ក្នុងចំណោមបងប្អូនបង្កើត បុគ្គលដែលសំណាងបំផុតតែងមានលក្ខណៈទាំង២នេះ
បុគ្គលដែលមានសំណាងបំផុតក្នុងគ្រួសារ ជាធម្មតាមានភាពវិជ្ជមាន មានសុទិដ្ឋិនិយម និងតែងតែសម្លឹងឆ្ពោះទៅរកអនាគតដ៏ភ្លឺស្វាង។ មនុស្សជាច្រើនជឿថាឪពុកម្តាយគឺជាមនុស្សជិតស្និទ្ធបំផុតក្នុងជីវិត ប៉ុន្តែវាមិនពិតទាំងស្រុងនោះទេ។ ក្រៅពីឪពុកម្តាយ ទំនាក់ទំនងរវាងបងប្អូនបង្កើតក៏មានភាពស៊ីជម្រៅ និងពិសេសផងដែរ។កាលនៅក្មេង បងប្អូនបង្កើតគឺជាអ្នកដែលអមដំណើរអ្នកពេញវ័យកុមារភាព។ នៅពេលពេញវ័យ ពួកគេក្លាយជាជំនួយក្នុងជីវិតរបស់អ្នក។ អាចនិយាយបានថា ភាពស្និទ្ធស្នាលរវាងបងប្អូនបង្កើតគឺល្អជាងទំនាក់ទំនងផ្សេងៗជាច្រើន ព្រោះនៅពេលដែលឪពុកម្តាយលែងនៅក្បែរ បងប្អូនបង្កើតគឺជាមនុស្សដែលជិតស្និទ្ធបំផុតដែលនៅសល់។
នេះជាអ្វីដែលគួរឱ្យចាប់អារម្មណ៍ដែលអ្នកប្រហែលជាមិនបានដឹង៖ទោះបីធំឡើងក្នុងគ្រួសារតែមួយក៏ដោយ ជោគវាសនារបស់បងប្អូនដូចជាមនុស្សពេញវ័យគឺខុសគ្នាខ្លាំងណាស់។ មនុស្សមួយចំនួនមានសំណាង រស់នៅដោយសប្បាយរីករាយនិងរលូន ផ្ទុយទៅវិញ មនុស្សមួយចំនួនត្រូវឆ្លងកាត់ការលំបាកជាច្រើន និងជីវិតដែលឡើងចុះ។ នេះធ្វើឱ្យមនុស្សជាច្រើនឆ្ងល់ថាហេតុអ្វីបានជាមនុស្សមានឈាមជ័រមានជីវិតខុសគ្នាបែបនេះ? ប្រសិនបើអ្នកសង្កេតឲ្យដិតដល់ អ្នកនឹងសម្គាល់ឃើញថា មនុស្សដែលមានចរិតពិសេសទាំងពីរនេះ ច្រើនតែមានជោគវាសនាល្អជាង៖
១.មិនចេះត្អូញត្អែរអំពីជីវិត៖ ធម្មតាមនុស្សដែលពូកែត្អូញត្អែរចំពោះជីវិតច្រើនតែជាមនុស្សមិនខំប្រឹងធ្វើការនោះទេ តែបែរជាច្រណែនតែអ្នកដទៃនៅពេលដែលឃើញគេមានបានជាងខ្លួន។ មនុស្សបែបនេះគ្មានចក្ខុវិស័យវែងឆ្ងាយនោះទេ មួយថ្ងៃៗចូលចិត្តធ្វើរឿងមិនសូវមានប្រយោជន៍ ខ្លាចការនឿយហត់ តែចង់មានបាន។ ផ្ទុយពីមនុស្សដែលខំប្រឹងធ្វើការគឺតែងតែរវល់បមពេញតួនាទីរបស់ខ្លួន ដោយក្តីសង្ឃឹម និងមិនចេះរអ៊ូរទាំចំពោះការហត់នឿយនោះទេ។ មនុស្សដែលមិនចេះត្អូញត្អែរទុក្ខលំបាកនៅក្នុងជីវិតនឹងមានអនាគតភ្លឺស្វាង ជាងមនុស្សធម្មតា។
២.មានចិត្តល្អចំពោះមនុស្សគ្រប់គ្នា៖ ការមានចិត្តសប្បុរសចំពោះអ្នកដទៃគឺជាគុណតម្លៃស្នូលមួយនៃជីវិត។ «ប្រព្រឹត្តចំពោះអ្នកដទៃឲ្យបានល្អ» ជាឃ្លាសាមញ្ញ ប៉ុន្តែមានអត្ថន័យជ្រាលជ្រៅ។ មនុស្សដែលយល់និងអនុវត្តលើរឿងនេះច្រើនតែមានជីវិតរីករាយ និងសង្ឃឹម។ សូមក្រឡេកមើលជុំវិញខ្លួន អ្នកនឹងឃើញថា មនុស្សដែលតែងតែធ្វើអំពើល្អ តែងតែទទួលបានជំនួយនៅពេលពួកគេជួបបញ្ហា ព្រោះពួកគេបានដាំគ្រាប់ពូជនៃពរជ័យនាពេលកន្លងមក។ ជំនួសឱ្យការច្រណែនយើងគួរតែយល់ថាសមិទ្ធផលរបស់ពួកគេមិនមែនកើតឡើងដោយចៃដន្យទេ។ សេចក្តីសប្បុរស និងសកម្មភាពវិជ្ជមានគឺជាមូលដ្ឋានគ្រឹះដែលជួយពួកគេទទួលបានការគាំទ្រពីមនុស្សជុំវិញខ្លួន។ បើចង់ចម្រើនពរឲ្យខ្លួនឯង បណ្ដុះចេតនាល្អ ចូរធ្វើអំពើល្អឲ្យបានច្រើន។ អ្វីដែលអ្នកផ្តល់ឱ្យដោយស្មោះត្រង់នឹងត្រលប់មកអ្នកវិញដោយនាំមកនូវរង្វាន់ដ៏សក្តិសម៕
ព័ត៌មានថ្មីៗ
