សមាគមអ្នកវិទ្យាសាស្រ្ដវេជ្ជសាស្រ្ដកម្ពុជា សូមអបអរសាទរ បេក្ខជនមកពីសាកលវិទ្យាល័យវិទ្យាសាស្រ្ដសុខាភិបាល បានជាប់វគ្គវិញ្ញាសារសរសេរ (Writing Quiz) ក្នុងកម្មវិធីប្រលងប្រជែង IMSPQ លើកទី២០ នៅទីក្រុងសេប៊ូ ប្រទេសហ្វីលីពីន។

• 2024-07-27

សមាគមអ្នកវិទ្យាសាស្រ្ដវេជ្ជសាស្រ្ដកម្ពុជា សូមអបអរសាទរ បេក្ខជនមកពីសាកលវិទ្យាល័យវិទ្យាសាស្រ្ដសុខាភិបាល បានជាប់វគ្គវិញ្ញាសារសរសេរ (Writing Quiz) ក្នុងកម្មវិធីប្រលងប្រជែង IMSPQ លើកទី២០ នៅទីក្រុងសេប៊ូ ប្រទេសហ្វីលីពីន។

នារាត្រីថ្ងៃសុក្រ ៦ រោច ខែអាសាឍ ឆ្នាំរោង ឆស័ក ពស ២៥៦៨ ត្រូវនឹងថ្ងៃទី26 ខែកក្កដា ឆ្នាំ2024

ក្នុងកម្មវិធី Culture Night, គណៈកម្មាធិការប្រលងប្រជែង IMSPQ លើកទី២០ បានប្រកាសលិទ្ធផលបេក្ខជនចំនួន 36ក្រុម ដែលត្រូវទៅកាន់ការប្រលងវគ្គសំណួ-ចម្លើយ ផ្ទាល់មាត់ (Oral Quiz) នៅថ្ងៃទី២ នៃការប្រលង ត្រូវនឹងថ្ងៃទី ២៧ ខែកក្កដា ឆ្នាំ២០២៤ ដែលក្នុងនោះមាន បេក្ខជន និស្សិតមកពីសាកលវិទ្យាល័យវិទ្យាសាស្រ្ដសុខាភិបាល ប្រទេសកម្ពុជាយើង មួយក្រុមបន្ថែមទៀត ដែលត្រូវបានឈ្នះទៅកាន់វគ្គពាក់កណ្ដាលផ្ដាច់ព្រាត់ (Oral Quiz)។

សមាគមអ្នកវិទ្យាសាស្រ្ដវេជ្ជសាស្រ្ដកម្ពុជា មានសេចក្ដីសោមន្សរីរាយយ៉ាងខ្លាំងដែល ជាឆ្នាំដំបូង កម្ពុជាបានឈានជើងចូលដល់វគ្គវិញ្ញាសាផ្ទាល់មាត់។

ដូច្នេះ ប្រទេសកម្ពុជា មានចំនួន២ក្រុម ត្រូវបានឈ្នះទៅកាន់វគ្គពាក់កណ្ដាលផ្ដាច់ព្រាត់ (Oral Quiz) ដែលមកពីសាកលវិទ្យាល័យពុទ្ធិសាស្រ្ត (ជ្រើសរើសដោយគណៈគម្មធិការ) និង សាកលវិទ្យាល័យវិទ្យាសាស្រ្តសុខាភិបាល (ដែលប្រឡងជាប់វិញ្ញាសាសរសេរ)។

សូមជូនពរក្រុមបេក្ខជនប្រលងទាំង២ក្រុម ទទួលបានជោគជ័យ និងទទួលបានលទ្ធផលល្អនៅថ្ងៃស្អែក ក្នុងវគ្គពាក់កណ្ដាលផ្ដាច់ព្រាត់ (Oral Quiz)។

#CMSA

#1stCam_Phy_Q

#20th_IMSPQ

#Cambodia

#Cebu_Philippines