៥ ហេតុផលនេះសោះទើបមនុស្សស្រីចូលចិត្តឱបបុរសមានក្បាលពោះ ជាងអ្នក 6 Pack
តាមការស្រាវជ្រាវបង្ហាញឲ្យឃើញថា មនុស្សស្រីភាគច្រើនចូលចិត្តឱបបុរសដែលដុះក្បាលពោះ ជាជាងបុរសដែលមានក្បាលពោះ ៦ កង់ ឬយើងនិយមហៅថា 6 Pack។ ក្នុងនោះគឺមានហេតុផលដូចខាងក្រោម៖
ពុំមានអ្វីដែលត្រូវបកស្រាយច្រើនទេ តែចំណាប់អារម្មណ៍របស់មនុស្សស្រីគឺនិយមទៅលើការឱបមនុស្សប្រុសដែលមានសាច់ពេញៗដៃច្រើនជាងតែម្តង។ ព្រោះពេលឱបទៅធ្វើឲ្យពួកគេមានអារម្មណ៍ថា ទទួលបានភាពផ្អែមល្ហែម ហើយនៅពេលដែលបានប៉ះក្បាលពោះម៉ាប់ៗហ្នឹងទៀត ដូចជាអារម្មណ៍អ្វីមួយមិនដឹង។
៤) ទន់ស្រួលដូចខ្នើយ
ចំណុចតូចៗអស់ហ្នឹងហើយជាសុភមង្គលលាយឡំក្នុងជីវិតរបស់មនុស្សស្រី។ ពេលខ្លះដូចជាអានសៀវភៅ ទស្សនាខ្សែភាពយន្ត នាងបានគេងលើក្បាលពោះរបស់បុរសដែលខ្លួនស្រលាញ់ជំនួសខ្នើយ នោះជាភាពកក់ក្តៅមួយបំផុត ដែលវាខុសពីអារម្មណ៍ដាក់ក្បាលទៅលើក្បាលពោះរឹងៗ។
៣) ជួយបានទាំងនៅរដូវក្តៅនិងត្រជាក់
បើនៅរដូវក្តៅ ក្បាលពោះរបស់បុរសខ្លះពេលប៉ះទៅគឺត្រជាក់ស្រេប ហើយបើនៅរដូវរងាវិញ ពេលបានឱបពេញដៃ នោះប្រៀបដូចជាភួយសាច់ អាចជួយកាត់បន្ថយសីតុណ្ហភាពមួយអ៊ីចឹង។
២) សុវត្ថិភាពផ្លូវចិត្ត
តាមការសារភាពរបស់នារីភាគច្រើន តែងតែនិយាយថា ពេលដែលសង្សារឬស្វាមីរបស់ខ្លួនមានក្បាលពោះធំ គឺពួកនាងមានអារម្មណ៍សុវត្ថិភាពមិនសូវខ្លាចនារីផ្សេងចូលមកដណ្តើមនោះទេ ខុសពីបុរសដែលមានរាងកាយ 6 Pack នាងតែងតែបារម្ភច្រើន។ ប៉ុន្តែនេះគ្រាន់តែជាការយល់ឃើញពីមនុស្សមួយចំនួនប៉ុណ្ណោះ ព្រោះមនុស្សយើងបើចិត្តចង់ក្បត់ ទោះរាងកាយអាក្រក់ប៉ុណ្ណាក៏នៅលួចមានក្រៅបានដែរ។
១) ជួយលើកសម្រស់ខាងនារី
ភាគច្រើនបុរសដែលម៉ាប់ មិនត្រូវបានគេចាត់ទុកថាសង្សារដូចបុរសមានតួខ្លួន 6 Pack នោះទេ។ អ៊ីចឹងការជ្រើសរើសយកបុរសដែលរាងម៉ាប់បន្តិច ពេលខ្លះអាចជួយលើកសម្រស់នារីដែលជាគូស្នេហ៍ នៅពេលដើរទៅណាមកណា គឺមើលទៅខាងស្រីរាងលេចធ្លោ ហើយធ្វើឲ្យមានទំនុកចិត្ត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
