នាំលោកអ្នកមកស្គាល់ ២៥ កុលសម្ព័ន្ធជនជាតិដើមភាគតិច ដែលជិតរលាយបាត់បង់ ពីជុំវិញពិភពលោក
លោក Jimmy Nelson ជាអ្នកថតរូប និងអ្នកធ្វើដំណើរជនជាតិអង់គ្លេសជាធម្មតាមិនថតរូបតារាល្បី ៗ លើកម្រាលព្រំពណ៌ក្រហម ឬម៉ូដែលពាក់ស្បែកជើងកែងខ្ពស់ទេ។ ផ្ទុយទៅវិញគាត់បានថតរូបមនុស្សដែលពាក់អាវសត្វហើយលាបមុខដើម្បីបំភ័យខ្មាំងសត្រូវ។ ពួកគេជាសមាជិកនៃកុលសម្ព័ន្ធដែលជិតបាត់បង់ពីទូទាំងពិភពលោកដូចតំបន់ Chukotka រហូតដល់ Papua New Guinea ។ វប្បធម៌ និងប្រពៃណីរបស់ពួកគេគឺជាបេតិកភណ្ឌដ៏សំខាន់សម្រាប់យើងទាំងអស់គ្នាហើយរូបរាងដើមរបស់ពួកគេនឹងធ្វើឱ្យអ្នកចាប់អារម្មណ៍ជាងអ្វីដែលអ្នកធ្លាប់បានឃើញនៅក្នុងខ្សែភាពយន្ត។
កុលសម្ព័ន្ធ Goroka (កោះប៉ាពួញូហ្គីណេ)
Goroka គឺជាក្រុងមួយនៃខេត្តខ្ពង់រាបភាគខាងកើត។ ប្រជាជនជនជាតិដើមភាគតិចមានភាពស្និទ្ធស្នាលជាពិសេសដោយសារតែភាពជិតស្និទ្ធនឹងទីក្រុងដែលមានអរិយធម៌។ អ្នកស្រុកនៅ Goroka នៅតែជឿជាក់លើវិញ្ញាណនិងគោរពយ៉ាងខ្លាំងចំពោះភាពអស្ចារ្យនៃធម្មជាតិ។
អាវុធសំខាន់ៗរបស់ពួកគេមិនត្រឹមតែជាធ្នូប៉ុណ្ណោះទេ ប៉ុន្តែថែមទាំងជាថ្នាំពណ៌បែបសង្គ្រាមនិងគ្រឿងតុបតែងលម្អទៀតផង។ នោះគឺជាអ្នកចម្បាំងជនជាតិដើមភាគតិចដែលគួរឱ្យចាប់អារម្មណ៍ និងជាការបំភ័យសត្រូវ។
កុលសម្ព័ន្ធនេះក៏បានបង្ហាញខ្លួនដើម្បី "បង្ហាញអាជីវកម្ម" ពួកគេតែងតែបង្ហាញនៅទីនេះរៀងរាល់ឆ្នាំ។ កុលសម្ព័ន្ធជាង ១០០ នៃតំបន់នេះបានបង្ហាញនូវរបាំ ចម្រៀង និងប្រពៃណីរបស់ពួកគេដល់ភ្ញៀវទេសចរនៃកម្មវិធីនេះ។
កុលសម្ព័ន្ធ Huli (កោះប៉ាពួញូហ្គីណេ)
កុលសម្ព័ន្ធ Huli ដ៏ធំរស់នៅដោយការបរបាញ់ហើយនេះជាអ្វីដែលបុរសធ្វើភាគច្រើន។ ស្ត្រីជាធម្មតាពូកែខាងធ្វើកសិកម្ម និងប្រមូលផល។ អ្នកដំណើរតែងតែចាប់អារម្មណ៍នឹងសួនចម្ការដ៏ស្រស់ស្អាតរបស់ពួកគេ។
កុលសម្ព័ន្ធ Huli លាបមុខពណ៌លឿង ក្រហម និងសដើម្បីបំភ័យសត្រូវអំឡុងពេលមានសង្គ្រាមកុលសម្ព័ន្ធដែលកើតឡើងជាញឹកញាប់។
ប្រពៃណីដ៏ល្បីល្បាញរបស់ពួកគេគឺតុបតែងស្លាបសត្វរុំនៅលើសក់របស់ពួកគេ។ សក់ទាំងនេះមើលទៅដូចជាមួកដែលត្រូវបានតុបតែងដោយស្លាបបក្សី និងសត្វសេក។
កុលសម្ព័ន្ធ Kalam (កោះប៉ាពួញូហ្គីណេ)
អ្នកស្រុករស់នៅក្នុងភូមិប្រពៃណីរបស់ពួកគេ។ អរិយធម៌មិនទាន់ទៅដល់ពួកគេនៅឡើយទេដូច្នេះខណៈពេលដែលបុរសទៅបរបាញ់ ស្ត្រីធ្វើការប្រមូលផល និងធ្វើកសិកម្ម។
ក្មេងប្រុសវ័យក្មេងនៃកុលសម្ព័ន្ធ Kalam ទន្ទឹងរង់ចាំពេញវ័យដើម្បីចោះច្រមុះរបស់ពួកគេដើម្បីក្លាយជាបុរសពេញលក្ខណៈ។ ហើយបន្ទាប់មកចុងក្រោយពួកគេនឹងអាចគូរមុខរបស់ពួកគេ។
បុរសយកចិត្តទុកដាក់យ៉ាងខ្លាំងចំពោះរូបរាងរបស់ពួកគេ។ ពួកគេគ្របរាងកាយរបស់ពួកគេជាមួយនឹងគ្រឿងលំអនិងខ្សែកដែលធ្វើពីចំពុះសត្វ ស្នែងសត្វ ផ្កាព្រៃ និងស្លាបបក្សី។
កុលសម្ព័ន្ធ Asaro (កោះប៉ាពួញូហ្គីណេ)
កុលសម្ព័ន្ធ Asaro (ដើមឡើយមានឈ្មោះថា Asaro Mudmen មានន័យថាប្រជាជនមកពីទន្លេអារ៉ូរ៉ូដែលគ្របដណ្ដប់ដោយភក់) គឺជាកុលសម្ព័ន្ធអាថ៌កំបាំង និងស្វាហាប់ហើយវាត្រូវបានគេស្គាល់ជាចម្បងចំពោះការពិតដែលថាសមាជិកទាំងអស់លាបដីឥដ្ឋពណ៌សនៅលើរាងកាយ និងពាក់របាំងមុខធ្វើពីដីឥដ្ឋ។
របាំងមុខបង្ហាញពីជំនឿរបស់វិញ្ញាណ។ ត្រចៀកវែងឬខ្លី គ្រឿងអលង្គការធ្វើពីចែ និងភ្លុក ត្រូវបានរៀបចំនៅលើរបាំងមុខមិនដូចមនុស្សធម្មតាទេ។
កុលសម្ព័ន្ធ Maori (នូវែលសេឡង់)
ទិដ្ឋភាពសំខាន់ៗនៃវប្បធម៌ប្រពៃណីរបស់កុលសម្ព័ន្ធ Maori រួមមានសិល្បៈ របាំ រឿងព្រេង សហគមន៍ និងការចាក់សាក់។ ឧទាហរណ៍ ស្ថានភាពសង្គមវណ្ណៈខ្ពស់តែងតែមានការឆ្លុះបញ្ចាំងពីរូបសាក់នៅលើដងខ្លួនហើយកុលសម្ព័ន្ធដែលគ្មានស្នាមសាក់ត្រូវបានគេចាត់ទុកថាគ្មានតម្លៃ។
របាំអ្នកចម្បាំង Haka គឺជាប្រពៃណីមួយក្នុងចំណោមប្រពៃណីរបស់កុលសម្ព័ន្ធ។ របាំចម្លែកទាំងនេះត្រូវបានអមដោយការច្រៀង ទះដៃ ទទះជើង និងទះនៅលើភ្លៅ។
អ្នកស្រុកជនជាតិដើមមានជំនឿគោរពព្រះនិងវិញ្ញាណផ្សេងៗ។ ពួកគេមានជំនឿអរូបីចេញពីធម្មជាតិមានលក្ខណៈពិសេសហើយពួកគេអាចជួយក្នុងករណីដែលកុលសម្ព័ន្ធត្រូវការ។
កុលសម្ព័ន្ធ Chukchi (រុស្ស៊ី)
កុលសម្ព័ន្ធ Chukchi រស់នៅដោយការចិញ្ចឹមសត្វ និងការប្រមាញ់សត្វរមាំងហើយស្ត្រីក្នុងតំបន់រក្សាផ្ទះ និងដេរប៉ាក់។
ទោះយ៉ាងណាអ្នកស្រុកក៏មានពេលវេលាសម្រាប់សិល្បៈដែរ។ ពួកគេចូលចិត្តឆ្លាក់លើឆ្អឹង និងស្នែងសត្វ។
នៅក្នុងតំបន់នេះពួកគេស្វាគមន៍ រាក់ទាក់ និងរីករាយផ្តល់តម្លៃខ្ពស់ដល់ភ្ញៀវដូច្នេះកុលសម្ព័ន្ធ Chukchi តែងតែត្រៀមខ្លួនផ្តល់អាហារ និងកន្លែងស្នាក់នៅសម្រាប់អ្នកដំណើរដែលឆ្លងកាត់។
កុលសម្ព័ន្ធ Himba (ណាមីបៀ)
កុលសម្ព័ន្ធ Himba គឺជាកុលសម្ព័ន្ធអ្នកគង្វាលបុរាណ។ ទាំងបុរសនិងស្ត្រីអាចមានដៃគូច្រើន ហើយសមាជិកនៃកុលសម្ព័ន្ធនីមួយៗជាកម្មសិទ្ធិរបស់អំបូរពីរនាក់តាមរយៈឪពុកនិងម្តាយរបស់ពួកគេ។ លើសពីនេះជីវិតរបស់កុលសម្ព័ន្ធនីមួយៗត្រូវបានកំណត់ដោយព្រឹទ្ធាចារ្យកុលសម្ព័ន្ធ។
ភាពលេចធ្លោរបស់សមាជិក Himba ប្រាប់អ្វីៗគ្រប់យ៉ាងអំពីកន្លែងរបស់ពួកគេនៅក្នុងក្រុមនិងដំណាក់កាលនៃជីវិត។ ពួកគេស្លៀកសម្លៀកបិទបាំងតិចតួចប៉ុន្តែពួកគេយកចិត្តទុកដាក់ចំពោះព័ត៌មានលម្អិតដូចជាស្ទីលម៉ូដសក់ គ្រឿងអលង្ការ និងការតុបតែងខ្លួន។ ស្ត្រីតែងតុបតែងខ្លួនរាល់ថ្ងៃ។
កុលសម្ព័ន្ធ Mustang (ណេប៉ាល់)
អតីតនគរ Lo ត្រូវបានផ្សារភ្ជាប់ទៅនឹងតំបន់ទីបេដោយសារសាសនា វប្បធម៌ និងប្រវត្តិសាស្ត្រ ប៉ុន្តែតំបន់នេះជាផ្នែកមួយនៃប្រទេសនេប៉ាល់។
អ្នកស្រុកភាគច្រើននៅតែជឿជាក់ថាពិភពលោកមានរាងសំប៉ែត ហើយជំងឺនានាបណ្តាលមកពីវិញ្ញាណអាក្រក់។
នៅពេលកូនប្រុសច្បងទទួលមរតកទ្រព្យសម្បត្តិគ្រួសារ កូនពៅទៅស្នាក់នៅក្នុងវត្តដែលត្រូវបានសាងសង់ស្ទើរតែគ្រប់ភូមិ។
When the eldest son inherits the family property, the younger one goes to stay in a monastery which is built in almost every village.
កុលសម្ព័ន្ធ Rabari (ឥណ្ឌា)
សមាជិកនៃកុលសម្ព័ន្ធនេះមានទម្រង់មុខប្លែកដូចទៅនឹងពួកភឺសៀ ហើយពួកគេបានផ្លាស់ទីលំនៅពីខ្ពង់រាបអ៊ីរ៉ង់កាលពីមួយពាន់ឆ្នាំមុន។ បច្ចុប្បន្ននេះ Rabari រស់នៅក្នុងតំបន់ Gujarat និង Rajasthan ។
ជីវភាពពួកគេនៅបច្ចុប្បន្ននេះចំពោះបុរសចិញ្ចឹមហ្វូងចៀម ចំពោះស្ត្រីចំណាយពេលច្រើនម៉ោងដើម្បីដេរប៉ាក់ ថែរក្សាផ្ទះ និងដោះស្រាយបញ្ហាហិរញ្ញវត្ថុទាំងអស់។
ស្ទើរតែពេញមួយតួខ្លួនទាំងមូលនៃប្រជាជន Rabari ត្រូវបានគ្របដណ្ដប់ដោយស្នាមសាក់ដើម្បីគោរពសាសនា និងការជៀសឆ្ងាយពីជំងឺ។
លោក Jimmy Nelson បានធ្វើដំណើរជុំវិញពិភពលោកអស់រយៈពេល ៣ ឆ្នាំមកហើយ។ គាត់រស់នៅជាមួយអ្នកតំណាងកុលសម្ព័ន្ធ និងវប្បធម៌ដែលជិតបាត់បង់ គាត់ព្យាយាមស្គាល់ពួកគេកាន់តែច្រើននៅពេលពួកគេកំពុងព្យាយាមស្គាល់គាត់។ ដូចដែលអ្នកបានឃើញការជឿទុកចិត្តពិតប្រាកដមួយបានកើតឡើងរវាងអ្នកថតរូប និងក្រុមកុលសម្ព័ន្ធ។ វាហាក់ដូចជាមនុស្សគ្រប់គ្នានៅក្នុងរូបភាពសម្លឹងចំបេះដូងរបស់អ្នក៕
ប្រែសម្រួល៖ ក្នុងស្រុក | ប្រភព៖Brightside
ព័ត៌មានថ្មីៗ
