រឿង៥យ៉ាងក្នុងសង្គ្រាមកូរ៉េដែលមិនសូវមានអ្នកដឹង
ថ្ងៃទី ២៥ ខែមិថុនាឆ្នាំ ១៩៥០កងទ័ពកូរ៉េខាងជើងបានឆ្លងកាត់ខ្សែស្របប៉ារ៉ាឡែលទី ៣៨ (38th parallel ) លុកលុយចូលទៅក្នុងប្រទេសកូរ៉េខាងត្បូង។ ត្រង់នេះបានធ្វើឲ្យសង្គ្រាមរយៈពេលខ្លី ហើយការបង្ហូរឈាមគ្នារវាងភាគីទាំងពីរបានកើតឡើង។ សង្គ្រាមកូរ៉េ ឬមានឈ្មោះដទៃទៀតថា "the forgotten war" ព្រោះសង្គ្រាមមួយនេះមិនបានទទួលការយកចិត្តទុកដាក់ដូចទៅនឹងសង្គ្រាមលោកលើកទី ២ ឬសង្គ្រាមវៀតណាមនោះទេ។
ទោះបីជាមិនមានការយកចិត្តទុកដាក់ចំពោះវាក៏ដោយ ក៏សង្គ្រាមកូរ៉េគឺជាការបាត់បង់ដ៏ធំមួយសម្រាប់ភាគីទាំងពីរដែលពាក់ព័ន្ធទាំងប្រជាជនស៊ីវិល និងយោធា។ សូម្បីតែឥឡូវនេះ វាបានកន្លងទៅ ៧០ ឆ្នាំហើយក៏ដោយសង្គ្រាមកូរ៉េនៅតែជាជម្លោះមួយដែលគេដឹងតិចជាងជម្លោះនិងសង្គ្រាមដទៃទៀតនៅក្នុងប្រវត្តិសាស្ត្រ។ សង្គ្រាមនេះចាប់ផ្ដើមដំបូងនៅថ្ងៃទី២៤ខែមិថុនាឆ្នាំ១៩៥០ដល់២៧ខេកក្កដាឆ្នាំ១៩៥៣ហើយខាងក្រោមជាចំណុចសំខាន់នៃសង្គ្រាមកូរ៉េ (Korean War)។
ខ្សែស្រប Parallel ទី៣៨នៅតែជាកន្លែងបែងចែកប្រទេសទាំងពីរ( 38th Parallel still divides the two countries:
ខ្សែស្របប៉ារ៉ាឡែលទី ៣៨ គឺជាព្រំប្រទល់ដែលបានបែងចែកសាធារណរដ្ឋប្រជាមានិតប្រជាធិបតេយ្យកូរ៉េ(កូរ៉េខាងជើង)ដែលគាំទ្រដោយសូវៀតនិងសាធារណរដ្ឋនិយម(កូរ៉េខាងត្បូង)ដែលគាំទ្រ ដោយអង្គការសហប្រជាជាតិ និងសហរដ្ឋអាមេរិក។ ទោះបីជាគោលបំណងរបស់ អ.ស.ប និងសហរដ្ឋអាមេរិកគ្រោងបំផ្លាញលទ្ធិកុម្មុយនីស្តឲ្យអស់ពីផែនដីទាំងស្រុង និងបញ្ឈប់ការរីករាលដាលឥទ្ធិលពលរបស់វាក៏ដោយ ក៏សង្គ្រាមកូរ៉េបានបញ្ចប់នៅខែកក្កដាឆ្នាំ ១៩៥៣ ដោយភាគីទាំងពីរចុះហត្ថលេខាលើបទឈប់បាញ់ ដែលបានផ្តល់ឱ្យកូរ៉េខាងត្បូងនូវទឹកដីទំហំ ១.៥០០ ម៉ាយការ៉េ និងផ្ទៃដីទំហំ ២ ម៉ាយល៍ទៀតទុកជាតំបន់គ្មានយោធាហើយវានៅតែមានដល់សព្វថ្ងៃ។
សកម្មភាពយោធាដំបូងក្នុងអំឡុងសង្គ្រាមត្រជាក់ It (was the first military action of the Cold War ៖
បន្ទាប់ពីសង្គ្រាមលោកលើកទី ២ បានបញ្ចប់ ពិភពលោកបានឈានដល់ដំណាក់កាលមួយដែលគេហៅថាសង្គ្រាមត្រជាក់។ សង្រ្គាមត្រជាក់បានបន្តពីឆ្នាំ ១៩៤៥ រហូតដល់ឆ្នាំ ១៩៩០។ វាគឺជារយៈពេលមួយនៃភាពតានតឹងភូមិសាស្ត្រនយោបាយរវាងសហភាពសូវៀតនិងសហរដ្ឋអាមេរិក និងសម្ព័ន្ធមិត្តរបស់ពួកគេ។ សង្គ្រាមកូរ៉េគឺជាសកម្មភាពយោធាដំបូងគេបំផុត បន្ទាប់ពីបញ្ចប់នៃសង្គ្រាមលោកលើកទី ២ និងការចាប់ផ្តើមនៃសង្គ្រាមត្រជាក់។
មេដឹកនាំអាមេរិចបានមើលឃើញថាគ្រប់យ៉ាងកើតឡើងក្នុងសង្គ្រាមនេះលើសពីប្រឆាំងនឹងប្រទេសកូរ៉េខាងជើងទៅទៀត
កងទ័ពកូរ៉េខាងជើងបានលុកលុយប្រទេសកូរ៉េខាងត្បូងនៅថ្ងៃទី ២៥ ខែមិថុនាឆ្នាំ ១៩៥០។ គិតត្រឹមខែកក្កដា កងទ័ពសហរដ្ឋអាមេរិកបានចូលរួមធ្វើសង្គ្រាមក្នុងនាមជាប្រទេសកូរ៉េខាងត្បូង។ នេះក៏ដោយសារការដែលប្រធានាធិបតី Harry Truman និងមេដឹកនាំយោធាអាមេរិកជឿថានេះមិនមែនគ្រាន់តែជាជម្លោះព្រំដែនរវាងរបបផ្តាច់ការទាំងពីរនោះទេ ប៉ុន្តែអាចជាជំហានដំបូងក្នុងយុទ្ធនាការកុម្មុយនិស្ត ដើម្បីដណ្តើមកាន់កាប់ពិភពលោក។ ប្រធានាធិបតីទ្រូម៉ាន់បានជឿជាក់ថា ៖"ប្រសិនបើយើងមិនបង្គ្រាបកូរ៉េខាងជើងឲ្យធ្លាក់ចុះនោះទេ សូវៀតនឹងបន្តមនោគមន៍វិជ្ជា កុម្មុយនិស្ត មុខទៀតហើយលេបកន្លែងមួយទៅកន្លែងមួយទៀត" ។ អាមេរិកបានបញ្ជូនកងទ័ពទៅកូរ៉េខាងត្បូងដែលត្រៀមសម្រាប់សង្គ្រាមប្រឆាំងនឹងកុម្មុយនិស្តរបស់សូវៀតនិងកូរ៉េខាងជើង។
ឧត្តមសេនីយ MacArthur ត្រូវបានបណ្តេញចេញពីមុខតំណែង៖
នៅដំណាច់រដូវក្តៅឆ្នាំ ១៩៥០ ប្រធានាធិបតី President Truman និងឧត្ដមសេនីយ៍ General Douglas MacArthur មេបញ្ជាការយោធាអាមេរិករ៉ាប់រងតំបន់អាស៊ីបានកំណត់គោលដៅថ្មីសម្រាប់សង្គ្រាមនៅកូរ៉េ។ ពួកគេបានរៀបចំដើម្បីរំដោះកូរ៉េខាងជើងចេញពីពួកកុម្មុយនិស្ត។ ទោះយ៉ាងណា! នៅពេលដែលចិនចាប់បានរឿងនេះពួកគេបានគំរាមធ្វើសង្គ្រាមពេញទំហឹង លើកលែងតែសហរដ្ឋអាមេរិកទុកកងទ័ពរបស់ខ្លួនឱ្យឆ្ងាយពីព្រំដែនទន្លេយ៉ាលូ។ ទន្លេយ៉ាលូគឺជាព្រំប្រទល់រវាងប្រទេសកូរ៉េខាងជើង និងចិនកុម្មុយនិស្ត។
សង្គ្រាមពេញមុខពេញមាត់ជាមួយចិនគឺជារឿងចុងក្រោយដែលប្រធានាធិបតីទ្រូម៉ាន់ចង់បាន ខណៈដែលគាត់និងទីប្រឹក្សារបស់គាត់បារម្ភថាវានឹងនាំទៅរកការជំរុញទ្រង់ទ្រាយធំជាងមុនដោយសូវៀតនៅទូទាំងទ្វីបអឺរ៉ុប។ នៅពេលដែលប្រធានាធិបតីទ្រូម៉ាន់បានធ្វើការដោយមិនចេះនឿយហត់ ដើម្បីការពារសង្រ្គាមជាមួយប្រទេសចិន លោកឧត្តមសេនីយ MacArthur បានចាប់ផ្តើមធ្វើអ្វីគ្រប់យ៉ាងដែលអាចធ្វើទៅបាន ដើម្បីបង្កហេតុ។ នៅខែមីនាឆ្នាំ ១៩៥១ លោកឧត្តមសេនីយ៍ MacArthur បានផ្ញើលិខិតមួយទៅមេដឹកនាំសភាសាធារណរដ្ឋគឺលោក Joseph Martin ដោយបញ្ជាក់ថា៖“ គ្មានអ្វីអាចជំនួសជ័យជំនះបានទេ” ដើម្បីប្រឆាំងនឹងកុម្មុយនីស្តអន្តរជាតិ។ សម្រាប់លោកប្រធានាធិបតីទ្រូម៉ាន់នេះគឺជាភ្លើងជំរុញសង្គ្រាមចុងក្រោយ ហើយនៅថ្ងៃទី ១១ ខែមេសា លោកបានបណ្តេញឧត្តមសេនីយ៍ MacArthur ចេញពីមុខតំណែងដោយសារការមិនចុះសម្រុង។
ជីវិតមនុស្សបាត់បង់រាប់លាននាក់៖
នៅចន្លោះខែមិថុនាឆ្នាំ ១៩៥០ និងខែកក្កដាឆ្នាំ ១៩៥៣ មនុស្សប្រហែលជាង ៥ លាននាក់ត្រូវបានបាត់បង់។ ពាក់កណ្តាលនៃជនរងគ្រោះទាំងនោះគឺជាជនរងគ្រោះស៊ីវិល។ កងទ័ពអាមេរិកប្រមាណ ៤ ម៉ឺននាក់បានស្លាប់នៅក្នុងសកម្មភាពនៅប្រទេសកូរ៉េ ហើយជាង ១០០.០០០ នាក់បានរងរបួស។ ចំនួនទាំងនេះបានធ្វើឱ្យសង្គ្រាមកូរ៉េត្រូវបានគេស្គាល់ថា ជាសង្គ្រាមបង្ហូរឈាមដ៏គួរឱ្យកត់សម្គាល់ បើទោះបីជាវាមានរយៈពេលខ្លីក៏ដោយ៕
ព័ត៌មានថ្មីៗ
