ទោះជាបងប្អូនជិតស្និទ្ធប៉ុណ្ណា ហាមទម្លាយអាថ៌កំបាំងទាំង៣នេះអោយគេបានដឹង
ទាំងនេះជាអាថ៌កំបាំងដែលបងប្អូនបង្កើតគួររក្សា មិនថាស្និទ្ធស្នាលនឹងគ្នាយ៉ាងណាក៏ដោយ។ ទោះបីយើងជាបងប្អូនបង្កើតក៏ដោយ ក៏យើងមិនអាចចែករំលែកអ្វីៗគ្រប់យ៉ាងឱ្យគ្នាទៅវិញទៅមកបានដែរ។ ត្បិតថាកាលនៅក្មេង យើងអាចលេងជាមួយគ្នាបាន ប៉ុន្តែពេលធំឡើង យើងម្នាក់ៗនឹងមានជីវិតផ្ទាល់ខ្លួន និងគ្រួសាររៀងខ្លួន។ ពេលខ្លះ ការរក្សាភាពស្ងៀមស្ងាត់ និងមិននិយាយអ្វីមួយ គឺជាវិធីល្អបំផុតដើម្បីការពារគ្នាទៅវិញទៅមក និងជៀសវាងបង្កបញ្ហាកាន់តែច្រើន។ ដូច្នេះ មិនថាទំនាក់ទំនងរវាងបងប្អូននឹងគ្នាល្អយ៉ាងណានោះទេ ការរក្សារបស់ចាំបាច់និងមិនចែករំលែកអ្វីគ្រប់យ៉ាងគឺជាសញ្ញានៃប្រាជ្ញា និង EQ ខ្ពស់ ជាពិសេគឺចំពោះរឿងទាំង៣នេះ៖
១.កុំចែករំលែកប្រាក់ចំណូលរបស់អ្នក៖ មានមនុស្សតិចណាស់ដែលប្រាថ្នាឱ្យអ្នកមានជីវិតល្អ ដូច្នេះពេលខ្លះអ្នកគួរជៀសវាងនិយាយអំពីប្រាក់ចំណូលរបស់អ្នក ជាពិសេសនៅចំពោះមុខអ្នកដទៃ។ នេះមិនត្រឹមតែធ្វើឱ្យមនុស្សមានអារម្មណ៍មិនយកចិត្តទុកដាក់ប៉ុណ្ណោះទេ វាក៏អាចជំរុញឱ្យមានការច្រណែន និងការអន់ចិត្តផងដែរ។ តាមពិតនេះគឺជាធម្មជាតិរបស់មនុស្ស ព្រោះមនុស្សជាច្រើនមិនចង់ឃើញអ្នករស់នៅល្អជាងពួកគេ។ នេះជាការពិតសូម្បីតែជាមួយសាច់ញាតិនិងមិត្តភក្តិដ៏ដោយ។ ដូច្នេះចូររក្សាព័ត៌មានចំណូលរបស់អ្នក កុំបង្ហាញវាទៅកាន់នរណាម្នាក់ បើមិនចង់អោយមានការលើកឡើងនូវមតិនានា។
២.កុំចែករំលែកច្រើនពេកអំពីទុក្ខសោកក្នុងគ្រួសារ៖ អ្នក និងបងប្អូនបង្កើតរបស់អ្នកនឹងមានជីវិតផ្ទាល់ខ្លួន និងគ្រួសាររៀងខ្លួន ដូច្នេះនៅពេលដែលអ្នករៀបការហើយ វានឹងមិនមានភាពដូចគ្នាច្រើននៅក្នុងជីវិតរបស់អ្នកនិងពួកគេនោះទេ។ ដូច្នេះហើយ យើងមិនចាំបាច់និយាយលម្អិតពេកអំពីជីវិតគ្រួសាររបស់យើងនោះទេ ព្រោះវាអាចបង្កជាជម្លោះ ឬ ប៉ះពាល់ដល់ទំនាក់ទំនងរបស់ភាគីសងខាង។ មនុស្សត្រូវរៀនគោរពគ្នាទៅវិញទៅមក បើអ្នកចង់អោយអ្នកដទៃគោរព អ្នកត្រូវតែគោរពគេជាមុនសិន។ មិនថាអ្នកពិបាក ឬ ហត់នឿយយ៉ាងណា អ្នកត្រូវតែចេះរក្សាបញ្ហាទាំងនោះតែនៅក្នុងរង្វង់គ្រួសារខ្លួនឯងបានហើយ ព្រោះនិយាយរៀបរាប់ច្រើននាំខុសច្រើន។
៣.កុំចែករំលែកការមិនពេញចិត្តរបស់អ្នក៖ គ្មាននរណាម្នាក់ល្អឥតខ្ចោះនោះទេ សូម្បីតែរវាងបងប្អូនបង្កើតក៏ដោយ ប្រសិនបើអ្នកតែងតែបង្ហាញការមិនពេញចិត្តចំពោះគ្នាទៅវិញទៅមក អារម្មណ៍រវាងអ្នកទាំងពីរនឹងឈឺចាប់។ ប្រសិនបើអ្នកមានយោបល់ណាមួយអំពីបងប្អូនរបស់អ្នក យកល្អគួរទុករក្សាទុកវាក្នុងការគិតបានហើយ។ ប្រសិនបើអ្នកតែងតែរិះគន់អ្នកដទៃតាមទស្សនៈរបស់អ្នក មិនត្រឹមតែពួកគេមិនទទួលយកវាទេ ប៉ុន្តែពួកគេក៏អាចបង្កើតការរើសអើងចំពោះអ្នកផងដែរ។ ដើម្បីរក្សាទំនាក់ទំនងគ្រួសារ ពេលខ្លះយើងត្រូវរក្សាការគិតខ្លួនឯងជាសម្ងាត់។ ទំនាក់ទំនងណាមួយគឺងាយរងគ្រោះខ្លាំងណាស់ ប្រសិនបើអ្នកមិនដឹងពីរបៀបថែរក្សាវា ជម្លោះនឹងកាន់តែញឹកញាប់ និងកាន់តែធ្ងន់ធ្ងរ។ ជីវិតដ៏រីករាយគឺនៅពេលដែលអ្នកមិនសូវយកចិត្តទុកដាក់លើរឿងមិនសប្បាយចិត្ត នៅពេលដែលអ្នកខ្វល់តិច អ្វីៗនឹងកាន់តែងាយស្រួល ៕
ព័ត៌មានថ្មីៗ
