Donny van de Beek ចង់ចាកចេញពី Man Utd ក្រោយធុញទ្រាន់ក្នុងការចំណាយពេលអង្គុយកៅអីបម្រុង
Donny van de Beek ទាមទារអោយមានការជជែកគ្នាជាមួយប្រធានក្លិប Manchester United ដើម្បីដោះស្រាយភ្លាមៗអំពីអនាគតរបស់គាត់នៅ Old Trafford។
Donny van de Beek របស់ក្រុមបិសាចក្រហមចង់ចាកចេញពី Old Trafford បន្ទាប់ពីចំណាយពេលមិនដល់មួយរដូវកាលជាមួយក្រុមយក្សអង់គ្លេសមួយនេះ។
ពិតជាធ្វើឱ្យមានការភ្ញាក់ផ្អើលយ៉ាងខ្លាំង នៅពេលកីឡាករជម្រើសជាតិហូឡង់រូបនេះបានចូលលេងក្នុងជម្រើសដំបូង១១នាក់តែ២ប្រកួតនៃក្របខ័ណ្ឌ Premier League នៅរដូវកាលនេះ ក្រោមការដឹកនាំរបស់ Ole Gunnar Solskjaer។ គេរំពឹងថា De Beek គឺជាកីឡាករឆ្នើមម្នាក់របស់ក្រុម Man United កាលពីដើមរដូវកាល បន្ទាប់ចាកចេញពីក្លិប Ajax ក្នុងកិច្ចព្រមព្រៀងតម្លៃ ៣៥ លានផោន។
ប៉ុន្តែគាត់បានចំណាយពេលស្ទើរតែទាំងអស់នៃរដូវកាលនេះនៅកៅអីបម្រុង ក្រោយចូលលេងជម្រើសដំបូង១១នាក់សរុបបានតែ១១ប្រកួតគ្រប់ពានរង្វាន់ ត្បិតតែ Paul Pogba មិនសូវបានលេងដោយសាររបួសញ៉ាំញីក៏ដោយ។
De Beek មានវ័យ២៣ ឆ្នាំបារម្ភថា គាត់នឹងមិនមានអនាគតវែងឆ្ងាយជាមួយ United ទេ ហើយគាត់នឹងត្រូវរកក្លឹបថ្មីនៅរដូវក្តៅនេះដើម្បីចាប់ផ្តើមអាជីពរបស់គាត់សាជាថ្មី។ ថ្វីត្បិតតែគាត់បង្ហាញទម្រង់លេងក្នុងជម្រើសជាតិហូឡង់បានល្អក្ដី! រូបគេអាចបាត់បង់តំណែងមួយនេះដោយសារតែមិនសូវបានលេងទៀងទាត់ ហើយរឿងដែលរូបគេខ្លាចបំផុតនោះគឺបាត់ឈ្មោះក្នុងជម្រើសជាតិត្រូវលេងក្នុង Euro 2020។
គាត់នឹងបើកកិច្ចពិភាក្សាដេញដោលជាមួយអនុប្រធានប្រតិបត្តិលោក Ed Woodward មុនពេលបញ្ចប់រដូវកាលនេះ ក្នុងគោលបំណងដើម្បីទទួលបានចម្លើយពីមូលហេតុដែលលោកត្រូវបានគេមិនអើពើ។
De Beek ខកខានបង្ហាញខ្លួនដោយមានបញ្ហារបួសដ៏អាថ៌កំបាំងមួយកាលខែមុន ប៉ុន្តែរូបគេនឹងមានវត្តមានឡើងវិញសម្រាប់ដំណើររបស់ United ទៅទឹកដី AC Milan នៅ Europa League នៅថ្ងៃព្រហស្បតិ៍។
ករណីនេះនៅតែត្រូវបានគេមើលឃើញថាប្រសិនបើ Solskjaer មិនបញ្ចូលឈ្មោះគាត់នៅក្នុងក្រុមធ្វើដំណើទៅអ៊ីតាលីទេនោះ ពាក្យចចាមអារ៉ាមដែលថា Doony van de Beek មិនមែនជាកីឡាករគាត់ចង់ចុះកុងត្រាកាលពីប៉ុន្មានខែមុនគឺជារឿងពិត។
ទោះបីគាត់ខ្វះសកម្មភាពក៏ដោយ De Beek នឹងមិនខ្វះការផ្តល់ជូននៅរដូវបិទជិតទេប្រសិនបើភាគីទាំងពីរយល់ព្រមកាត់បន្ថយការខាតបង់របស់ពួកគេ។ ទោះបីជាមិនសូវបានលេង Van de Beek នៅតេមានសំណើរចង់បានពីក្លិបដទៃទៀតជាច្រើន ហើយទោះបីជាយ៉ាងនេះក្ដី! បើ Man Utd លក់គាត់ចេញ ក៏មិនមែនតម្លៃថោកដែរ៕
ព័ត៌មានថ្មីៗ
