ជឿឬអត់ គេថាមនុស្សស្រីភាគច្រើនផិតក្បត់ក្នុងវ័យនេះ
ការផិតក្បត់គឺជាអំពើបាបដែលសម្លាប់អាពាហ៍ពិពាហ៍លឿនបំផុត។ ទោះបីពួកគេដឹងយ៉ាងច្បាស់ក៏ដោយ ក៏មនុស្សជាច្រើននៅតែប្រព្រឹត្តិវាដោយគ្មានភាពអៀនខ្មាស់។ វាជាការពិតដែលថាសព្វថ្ងៃនេះអត្រាផិតក្បត់របស់ស្ត្រីគឺមិនតិចជាងបុរសនោះទេ សម័យកាន់តែជឿនលឿនការក្បត់គ្នាហាក់ដូចជាងាយស្រួលជាងជំនាន់មុន។ តែតាមការសន្និដ្ឋាន គេប៉ាន់ប្រមាណថាមនុស្សស្រីដែលក្បត់នឹងប្តីភាគច្រើននៅក្នុងវ័យខាងក្រោមនេះ៖
១.បន្ទាប់ពីអាយុ 35 ឆ្នាំ៖ នៅអាយុ 35 ឆ្នាំ ស្ត្រីច្រើនតែមានកូនធំឡើងដែលអាចមើលថែខ្លួនឯងបាន ហើយពួកគេមិនចាំបាច់ត្រូវបានបង្ហាត់បង្រៀនដូចកាលកូននៅក្មេង ដូច្នេះស្ត្រីនឹងមានពេលទំនេរច្រើន។ នៅពេលនេះស្ត្រីនឹងចាប់ផ្តើមយកចិត្តទុកដាក់លើខ្លួនឯងពួកគេចង់សប្បាយកាន់តែច្រើន ដូច្នេះពួកគេនឹងព្យាយាមតែងខ្លួនដោយស្លៀកពាក់និងថែរក្សារូបរាងរបស់ពួកគេ។ នៅអាយុ 35 ឆ្នាំ ស្ត្រីអាចធ្លាក់ក្នុងមនោសញ្ចេតនាក្នុងការិយាល័យបានយ៉ាងងាយ។ ដោយសារតែក្នុងអំឡុងពេលនេះពួកគេនឹងវិនិយោគយ៉ាងសកម្មនៅក្នុងការងាររបស់ពួកគេពួកគេនឹងមានឱកាសប្រាស្រ័យទាក់ទងជាមួយមិត្តរួមការងារនៃភេទផ្ទុយ។ នៅពេលដែលពួកគេជួប "ប្រភេទមនុស្សត្រូវចិត្ត" ដែលជាមិត្តរួមការងារបុរសគួរឱ្យចាប់អារម្មណ៍ ពួកគេអាចមានអារម្មណ៍មិនស្ថិតស្ថេរបានយ៉ាងងាយ។
ក្រោយអាយុ៤០ឆ្នាំ ប្តីរបស់ពួកគេច្រើនតែស្ងួតហួតហែងក្នុងការងារយ៉ាងមមាញឹក និងមិនខ្វល់ពីប្រពន្ធ។ ដែលនេះនឹងធ្វើឱ្យទំនាក់ទំនងរវាងប្តីប្រពន្ធកាន់តែត្រជាក់ និងបែកបាក់។ សរុបមក អាយុដែលស្ត្រីទំនងជាក្បត់ប្តីលួចលាក់មានប្រុសថ្មីច្រើនបំផុតគឺអាយុចាប់ពី 35 ទៅ 45 ឆ្នាំ។
២.ហេតុអ្វីបានជាស្ត្រីក្នុងវ័យនេះប្រព្រឹត្តអំពើផិតក្បត់?
- កត្តាទី១៖ មានអារម្មណ៍ឯកោ
បុរសនៅអាយុនេះលែងក្មេងដូចមុន ម្យ៉ាងទៀតកូនៗរបស់ពួកគេត្រូវការលុយសម្រាប់ការសិក្សា ដូច្នេះហើយប្តីភាគច្រើនរវល់នឹងបញ្ហាហិរញ្ញវត្ថុ។ នេះហើយជាមូលហេតុដែលស្ត្រីមិនទទួលបានអារម្មណ៍ស្រឡាញ់ថ្នាក់ថ្នមពី ស្វាមីបានគ្រប់គ្រាន់។ បន្តិចម្ដងៗគេនឹងមានអារម្មណ៍ឯកោ ហើយចង់រកនរណាម្នាក់មកប៉ះប៉ូវផ្លូវអារម្មណ៍របស់គេ។
-កត្តាទី២៖ ខកចិត្តព្រោះរំពឹងលើស្វាមីខ្ពស់ពេក
ស្ត្រីជាច្រើនមានការរំពឹងទុកខ្ពស់ពេកចំពោះស្វាមីរបស់ពួកគេ។ ពួកគេចង់ឲ្យស្វាមីពូកែរកលុយ និងមើលថែប្រពន្ធកូន។ ទោះជាយ៉ាងណាក៏ដោយ ការរំពឹងទុកខ្ពស់ពេកពីដៃគូនឹងងាយនាំឱ្យមានការខកចិត្ត និងគំនួចក្នុងចិត្ត។ ពេលគេមិនសប្បាយចិត្ត គេមានអារម្មណ៍ថាប្ដីគេអាក្រក់ ហើយមានអារម្មណ៍ស្អប់ប្តីកាន់តែខ្លាំង។ នេះត្រូវបានគេចាត់ទុកជាចិត្តគំនិតនៃការ«ឈរលើភ្នំនេះ ហើយសម្លឹងមើលភ្នំនោះ» ហើយអាចនាំឱ្យស្ត្រីផិតក្បត់ និងបែកបាក់អាពាហ៍ពិពាហ៍យ៉ាងងាយ។
-កត្តាទី៣៖ ចំណង់ផ្លូវភេទគឺខ្ពស់
ស្ត្រីដែលមានអាយុក្រោម 40 ឆ្នាំមានតម្រូវការផ្លូវភេទខ្ពស់ ពួកគេអាចស្វែងរកបុរសផ្សេងទៀតបានយ៉ាងងាយស្រួលដើម្បីបំពេញតម្រូវការរបស់ពួកគេនៅពេលដែលស្វាមីរបស់ពួកគេមិនអាចបំពេញតាមចិត្តរបស់ពួកគេចង់បាន។ ចំណង់ផ្លូវភេទរបស់នាងធ្វើឱ្យនាងមិនអាចគ្រប់គ្រងខ្លួនឯងបាន ហើយងាយធ្លាក់ក្នុងបញ្ហាផិតក្បត់នេះ៕
ព័ត៌មានថ្មីៗ
