ទាហានអ៊ីស្រ្តាអែលបាញ់កីឡាករបាល់ទាត់ប៉ាឡេស្ទីនវ័យក្មេង២នាក់ស្លាប់
ក្តីសុបិន្តរបស់កីឡាករវ័យក្មេងពីរនាក់គឺ Sa'id Yousef Odeh និង Muath Alzaanin ដើម្បីពាក់អាវក្រុមជម្រើសជាតិកីឡាបាល់ទាត់ប៉ាឡេស្ទីនមិនបានក្លាយជាការពិតទេ នៅពេលពួកគេត្រូវបានសម្លាប់នៅក្នុងការវាយប្រហារមួយជាមួយកងទ័ពអ៊ីស្រាអែល។
Sa'id អាយុ ១៦ ឆ្នាំមកពីក្រុមម្ចាស់ជើងឯកលីក Balata FC ត្រូវបានបាញ់សម្លាប់ដោយកងកំលាំងអ៊ីស្រាអែលកាលពីសប្តាហ៍មុន ខណៈពេលដែល Muath មកពីភាគខាងជើងតំបន់ហ្គាហ្សា ត្រូវបានសម្លាប់នៅក្នុងការវាយប្រហារដោយយន្តហោះគ្មានមនុស្សបើក ជាមួយមិត្តរបស់គាត់កាលពីម្សិលមិញ។
យោងតាមក្រសួងសុខាភិបាលប៉ាឡេស្ទីន កីឡាករ Sa'id ត្រូវបានបាញ់សម្លាប់ដោយគ្រាប់កាំភ្លើងផ្ទាល់ពីសំណាក់កងទ័ពអ៊ីស្រាអែលនៅ Odla ជិតតំបន់ Nablus ។ អង្គការអឌ្ឍចន្ទក្រហមប៉ាឡេស្ទីនបានបញ្ជាក់ថា ខ្លួនបានទៅទទួលយកសាកសពក្មេងជំទង់នេះ ហើយមិត្តភ័ត្ររបស់ដល់ក្មេងជំទង់ម្នាក់ទៀតដែលរបួសធ្ងន់ធ្ងរ ហើយបច្ចុប្បន្នកំពុងទទួលការព្យាបាលនៅមន្ទីរពេទ្យ បន្ទាប់ពីត្រូវគេបាញ់។
មរណភាពរបស់ Sa'id Yousef Odeh គឺជាការបាត់បង់ដ៏ធំធេងមួយសម្រាប់បាល់ទាត់ប៉ាឡេស្ទីន ខណៈដែលគាត់ជាកីឡាករវ័យក្មេងដែលមានទេពកោសល្យនិងបានជួយក្រុមរបស់គាត់ឈ្នះជើងឯកផ្សេងៗនៅកម្រិតមូលដ្ឋាន។
កាលពី ៣ ឆ្នាំមុន Sa'id Yousef Odeh ត្រូវបានជ្រើសរើសក្នុងចំណោមកីឡាករ ៨ នាក់មកពីប្រទេសប៉ាឡេស្ទីន ដើម្បីចូលរួមក្នុងសាលាបាល់ទាត់ប៉ាលេស្ទីន - អាល្លឺម៉ង់។ គាត់ក៏បានតំណាងប្រទេសរបស់គាត់នៅក្នុងការប្រកួតអន្តរជាតិចំនួន 3 នៅប្រទេសទួរគី និងហ្ស៊កដានី។
តាមពិត Sa'id Yousef Odeh ត្រូវបានគេជ្រើសរើសឱ្យចូលរួមក្នុងក្រុមកីឡាំករបាល់ទាត់អាជីពតំណាងឱ្យប៉ាឡេស្ទីន នៅក្នុងសាលាយុវជនថ្នាលធំនៅប្រទេសអាល្លឺម៉ង់ ហើយគាត់មានសក្តានុពលក្លាយជាតារាវ័យក្មេងឆ្នើមបំផុតនៅអាស៊ីនាពេលអនាគត។
ទោះយ៉ាងណា! អ្វីៗមិនបានក្លាយជាការពិតទេ ព្រោះអ៊ីស្រាអែលបានបំផ្លាញអនាគតកីឡាករវ័យក្មេងទាំងអស់នេះដោយសារតែជម្លោះរវាងប្រទេសទាំងពីរ។
ប្រភព៖ dci-palestine
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
