជាលើកទី ២ ជាប់ៗគ្នាសម្រាប់អ្នកចាត់ការក្រុមតោខៀវ Chelsea លោក Thomas Tuchel ដែលកាលពីរដូវកាលមុន គាត់ខកចិត្តនឹងក្រុម Bayern Munich ក្នុងពេលគ្រូបង្វឹក PSG ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
