បើអ្នកនៅតែធ្វើទម្លាប់ ៥ យ៉ាងនេះដដែលៗ កុំសង្ឃឹមថាទទួលបានស្បែកស្អាត មានតែចាស់លើសដើម
បន្ថែមពីលើកត្តាហ្សែន ដំណើរការនៃភាពចាស់លេចឡើង និងកើតឡើងលឿនជាង ក៏អាចបណ្តាលមកពីទម្លាប់រស់នៅប្រចាំថ្ងៃបានដែរ។ នេះជាទម្លាប់ទាំង ដែលអ្នកត្រូវតែបោះបង់ចោល ដើម្បីកាត់បន្ថយភាពចាស់ហើយក៏សូមចងចាំថា ការផ្លាស់ប្តូររបៀបរស់នៅក៏អាចនាំមកនូវអត្ថប្រយោជន៍ជាច្រើនដល់សុខភាព ស្បែក និងរាងកាយផងដែរ។
របបអាហារមានជាតិខ្លាញ់ទាប
ការទទួលទានអាស៊ីតខ្លាញ់អូមេហ្គា ៣ ក្នុងកម្រិតមធ្យម និងតាមបែបវិទ្យាសាស្ត្រគឺចាំបាច់ក្នុងការទប់ស្កាត់ភាពជ្រីវជ្រួញ ធ្វើអោយស្បែកទន់រលោង។ ដោយឡែក បើអ្នកប្រើរបបអាហារមានជាតិខ្លាញ់ទាបនឹងធ្វើឲ្យរាងកាយអស់កម្លាំង ដែលអាចនាំឲ្យស្បែកឆាប់ចាស់។
ឥរិយាបថការងារមិនល្អ
ឥរិយាបថការងារមិនល្អនឹងធ្វើឲ្យឆ្អឹងខ្នងផ្លាស់ទី ហើយជាលទ្ធផល សាច់ដុំ និងឆ្អឹងនឹងមានភាពតានតឹងខុសប្រក្រតី ដូចជាអង្គុយយូរ នាំឲ្យមានការឈឺខ្លួនញឹកញាប់ ហើយមិនត្រឹមតែឈឺទេថែមទាំងបណ្តាលឱ្យខូចទ្រង់ទ្រាយជាអចិន្ត្រៃយ៍ទៀតផង។
ប្រើតែឡេការពារកម្តៅថ្ងៃពេលចេញទៅក្រៅ
ការប៉ះពាល់នឹងកាំរស្មី UV ច្រើនពេកគឺជាមូលហេតុចម្បងនៃភាពចាស់របស់ស្បែក។ ដូច្នេះ ដើម្បីការពារខ្លួនពីផលប៉ះពាល់ដ៏អាក្រក់របស់ព្រះអាទិត្យ ជារឿងសំខាន់សម្រាប់មនុស្សគ្រប់គ្នាត្រូវតែលាបឡេការពារកម្តៅថ្ងៃ បើទោះបីជាកំពុងអង្គុយនៅក្នុងការិយាល័យក៏ដោយ។
មើលទូរទស្សន៍ច្រើនពេក
ការសិក្សាមួយបានរកឃើញថា រាល់ម៉ោងដែលបានចំណាយពេលមើលទូរទស្សន៍អាយុសង្ឃឹមរស់ត្រូវបានកាត់បន្ថយត្រឹម ២២ នាទី។ អ្នកជំនាញណែនាំថា មិនថាអង្គុយលើសាឡុង ឬនៅតុទេ មនុស្សគួរតែក្រោកដើររៀងរាល់ ៣០ នាទីម្តង។
ភាពតានតឹង
យោងតាមការស្រាវជ្រាវ បង្ហាញថា ភាពតានតឹងរ៉ាំរ៉ៃបណ្តាលឱ្យខូចខាតយ៉ាងធ្ងន់ធ្ងរដល់កោសិកានិងបង្កើនល្បឿនដំណើរការនៃភាពចាស់។ ដូច្នេះ បំពេញការងារថ្ងៃនេះ ជៀសវាងការពន្យារពេលរហូតដល់ថ្ងៃស្អែក ដើម្បីកំណត់ភាពតានតឹង និងការថប់បារម្ភ ហើយត្រូវរកវិធីបន្ធូរអារម្មណ៍ និងផ្តល់ការម៉ាស្សាដល់រាងកាយ។
ប្រភព៖ បរទេស
ព័ត៌មានថ្មីៗ
