Pogba ទម្លាយរឿងមួយរបស់ N’Golo Kante ដឹងហើយអ្នកកាន់តែស្រឡាញ់គាត់ទ្វេឡើង
Kante គឺជាមនុស្សម្នាក់ដែលចង់ឈ្នះអ្វីគ្រប់យ៉ាងនូវអ្វីដែលគាត់ធ្វើហើយ Pogba រីករាយនឹងលេងជាមួយខ្សែបម្រើរបស់តោខៀវ Chelsea ក្នុងក្រុមជម្រើសជាតិបារាំង។
និយាយក្នុងវេបសាយ beIN SPORTS ថា៖"N'Golo Kante ពូកែបោកប្រាស់ច្រើនណាស់។ ពិសេសពេលលេងបៀមួយក្ដាៗបោកខ្ញុំរហូត។ និយាយដោយស្មោះត្រង់ទៅ! ខ្ញុំនិយាយការពិត។ គាត់ពូកែបន្លំ។ គាត់និយាយថាគាត់មិនបោកប្រាស់ទេ ប៉ុន្តែគាត់ គាត់ប្រើល្បិចកល។ គាត់ជាក្មេងឆ្លាត ម្នាក់នោះគឺឈ្មោះ N'Golo ហ្នឹងហើយ"។
"ប៉ុន្តែវាមិនអីទេ។ អ្នកត្រូវតែស្រឡាញ់គាត់។ គាត់ជាកីឡាករដែលជាទីស្រឡាញ់បំផុតក្នុងប្រវត្តិសាស្ត្របាល់ទាត់។ អ្នកត្រូវតែស្រឡាញ់គាត់អ្នកមិនអាចស្អប់គាត់ទេ វាមិនអាចទៅរួចទេដែលអ្នកស្អប់គាត់។ គាត់មានចិត្ដរាបទាប ជាកីឡាករមានជំនាញវិជ្ជាជីវៈ។ គាត់មិនដែលត្អូញត្អែរគាត់តែងតែប្រឹងប្រែង"។
"គាត់មានអ្វីៗគ្រប់យ៉ាង គាត់មានបច្ចេកទេសល្អ មានគុណភាពល្អ ហើយគាត់នៅគ្រប់ទីកន្លែងនៅលើទីលាន។ ខ្ញុំអាចនិយាយបានថា គាត់លេងដូចផុសចេញពីដី! អ្នកមិនឃើញគាត់ទេ តែគាត់ក៏ចេញមកភ្លាម! គាត់នៅគ្រប់កន្លែង។ មានកីឡាករដូចគាត់នៅក្បែរអ្នក តើអ្នកចង់បានអ្វីទៀត? "។
Pogba និង Kante នៅតែជាកីឡាករសំខាន់សម្រាប់ក្រុមជម្រើសជាតិបារាំងក្រោមការដឹកនាំរបស់លោក Didier Deschamps ដោយឈ្នះការប្រកួតបាល់ទាត់ពិភពលោកឆ្នាំ ២០១៨ នៅប្រទេសរុស្ស៊ី៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
