រឿង ១០ យ៉ាង ដែលអ្នកមិនគួរធ្វើនៅពេលទៅកាន់ប្រទេសទាំងនេះ ប្រសិនបើអ្នកមិនចង់អាម៉ាស់មុខ!
សុភាសិតបុរាណមួយបានពោលថា “ ចូលស្ទឹងឲ្យតាមបត់” វានៅតែជាការពិតនៅគ្រប់ទីកន្លែង។ នៅពេលអ្នកធ្វើដំណើរទៅក្រៅប្រទេសអ្នកយកចិត្តទុកដាក់និងស្វែងយល់ពីវប្បធម៌អ្វីដែលមិនគួរធ្វើនៃប្រទេសដែលអ្នកកំពុងទស្សនា។ ប៉ុន្តែវាមានសារៈសំខាន់ខ្លាំងណាស់ក្នុងការដឹងអំពីអ្វីដែលអ្នកត្រូវធ្វើព្រោះចំណេះដឹងនេះនឹងជួយអ្នកឱ្យចៀសផុតពីភាពអាម៉ាស់ហើយនឹងជួយអ្នកឱ្យមានសុវត្ថិភាព។
1. ការឲ្យធីបនៅប្រទេសជប៉ុន
វាមិនចាំបាច់ឲ្យលុយធីបទេនៅប្រទេសជប៉ុន ក្នុងករណីខ្លះត្រូវបានគេចាត់ទុកថាអ្នកមើលងាយគេពេលអ្នកឲ្យលុយធីប។
2. ការបែងចែកវិក័យប័ត្រនៅបារាំង
វាត្រូវបានគេចាត់ទុកថាមិនត្រឹមត្រូវទេនៅពេលនិយាយពីការបែងចែកវិក័យប័ត្រគិតលុយនៅប្រទេសបារាំង។ នេះដោយសារតែពួកគេមិនចង់និយាយអំពីលុយទាល់តែសោះ។
3. បក់ដៃទៅកាន់អ្នកដទៃនៅប្រទេសក្រិច
សម្រាប់ជនជាតិក្រិចការបក់ដៃគឺជាការប្រមាថជាជាងការស្វាគមន៍។ វាបង្ហាញថា“ ខ្ញុំបដិសេធអ្នក” ។
4. ប៉ះមនុស្សភេទផ្ទុយគ្នានៅឥណ្ឌា
នៅប្រទេសឥណ្ឌាការប៉ះគ្នារវាងមនុស្សភេទផ្ទុយគ្នាគឺជារឿងមិនសមរម្យ។
5. ថតរូបភាពដោយគ្មានការយល់ព្រមនៅអារ៉ាប់រួម
នៅទីនេះត្រូវបានចាត់ទុកថាជាបទឧក្រិដ្ឋយោងទៅតាមច្បាប់អ៊ិនធឺរណែតរបស់ប្រទេសនេះ។ វាអាចឱ្យអ្នកជាប់គុករហូតដល់ ៦ ខែនិងពិន័យជាប្រាក់រហូតដល់ ៥០០.០០០ AED (១៣៦.១៣០ ដុល្លារ) ជាពិសេសប្រសិនបើអ្នកបង្ហោះរូបភាពនៅលើបណ្តាញសង្គមដោយមិនមានការអនុញ្ញាតពីម្ចាស់រូប។
6. រំលងជួរនៅក្នុងប្រទេសអូស្រ្តាលី
វាតែងតែត្រូវបានហាមប្រាមក្នុងការររំលងជួរប្រសិនបើអ្នកនៅអូស្ត្រាលីនិងអង់គ្លេស។ នេះជាការពិតនៅពេលប្រើមធ្យោបាយដឹកជញ្ជូនសាធារណៈនៅមជ្ឈមណ្ឌលទិញទំនិញ ក្នុងហាងស្រា ឬកន្លែងផ្សេងទៀត។ តម្រង់ជួររង់ចាំវេនរបស់អ្នក។
7. ដើរលើផ្លូវសម្រាប់កង់នៅប្រទេសហូឡង់
ការជិះកង់គឺជាមធ្យោបាយធ្វើដំណើរចម្បងនៅក្នុងប្រទេសហូឡង់ហើយជាធម្មតាមានមនុស្សជិះកង់កកកុញ។ ដូច្នេះនៅពេលដែលអ្នកដើរលើផ្លូវកង់មានហានិភ័យដែលអ្នកអាចជួបប្រទះដូចជាកង់បុកជាដើម។ យកល្អគួរដើរលើចិញ្ចើមផ្លូវជានិច្ចដើម្បីរក្សាសុវត្ថិភាព។
8. ផ្តល់សញ្ញាកាយវិការដៃ OK នៅទួរគី
ការបង្ហាញសញ្ញានេះស្មើនឹងការបង្ហាញម្រាមដៃកណ្តាល។ ប្រទេសអាល្លឺម៉ង់ និងប្រេស៊ីលក៏ដូចគ្នាដែរ។
9. ងក់ក្បាលនិងក្រវីក្បាលរបស់អ្នកនៅប៊ុលហ្គារី និងអាល់បានី
ជាធម្មតាការងក់ក្បាលរបស់អ្នក (ឡើងលើនិងចុះក្រោម) មានន័យថាយល់ព្រមហើយក្រវីក្បាលរបស់អ្នកមានន័យថាទេ។ វាជាការសំខាន់ណាស់ដែលត្រូវដឹងថាវាគឺផ្ទុយគ្នាសម្រាប់ក្នុងប្រទេសប៊ុលហ្គារីនិងអាល់បានី។
10. ឲ្យចំណីបក្សីនៅសិង្ហបុរី
ការផ្តល់ចំណីដល់បក្សី ការចោលសំរាម និងការទំពារស្ករកៅស៊ូនៅទីសាធារណៈគឺខុសច្បាប់នៅប្រទេសនេះ ប៉ូលីសនឹងធ្វើការផាកពិន័យខ្ពស់នៅក្នុងប្រទេសសិង្ហបុរី៕
ប្រែសម្រួល៖ ក្នុងស្រុក
ប្រភព៖ Brightside
ព័ត៌មានថ្មីៗ
