ចង់ស្អាតងាយតើ សាកជែលលាបមុខពីប៉េងប៉ោះទុកលាបពេលយប់ៗតែមួយសប្តាហ៍ដឹងលទ្ធផលហ្មង
អ្នកណាមិនចង់ឱ្យផ្ទៃមុខស្អាតស្រស់ថ្លា ? ដោយអ្នកព្យាយាមថែរក្សាស្បែកជាប្រចាំ និងមានរូបមន្តលាបស្បែកឱ្យមានប្រសិទ្ធភាពផងដែរ តែការប្រើប្រាស់វិធីធម្មជាតិល្អចំពោះស្បែកខ្លាំងណាស់ ថែមទាំងចំណាយលុយតិច និងមិនប៉ះពាល់ដល់សុខភាពស្បែកទៀត។
# វិធីធ្វើជែលលាបមុខពីប៉េងប៉ោះ
គ្រឿងផ្សំ
- ទឹកប៉េងប៉ោះស្រស់ៗ (យកប៉េងប៉ោះកិន ឬច្របាច់ច្រោះយកទឹក)
- ជែលប្រទាលកន្ទុយក្រពើ
- គ្រាប់វីតាមីន E (រកងាយបាននៅឱសថស្ថាននានា)
ការអនុវត្ត៖
- ប្រើទឹកប៉េងប៉េង ៥ ទៅ៦ស្លាបព្រាបាយ លាយជាមួយនឹង ជែលប្រទាលកន្ទុយក្រពើ ៣ ទៅ៤ស្លាបព្រា និងច្របាច់ប្រេងគ្រាប់វីតាមីន E ១គ្រាប់ចូលទៅ រួចកូរចូលគ្នាឱ្យសព្វ
- រួចច្រកក្នុងក្រឡ ឬដបបិទមាត់ជិតទុកសម្រាប់ប្រើប្រាស់ជាការស្រេច ដោយអ្នកអាចរក្សាទុកក្នុងទូទឹកកកបានរយៈពេល ១សប្តាហ៍។
- អ្នកអាចយកជែលនេះមកលាបគ្រប់ទីកន្លែងលើស្បែក ទាំងផ្ទៃមុខ ក ប្រអប់ដៃ ស្បែកដងខ្លួន ទុករយៈពេល ៣នាទី ទៅ ៥នាទី ចាំលាងទឹកចេញវិញ ។
# គុណប្រយោជន៍
- ជួយឱ្យស្បែកស្រស់ថ្លា លូតតលាស់ល្អ ទន់ រលោង ម៉ដ្ឋខៃ ព្រមទាំងក្មេងជាងវ័យ
- ជួយផ្តល់សំណើមឱ្យស្បែក មានសភាពម៉ដ្ឋស្អាត កម្ចាត់ស្នាមនានាលើស្បែក ទាំងការរលាកដោយកម្តៅថ្ងៃ ស្នាមជាំ អុចខ្មៅ
- ប្រឆាំង និងការពារការរលាក ឬប្រតិកម្មស្បែកផ្សេងៗ ព្រមទាំងជួយឱ្យសាច់ចាំ ក្មេងជាងវ័យ
- ការពារ និងព្យាបាលបញ្ហាមុខមុនផ្សេងៗ ព្រមទាំងជួយបង្រួមរន្ធញើសដែលរីកធំ
- ជួយបន្តឹងស្បែកមុខឱ្យតឹងណែន បំបាត់ភាពយារធ្លាក់ និងកម្ចាត់ស្បែកចាស់ជ្រីវជ្រួញផងដែរ៕
ព័ត៌មានថ្មីៗ
