គ្រាប់រីករាយ ជាគ្រាប់ធុញ្ញជាតិពិសេស មានអត្ថប្រយោជន៍ខ្លាំងចំពោះសុខភាព
Pistachios ឬ គ្រាប់រីករាយ គឺជាគ្រាប់ធុញ្ញជាតិដែលអាចបន្ថែមសារធាតុចិញ្ចឹមដល់របបអាហាររបស់អ្នក។ ពួកវាមានផ្ទុកនូវប្រូតេអ៊ីន 20% ដែលប្រូតេអ៊ីននេះអាចធ្វើឲ្យអ្នកមានអារម្មណ៍ឆ្អែតបានយូរ និងជួយអ្នកគ្រប់គ្រងទម្ងន់របស់អ្នក។ គ្រាប់រីករាយ ក៏មានផ្ទុកនូវសារធាតុប្រឆាំងអុកស៊ីតកម្មខ្ពស់ផងដែរ ដោយសារធាតុប្រឆាំងអុកស៊ីតកម្មនេះនឹងជួយប្រឆាំងនឹងរ៉ាឌីកាល់សេរី ដែលជាសមាសធាតុនៅក្នុងខ្លួនរបស់អ្នក ដែលអាចប៉ះពាល់ដល់កោសិកា ប្រូតេអ៊ីន និង DNA ដែលបណ្តាលឱ្យមានភាពចាស់មុនអាយុ ក៏ដូចជាជំងឺដូចជាមហារីក ជំងឺទឹកនោមផ្អែម និងជំងឺបេះដូង។
គ្រាប់រីករាយ គឺជាប្រភពដ៏ល្អនៃអាស៊ីតខ្លាញ់មិនឆ្អែត និងប៉ូតាស្យូម ដែលវាក៏ល្អក្នុងការជួយដល់សុខភាពទូទៅដូចជា៖
១.ជួយលើកកម្ពស់បាក់តេរីល្អក្នុងពោះវៀន
គ្រាប់រីករាយ មានជាតិសរសៃខ្ពស់ ដែលអាចដើរតួជា prebiotic ឬ អាហារដែលត្រូវបានរំលាយដោយបាក់តេរីល្អក្នុងពោះវៀនរបស់អ្នក ដើម្បីជួយឱ្យពួកវាលូតលាស់។ បន្ទាប់មក បាក់តេរីក្នុងពោះវៀនរបស់អ្នកអាចបំប្លែងជាតិសរសៃ ហើយបំប្លែងវាទៅជាអាស៊ីតខ្លាញ់ខ្សែសង្វាក់ខ្លី ដែលជួយកាត់បន្ថយហានិភ័យនៃជំងឺមហារីក ជំងឺបេះដូង និងជំងឺដែលពាក់ព័ន្ធនឹងការរំលាយអាហារ។
២.បន្ថយសម្ពាធឈាម និងកម្រិតកូឡេស្តេរ៉ុល
គ្រាប់រីករាយ ត្រូវបានគេបង្ហាញថាមានឥទ្ធិពលបញ្ចុះកូឡេស្តេរ៉ុល។ គ្រាប់ទាំងនេះមានជាតិសរសៃ និងបរិមាណខ្ពស់នៃខ្លាញ់ polyunsaturated និង monounsaturated ដែលទាំងអស់នេះត្រូវបានផ្សារភ្ជាប់ទៅនឹងកម្រិតកូឡេស្តេរ៉ុលដែលមានសុខភាពល្អ និងកាត់បន្ថយហានិភ័យនៃជំងឺបេះដូង។ ហើយការស្រាវជ្រាវបានបង្ហាញថាការញ៉ាំគ្រាប់រីករាយ អាចធ្វើឱ្យសម្ពាធឈាមថយចុះផងដែរ។
៣.កម្រិតជាតិស្ករក្នុងឈាមដែលមានសុខភាពល្អ
គ្រាប់រីករាយ មានសន្ទស្សន៍ glycemic ទាបដែលមានន័យថាការញ៉ាំវាមិនបណ្តាលឱ្យមានការកើនឡើងជាតិស្ករក្នុងឈាមទេ។ ពួកគេក៏មានសារធាតុប្រឆាំងអុកស៊ីតកម្ម សារធាតុ carotenoids និងសមាសធាតុ phenolic ដែលជួយដល់កម្រិតជាតិស្ករក្នុងឈាមដែលមានសុខភាពល្អ។
៤.ធ្វើឱ្យប្រសើរឡើងនូវសុខភាពសរសៃឈាម
អាស៊ីតអាមីណូត្រូវបានចាត់ទុកថាជាសារធាតុសំខាន់ ដូច្នេះប្រសិនបើរាងកាយរបស់អ្នកមិនអាចបង្កើតវាបាន អ្នកត្រូវតែទទួលវាតាមរយៈរបបអាហាររបស់អ្នក។ ការសិក្សាមួយចំនួនបានបង្ហាញថាអាស៊ីតអាមីណូនៅក្នុងគ្រាប់រីករាយ អាចកាត់បន្ថយបរិមាណជាតិខ្លាញ់ និងជាតិស្ករ (សន្ទស្សន៍ glycemic) នៅក្នុងឈាមរបស់អ្នក ហើយអាចធ្វើឱ្យសរសៃឈាមរបស់អ្នកមានភាពរឹងមាំ និងធ្វើឱ្យពួកគេមានភាពបត់បែនបានល្អ។
៥.សុខភាពភ្នែកកាន់តែប្រសើរ
គ្រាប់រីករាយ មានកម្រិតខ្ពស់បំផុតនៃ zeaxanthin និង lutein ដែលសារធាតុទាំងពីរប្រភេទនេះអាចជួយការពារភ្នែករបស់អ្នកពីការខូចខាតដែលបណ្តាលមកពីពន្លឺពណ៌ខៀវ ក៏ដូចជាជំងឺភ្នែកឡើងបាយ និងជំងឺភ្នែកដែលអាចបណ្តាលឱ្យបាត់បង់ការមើលឃើញនៅពេលអ្នកចាស់ទៅ។
៦.ចុះទម្ងន់
ការទទួលទានគ្រាប់រីករាយ ក៏អាចជួយអ្នកក្នុងការសម្រកទម្ងន់ផងដែរ។ ពួកវាសម្បូរទៅដោយជាតិសរសៃ និងប្រូតេអ៊ីន ដែលនាំឱ្យអ្នកមានអារម្មណ៍ឆ្អែត ហើយអាចជួយឱ្យអ្នកញ៉ាំតិច៕
ប្រភព៖ បរទេស
ប្រែសម្រួលដោយ៖ ក្នុងស្រុក
ព័ត៌មានថ្មីៗ
