Bayern Munich បញ្ជាក់ច្បាស់៖ចាប់អារម្មណ៍លោក Nagelsmann ប៉ុន្តែ RB Leipzigចង់បានតម្លៃខ្លួបំបែកកំណត់ត្រាពិភពលោក៣០លានអឺរ៉ូ
ក្រុម Bayern Munich បានប្រកាសពីចំណាប់អារម្មណ៍របស់ពួកគេ ក្នុងការតែងតាំងលោក Julian Nagelsmann ជាគ្រូបង្វឹកថ្មី ប៉ុន្តែ RB Leipzig កំពុងទាមទារប្រាក់កំណត់ត្រាពិភពលោកចំនួន ៣០ លានអឺរ៉ូ (២៦ លានផោន / ៣៦ លានដុល្លារ) ។នេះបើតាមការបញ្ជាក់ពី Goal.com និង Spox ។
Hansi Flick បានត្រៀមខ្លួនរួចជាស្រេចក្នុងលាឈប់ពីតំណែងជាគ្រូបង្វឹកក្រុម Bayern នារដូវក្តៅនេះ។ គាត់ធ្លាប់បានផ្ដល់បទសម្ភាសន៍មួយមួយដោយបញ្ជាក់បែបនេះ តែយ៉ាងណា! វាមិនត្រូវបានប្រកាសជាផ្លូវការទេ។
ខណៈដែលរដូវកសាលក្រោយកៅអីគ្រូបង្វឹកនៅទំនេរហើយក្លិបត្រូវតែរកមនុស្សម្នាក់ដែលសក្ដិសមមកបំពេញ ក្រុម Bayern ត្រូវបានគេដឹងថាបានកំណត់គោលដៅទៅកាន់គ្រូបង្វឹកវ័យក្មេង Leipzig ។ ថ្លៃឈ្នួល ៣០ លានអឺរ៉ូនឹងជាតម្លៃដ៏ធំបំផុតក្នុងប្រវត្តិសាស្ត្រកីឡាសម្រាប់គ្រូបង្វឹកម្នាក់នេះ។
តើអ្វីទៅជាក្រេឌីតរបស់លោក Julian Nagelsmann ?
ទោះបីជាមានអាយុទើបតែ ៣៣ ឆ្នាំក៏ដោយក៏ Nagelsmann បានធ្វើជាគ្រូបង្វឹកនៅក្នុងក្របខ័ណ្ឌ Bundesliga អស់រយៈពេល ៥ ឆ្នាំរួចទៅហើយ ដោយបានទទួលបន្ទុកដឹកនាំដំបូងគឺក្លិប Hoffenheim ។ មានអាយុទើបតែ ២៨ ឆ្នាំគាត់គឺជាអ្នកចាត់ការវ័យក្មេងជាងគេក្នុងប្រវត្តិសាស្ត្រ Bundesliga ហើយគាត់បានដឹកនាំក្លឹបដំបូងឡើយឈរក្នុងទីតាំងមួយនៅតំបន់កាត់ចោលឡើយទៅកន្លែងមានកៅអី Champions League ជាយថាហេតុ។
ក្រោយភាពជោគជ័យរបស់គាត់នៅ Hoffenheim ដែលនៅទីបំផុតគាត់ចំណាយពេលស្ទើរតែបីរដូវកាលពេញ គាត់បានផ្លាស់ទៅ RB Leipzig ។ គាត់បានដឹកនាំក្លឹបចូលទៅក្នុងក្របខ័ណ្ឌ Champions League ហើយឡើងទៅវគ្គពាក់កណ្តាលផ្តាច់ព្រ័ត្រ 2019-20 ដែលក្នុងនោះពួកគេបានចាញ់ Paris Saint-Germain ។
រដូវកាលនេះគាត់បាននាំក្លិបរបស់ក្រុមហ៊ុនភេសជ្ជៈគោជល់មួយនេះឈរលេខ២ក្នុងតារាងនិងប្រកួតប្រជែងប្រផុតប្រផើយជាមួយ FC Bayern Munich។
ហេតុអ្វី Flick ចាកចេញពី Bayern?
លោក Flick ដែលបានឈ្នះពានរង្វាន់ចំនួន ៦ ក្នុងនាមជាគ្រូបង្វឹកក្លិប Bayern ហើយរដូវកាលនេះធានាពានក្របខ័ណ្ឌ Bundesliga នោះនឹងត្រូវចាកចេញដោយសារតែទំនាក់ទំនងដ៏លំបាករបស់គាត់ជាមួយនាយកផ្នែកកីឡាលោក Hasan Salihamidzic ។
គាត់ត្រូវបានផ្សារភ្ជាប់យ៉ាងខ្លាំងជាមួយតំណែងគ្រូបង្វឹកជម្រើសជាតិអាល្លឺម៉ង់ ដែលនៅទំនេរនៅរដូវក្តៅនេះ ទោះបីជា DFB បាននិយាយថាពួកគេនឹងមិនទាក់ទងគ្រូបង្វឹកណាមួយដែលនៅជាប់កិច្ចសន្យាជាមួយក្លិបឬជម្រើសជាតិណាមួយនោះទេ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
