លទ្ធផល MCL ថ្ងៃនេះ៖ជំនួប២គូរក្នុងកីឡដ្ឋាន២ផ្សេងគ្នាដូចណាត់គ្នាស្មើ
ការប្រកួតក្នុងពានរង្វាន់Metfone Cambodian League រដូវបកាល២០២១ដែលបាននឹងកំពុងលេងឡើងវិញនេះគឺ មាន២គូរដែលយើងបានដឹងលទ្ធផលហើយដោយ២គូរលេងនៅថ្ងៃនេះទទួលបានលទ្ធផលស្មើទាំងអស់។
ជំនួបនៅកីឡដ្ឋាន AEU Sport Park ក្រុមណាហ្គាវើលដ៏បានត្រឹមស្មើជាមួយកងយោធិពលខេមរភូមិន្ទ ក្នុងលទ្ធផល២ទល់២។ ២គ្រាប់របស់ក្រុមលោក មាស ចាន់ណារកបានដោយខ្សែការពាររៀម សឹង និងខ្សែបម្រើ សុះ ស៊ូហាណា។ ដោយឡែក២គ្រាប់របស់ TIFFY ARMY រកបានដោយកីឡាករ Cristiano Santos និងមួយគ្រាប់ទៀតដោយកីឡាករ Yuta Kikuchi ។
ដោយឡែក! ការប្រកួតនៅកីឡដ្ឋាន ព្រីនស៍ ម្ចាស់ផ្ទះវិសាខាបានត្រឹមវាយបកតាមស្មើក្រុមនគរបាលជាតិក្នុងលទ្ធផល១ទល់១ប៉ុណ្ណោះ។ ក្រុមដែលមានភារកិច្ចត្រូវលេង AFC Cup មួយនេះរកបានគ្រាប់បាល់តាមស្មើដោយកីឡាករ Ajayi Opeyemi Korede នៅនាទី៦៩ បន្ទាប់ពីកីឡាករ Otani Soma ស៊ុតបាល់ពិន័យ១១ម៉ែត្របានសម្រេចនាំមុខនៅនាទី៤៧។
សម្រាប់ថ្ងៃស្អែកមានការប្រកួតមួយចំនួនដូចជា៖ អាស៊ីអឺរ៉ុបប៉ះបឹងកេតនៅកីឡដ្ឋាន AEU Sport Park ហើយសូលទីឡូអង្គរប៉ះក្រុមម្ចាស់ផ្ទះព្រៃវែងអេហ្វស៊ីនៅកីឡដ្ឋានខេត្តព្រៃវែង៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
