មហាសេដ្ឋីម្នាក់ទិញបានក្លិបលីគទី២ចិន ប្រាប់គ្រូបង្វឹកឲ្យដាក់កូនប្រុសខ្លួនចូលលេង
ក្លិបលីគទី២ចិនមួយបានបង្ហាញភាពភ្ញាក់ផ្អើលដល់ពិភពបាល់ទាត់ នៅពេលដែលម្ចាស់ក្លិបបានប្រាប់ទៅគ្រូបង្វឹកឲ្យដាក់កូនប្រុសរបស់ខ្លួនចូលលេងក្នុងការប្រកួតជាក់ស្ដែង។
មហាសេដ្ឋីម្នាក់ឈ្មោះ He Shihua គឺជាសហគ្រិន និងវិនិយោគិនជោគជ័យម្នាក់។ គាត់បានទិញក្លិប Zibo Cuju ដែលជាក្លឹបលេងនៅលីគទីន២ចិន។ តាមរបាយការណ៍បានឱ្យដឹងថា Shihua បានណែនាំគ្រូបង្វឹកឱ្យដាក់កូនប្រុសរបស់គាត់ទម្ងន់ ១២០គីឡូក្រាមចូលលេងក្នុងការប្រកួតដែលមានលក្ខណៈប្រកួតប្រជែងខ្លាំង។
ខណៈពេលនេះពិតជាមិនអាចទៅរួចទេ ហើយមានមនុស្សជាច្រើនជំទាស់ ដោយសារតែរូបរាងកូនប្រុសរបស់គាត់ មិនបានបង្ហាញថាគាត់ជំនាញបាល់ទាត់ហើយលើសទំងន់ខ្លាំង។
Zibo Cuju កំពុងប្រឈមមុខនឹងបញ្ហាហិរញ្ញវត្ថុហើយ Shihua ដែលជាមហាសេដ្ឋីវ័យក្មេងដែលមានអាយុ ៣៥ ឆ្នាំបានមកវិនិយោគនៅក្នុងក្លឹបរបស់ពួកគេ។
បន្ទាប់មកគាត់បានធ្វើអន្តរាគមន៍ក្នុងការគ្រប់គ្រងកីឡាករក្នុងក្លិបទាំងអស់។ លោក He Shihua បានណែនាំគ្រូបង្វឹកឲ្យកូនប្រុសរបស់គាត់ចូលលេងក្នុងជម្រើសដំបូង។អ្វីដែលកាន់តែឆ្កួតថែមទៀតនោះ គាត់បានស្នើសុំឱ្យគ្រូបង្វឹកធ្វើឱ្យកូនប្រុសរបស់គាត់ក្លាយជាអ្នករ៉ាប់រងបាល់ពិន័យទាំងអស់រួមទាំងបាល់ប៉េណាល់ទី បាល់ជ្រុង និងបាល់ហ្វ្រីឃីក។
ក្រុម Zibo Cuju បង្ហាញទម្រង់លេងមិនច្បាស់លាស់សោះ។ក្នុង ៥ ប្រកួតចុងក្រោយរកបាន ១ ពិន្ទុប៉ុណ្ណោះ។ ពួកគេស៊ុតបាល់បញ្ចូលទីបានតែ ២ គ្រាប់និងរបូតវិញ ១០គ្រាប់។ គ្មានអ្វីដែលគួរឲ្យភ្ញាក់ផ្អើលនោះទេដែល អ្នករ៉ាប់រងបាល់ឱកាសជាកីឡាករបែបនេះ គ្មានជំនាញបាល់ទាត់ហើយរ៉ាប់រងតួនាទីសំខាន់ទៀតនោះ គឺគ្មានគ្រាប់បាល់នោះទេ។
របាយការណ៍ពីប្រព័ន្ធផ្សព្វផ្សាយក្នុងស្រុកក៏បានបញ្ជាក់ដែរថា ម្ចាស់ក្លឹបមានភាពរួសរាយរាក់ទាក់ជាមួយកីឡាករ ហើយតែងតែហ្វឹកហាត់ម្តងម្ដាល់ជាមួយកីឡាករ។គាត តែងតែអញ្ជើញកីឡាករឲ្យចេញទៅក្រៅឱ្យញ៉ាំនិអាហារឆ្ងាញ់ៗ និងបង្ហាញភាពស្និទស្នាល។ បញ្ហាតែមួយគត់ដែលមិនត្រូវ គឺគាត់បានប្រើអំណាចរបស់គាត់ក្នុងការបង្ខំឱ្យគ្រូបង្វឹកយកកូនប្រុសរបស់គាត់ចូលលេង។
តែនេះមិនមែនជារឿងចម្លែកទេនៅក្នុងប្រទេសចិន។ ដោយសារតែពួកគេមានរឿងកើតឡើងបែបនេះមួយចំនួនទៀតរួចទៅហើយ។ ឧទាហរណ៍នៅឆ្នាំ ២០១៩ ម្ចាស់ក្លឹប Jilin Baijia គឺលោក Xu Guangnan បានចុះឈ្មោះឈ្មោះរបស់គាត់នៅក្នុងក្រុម ហើយគាត់បានពាក់អាវលេខ ១០ ដែលជាអាវធំរបស់ក្រុម។
លោក Xu ក៏នឹងសម្រេចចិត្តដោយខ្លួនឯង ពេលគាត់ចេញពីទីលាន និងចូលទីលាន។ សកម្មភាពរបស់លោក Xu បានធ្វើឱ្យកីឡាករវិលមុខហើយចាប់ផ្តើមប្រឆាំងនឹងគាត់។ នៅឆ្នាំ ២០១៩កីឡាកររបស់ក្លិប Biajia បានធ្វើបាតុកម្មប្រឆាំងនឹងលោក Xu មិនឲ្យមិនបើកប្រាក់ខែរបស់គាត់អស់ជាច្រើនខែ។គាត់រវល់លេងបាល់ចាមួយក្លិបសឹងតែរាល់សប្តាហ៍។
ជិតមួយទសវត្សរ៍មុនគឺនៅឆ្នាំ ២០១២ ម្ចាស់ក្លិប Shanghai Shenhua លោក Zhu Jun ធ្លាប់បានប្រាប់គ្រូបង្វឹកឱ្យចុះឈ្មោះគាត់ទៅលេងជាមួយ Nicolas Anelka ដែលពួកគេទើបតែចុះកុងត្រាដើម្បីមិត្តភាព។ គាត់បានលេងជាមួយ Anelka ក្នុងសកម្មភាពជាមួយក្លឹបអាហ្សង់ទីន CN ក្នុងលក្ខណៈមិត្តភាព។
ក្រោយមកនៅពេល Man United រៀបចំការប្រកួតមិត្តភាពមុនបើករដូវកាលនៅប្រទេសចិន លោក Zhu Jun បានស្នើសុំឈ្មោះរបស់គាត់ទៅក្នុងបញ្ជីកីឡាករ។ តែសំណាងល្អពេលនោះ Zhu Jun សម្រេចចិត្តមិនចូលលេង៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
