កុំល្អតែ “ថ្ងៃសិទ្ធនារី” ប្រុសៗបើស្រលាញ់កូនក្រមុំគេពិត កុំរំលងឲ្យសោះរឿង ៤ យ៉ាងនេះ
ប្រុសៗគ្នាយើងបើមើលឃើញនារីណាម្នាក់ ដែលគិតថាអាចទៅជាមួយគ្នារួច ហើយច្បាស់លាស់ក្នុងចិត្តថាស្រលាញ់គេហើយ ចូរអ្នកស្រលាញ់ឲ្យអស់ពីពោះ ហើយចូរបង្ហាញទង្វើល្អៗជាប្រចាំ មិនចាំបាច់តែថ្ងៃសិទ្ធនារី ឬថ្ងៃនៃសេចក្តីស្រលាញ់នោះទេ។
ជាពិសេសគឺក្តីសុខផ្លូវកាយ និងផ្លូវចិត្តរបស់នាង ដែលអ្នកជាបុរសគួរតែផ្តល់ទៅនាងឲ្យបានគ្រប់គ្រាន់ តាមលទ្ធភាពដែលអាចធ្វើទៅបាន។ ខាងក្រោមយើងបង្ហាញ ៤ ចំណុចដែលអ្នកជាបុរសមិនគួររំលង៖
៤) ទិញគ្រឿងសម្អាងជូននាង
ប្រើគ្រឿងសម្អាងល្អ លើកសម្រស់របស់នាង មិនមែនត្រឹមតែមានក្តីសុខសម្រាប់នាងនោះទេ ទៀតសោតអ្នកក៏ទទួលបានពាក្យកោតសរសើរ និងពេញមុខពេញមាត់ពីភ្នែកអ្នកក្រៅផងដែរ។ ស្រមៃលមើលទៅណាមកណា លឺគេនិយាយថា សង្សារឬប្រពន្ធឯងស្អាតអីយ៉ាងនេះ សាច់នៅខ្ចីមើលតែក្រមុំ ហ្នឹងហើយគឺក្តីសុខទាំងផ្លូវកាយនិងផ្លូវចិត្ត។
៣) ទិញរបស់ទំនើបជូននាង
ជឿថាក្នុងធម្មជាតិទំនាក់ទំនងស្នេហារវាងមនុស្សពីរនាក់ ភាគច្រើនគឺបុរសរមែងលះបង់ច្រើនជាងនារី រហូតដល់ពេលខ្លះខ្លួនឯងស៊ូប្រើរបស់ចាស់ៗ ឲ្យតែនារីដែលយើងស្រលាញ់បានកាន់របស់ទំនើប។
មិនមែនថាចាំបាច់នោះទេ ប៉ុន្តែបើមានលទ្ធភាពអ្នកគួរចំណាយថវិកាទិញរបស់ទំនើបឲ្យនាងប្រើប្រាស់ មិនថាតែស្មាតហ្វូន ឬរបស់ម៉ាស្សានានា ដែលក្រៅពីជួយសន្សំសំចៃពេលវេលា ជាងនេះក៏អាចផ្តល់បទពិសោធន៍ថ្មីថែមទៀតផង។
២) ជូននាងទៅ Shopping
មិនថាតែលើការទិញសំលៀកបំពាក់ គ្រឿងអលង្ការ រៀងរាល់មួយខែម្តងយ៉ាងតូចបំផុត អ្នកគួរតែចំណាយពេលជូននាងទៅទិញរបស់ដែលនាងចង់បាន ហើយជឿទៅក្តីសុខមនុស្សស្រីគឺនៅកន្លែងទិញឥវ៉ាន់ហ្នឹងហើយ មិនថាមនុស្សស្រីណាទេ។
១) រីករាយថ្ងៃចុងសប្តាហ៍ជាមួយនាង
រកពេលសម្រាកខ្លះដើម្បីជូននាងទៅដើរកម្សាន្ត ទៅមើលកុន ឬទៅទទួលសេវាកម្មបែបកម្សាន្តណាមួយ ដែលទាំងនេះហើយជាថ្នាំទិព្វអាចរក្សាស្នាមញញឹមរបស់នាងឲ្យជាប់ស្ថិតស្ថេរបានយូរ ហើយនាងក៏កាន់តែស្រលាញ់អ្នកខ្លាំងថែមទៀតដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
