បួនចំណុចរកឃើញថ្មីក្នុងជំនួប Leicester City លើកពាន FA Cup យប់មិញ
Leicester City បានឈ្នះពានរង្វាន់ FA Cup លើកដំបូងក្នុងប្រវត្តិសាស្រ្តរបស់ខ្លួនបន្ទាប់ពីយកឈ្នះក្រុម Chelseaក្នុងលទ្ធផល១ទល់០ដែលមួយគ្រាប់នេះរកបានដោយខ្សែបម្រើសញ្ជាតិបែលហ្សិក Youri Tielemans។
ទន្ទឹមនឹងជ័យជម្នះនេះ យើងបានរកឃើញចំណុចសំខាន់៤ដែលកើតក្នុងក្នុងការប្រកួត ដែល Knongsrok Sport នឹងលើកមកអត្ថាធិប្បាយដូចខាងក្រោម៖
Leicester City បង្កើតសៀវភៅកត់ត្រាជ័យជម្នះ
Leicester City បានឈ្នះពានរង្វាន់ FA Cup ជាលើកដំបូងក្នុងប្រវត្តិសាស្ត្ររបស់ពួកគេ។ នេះអាចនិយាយបានថា កញ្ជ្រោងខៀវមួយនេះកំពុងស្ថិតនៅក្នុងកំឡុងពេលវេលាជោគជ័យបំផុតក្នុងរយៈពេល ១៣៧ ឆ្នាំរបស់ពួកគេក្នុងនាមជាក្លឹបបាល់ទាត់អាជីព។
ការឈ្នះពានរង្វាន់លីគកំពូលអង់គ្លេសដ៏មិនគួរឱ្យជឿ និងគួរឱ្យភ្ញាក់ផ្អើលនៃឆ្នាំ ២០១៥-១៦ បានបង្ហាញថាពួកគេកំពុងកែប្រែប្រវត្តិសាស្រ្តនិងបង្ហាញភាពខ្លាំងរបស់ខ្លួន ព្រោះពួកគេបានក្លាយជាក្រុមដែលមានការប្រកួតជាអចិន្រ្តៃយ៍នៅក្នុងក្របខ័ណ្ឌកំពូលនៃក្របខ័ណ្ឌ Premier League ក្នុងរយៈពេលប៉ុន្មានឆ្នាំចុងក្រោយនេះ បានប្រកួតប្រជែងពានរង្វាន់ទ្វីបអឺរ៉ុបក្នុងរដូវកាលមួយចំនួនហើយច្បាស់រដូវកាលក្រោយ កៅអីChampions League គឺជារបស់ពួកគេ។
ការជ្រើសរើសកីឡាករក្នុងទីផ្សារដោះដូរពិតជាមានប្រសិទ្ធិភាព ។ Youri Tielemans, Wesley Fofana and Çağlar Söyüncü ជាសក្ខីភាពបញ្ជាក់ថាការចំណាយលុយរបស់ពួកគេមានប្រសិទ្ធភាព។ Jamie Vardy ជាកីឡាករតែម្នាក់គត់ដែលបានឆ្លងកាត់ការប្រកួតជុំនីមួយៗបន្តរហូតឈ្នះពានរង្វាន់តែម្ដង។
យុទ្ធសាស្រ្តដឹកនាំរបស់គ្រូបង្វឹក
លោក Brendan Rodgers បន្តដឹកនាំនៅកីឡដ្ឋាន King Power ។ បុរសវ័យ ៤៨ ឆ្នាំរូបនេះកំពុងរងនូវការរិះគន់យ៉ាងច្រើននៅពេលដែលគាត់ចាកចេញពី Celtic ដើម្បីទទួលបន្ទុក Leicester ខណៈដែលមានក្រុមធំៗមួយចំនួនមានសក្ដានុពលចង់បានគាត់ទៅដឹកនាំ។
ប៉ុន្តែអ្នកចាត់ការអៀរឡង់ខាងជើងរូបនេះ បានបង្កើតក្រុមមួយដែលមានសមត្ថភាពត្រដុសស្មាជាមួយក្រុមល្អ ៗ នៅក្នុងបាល់ទាត់ងង់គ្លេសហើយឥឡូវនេះគាត់បានដឹកនាំក្លិបឈ្នះពានរង្វាន់លើកដំបូងនៅក្នុងបាល់ទាត់អង់គ្លេស។
ភាពបត់បែនរបស់ពួកគេ គឺជារឿងគួរឱ្យចាប់អារម្មណ៍បំផុត។ ក្រុម Leicester គឺជាក្រុមមួយដែលមានសមត្ថភាពគ្រប់គ្រងបាល់បាន ប៉ុន្តែពួកគេក៏អាចវាយបកទៅលើក្រុមនានា ហើយនាពេលបច្ចុប្បន្ននេះពួកគេបានបង្ហាញនូវភាពមុតមាំទាំងប្រយុទ្ធនិងការពារ។ កុំភ្លេចថាក្រុមកញ្ជ្រងមួយនេះបានយកឈ្នះក្រុមធំទាំង៦ក្នុងលីគអង់គ្លេសជាច្រើនលើករួចមកហើយ។
សកម្មភាពរបស់ VAR
VAR ពិតជាមានឥទ្ធិពលក្នុងការប្រកួតនេះ។ Ben Chilwell ស៊ុតគ្រាប់តាមស្មើនៅនាទី៨៨ប៉ុន្តែ VAR បានចូលខ្លួនមកសម្ដែងទួនាទីជាអ្នកកាត់ក្ដីហើយទីបំផុតគ្រាប់បាល់នេះគឺ Off-Side។
ការប្រកួតទាំងមូលហាក់គ្មានឱកាសក្នុងការរកគ្រាប់បាល់បានច្រើននោះទេហើយមួយគ្រាប់ជ័យជម្នះរបស់ Youri Tielemans ក៏ជាគ្រាប់បាល់ស៊ុតពីចម្ងាយទៅទៀត។
អ្នកគាំទ្រចូលទស្សនាបានវិញៈ
ការប្រកួត FA Cup វគ្គផ្តាច់ព្រ័ត្រមានអ្នកគាំទ្រប្រហែល ២០,០០០ នាក់ចូលទស្សនាផ្ទាល់ក្នុងកីឡដ្ឋានហើយនេះជាសមត្ថភាពដ៏ធំបំផុត ដែល FA អនុញ្ញាតនៅក្នុងការប្រកួតបាល់ទាត់ចាប់តាំងផ្អាកពីខែមីនាឆ្នាំ ២០២០ ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
