ថ្នាក់ដឹកនាំក្លិប Man Utd និងលោក Ole រត់ចែកជើងគ្នាព្រាតក្រោយលឺភ្នាក់ងាររបស់ Pogba ចង់បានប្រាក់ឈ្នួលកម្រិតនេះឲ្យទៅកីឡាករដើម្បីបន្តកុងត្រា
របាយការណ៍មួយចំនួនបានទម្លាយថា លោក Ole និងក្រុមប្រឹក្សាភិបាលរបស់ក្លិបត្រូវបានចែកជើងគ្នាទៅផ្ទះរៀងៗខ្លួន បន្ទាប់ពីលឺបានដឹងថាខ្សែបម្រើ Paul Pogba ចង់បានប្រាក់ឈ្នួលខ្ពស់ដល់កម្រិតមួយ។
តាមតែកីឡាករមិនសូវជាប៉ុន្មានទេ ប៉ុន្តែតម្រូវការប្រាក់ឈ្នួលដែលបានកំណត់ដោយភ្នាក់ងារកីឡាកររបស់ Paul បានបង្ហាញថាជាឧបសគ្គមួយរបស់ក្លិបឲ្យបន្តកុងត្រាថ្មី។ យោងតាមកាសែត Daily Mirror ក្រុមបិសាចក្រហម Manchester United បានចាប់ផ្តើមពិភាក្សាអំពីកិច្ចព្រមព្រៀងថ្មីមួយសម្រាប់ Paul Pogba ប៉ុន្តែរហូតមកដល់ពេលនេះមិនទាន់ដំណើរការរលូននៅឡើយទេ។
ភ្នាក់ងាររបស់កីឡាករបារាំងលោក Mino Raiola ត្រូវបានគេរាយការណ៍ថាបានទាមទារប្រាក់ឈ្នួលប្រចាំសប្តាហ៍លើសពី ៤០ម៉ឺនផោនសម្រាប់ខ្សែបម្រើរូបនេះបន្តការស្នាក់នៅ។ ជាលទ្ធផលក្រុមប្រឹក្សាភិបាលនិង Ole Gunnar Solskjaer ត្រូវបានបែងចែកថាតើត្រូវផ្តល់កិច្ចសន្យាថ្មីដល់ Pogba ឬក៏អត់។
មន្រ្តីរបស់ក្លិបបានប្រាប់លោក Ole ថាពួកគាត់មិនសុខចិត្តយកកាំភ្លើងភ្ជង់ក្បាលខ្លួនឯងតាមសម្ដីរបស់ភ្នាក់ងារកំពូលមុខលុយ Raiola ដែលធ្លាប់និយាយមិនល្អពីក្លិបនាពេលកន្លងមកនោះទេ។
កីឡាករវ័យ ២៨ ឆ្នាំរូបនេះនៅតែជាអ្នករកចំណូលបានខ្ពស់ជាងគេនៅក្នុងក្លឹប ហើយត្រូវបានគេរាយការណ៍ថាបច្ចុប្បន្ន(កុងត្រាចាស់)អាចរកចំណូលបាន ២៧៥,០០០ ផោនក្នុងមួយសប្តាហ៍៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
