១៥ ថ្ងៃចុងក្រោយខែមិនា ម្ចាស់ឆ្នាំ ៣ អស់ព្រួយ រឿងលុយកាក់ហើយ
ម្ចាស់ឆ្នាំទាំង ៣ ខាងក្រោម បើទោះបីធ្លាប់ជួបឧបសគ្គច្រើន សឹងតែអ្នកខ្លះប៊ិះតែធ្លាក់ដល់បាតម្តងម្កាល តែជោគវាសនារបស់ពួកគេនៅអាចស្រោចស្រង់ឡើងមកវិញបាន នៅរយៈពេល ១៥ ថ្ងៃចុងក្រោយនៃខែមិនា ឆ្នាំ ២០២៣ នេះ៖
អ្នកកើតឆ្នាំថោះ - ទន្សាយ
តាមហោរាសាស្រ្ត ១៥ ថ្ងៃនៃរយៈពេលចុងក្រោយខែមិនា រាប់ពីថ្ងៃទី ១៦ ដល់ ៣១ សម្រាប់ម្ចាស់ឆ្នាំថោះ ដែលរមែងជាមនុស្សមានចិត្តល្អ រួសរាយរាក់ទាក់ និងអាចជួបលាភសំណាងធំ នៅពេលខាងមុខ។ អ្វីគ្រប់យ៉ាងសម្រាប់ពួកគេ នឹងទទួលបានជោគជ័យ ធ្វើឲ្យគ្រប់គ្នាមានការច្រណែនខ្លាំង។
ក្នុងកំឡុងពេលនេះ ម្ចាស់ឆ្នាំថោះ ក៏រមែងមានគេស្ថិតនៅទីខ្ពស់មកតាមជួយថែរក្សា ទាញឲ្យងើបឡើងជាបន្តបន្ទាប់ ហើយក៏ជួយដឹកដៃឆ្ពោះទៅវិថីរីកចម្រើនក្នុងជីវិតផងដែរ។ បន្ថែមពីសំណាងដែលជួប ទៅមើលឧបសគ្គរបស់ពួកគេវិញ ក៏នឹងអាចជម្នះបានដោយភាពនឹងន ហើយមិនជាមានរឿងអ្វីគួរឲ្យបារម្ភខ្លាំងឡើយ។
អ្នកកើតឆ្នាំច – ឆ្កែ
តាមហោរាសាស្រ្តនិយាយថា ម្ចាស់ឆ្នាំច ដែលរមែងជាមនុស្សមានទេពកោសល្យ និងចរិតថ្លៃថ្នូរ ក៏តែងតែមើលឃើញចក្ខុវិស័យរយៈពេលយូរ និងប្លែកពីគេ ក្នុងការធ្វើអាជីវកម្ម និងជំនួញផ្សេងៗ។ ហេតុនេះទោះផ្តើមពីតូច ក៏ឆាប់បានកើតជាដុំមាសធំ ជួយឲ្យពួកគេទទួលបានជោគជ័យ យ៉ាងឆាប់រហ័ស។
ដោយសារលាភត្រូវចូលមកដល់ ជីវិតដូចខ្សែទឹកហូរ និងបញ្រ្ចាសវិលទៅរកជោគជ័យ ១៨០ ដឺក្រេ មិនឲ្យម្ចាស់ឆ្នាំច មានការហត់នឿយខ្លាំងទៀតទេ យ៉ាងយូរត្រឹមចុងខែខាងមុខ។ ទាំងទ្រព្យ ទាំងញាតិ ទាំងទំនាក់ទំនងស្នេហា ទទួលបានមួយពេញចិត្ត។
អ្នកកើតឆ្នាំជូត – កណ្ដុរ
ហោរាសាស្រ្តពោលមកថា នៅរយៈពេល ១៥ ថ្ងៃនេះ សម្រាប់ម្ចាស់ឆ្នាំជូត ដែលតែងតែមានការខិតខំព្យាយាម មិនខ្ជិល មានភាពរឹងមាំ ច្បាស់លាស់ក្នុងអាជីពការងារ ការរកស៊ី គឺដល់ពេលដែលទទួលផ្កាយលើកយីអ៊ុនដ៏ធំមួយ ចូលមកដល់ជីវិតរបស់ពួកគេ។
ទេវតាទ្រព្យបានកត់ឈ្មោះម្ចាស់ឆ្នាំជូតចូលក្នុងបញ្ជី ហើយរង់ចាំពេលប៉ុន្មានថ្ងៃបន្ទាប់ទៀត ដើម្បីប្រោះព្រំសំណាងធំ មកដល់ពួកគេ។ ប្រាក់ចំណូលក៏នឹងកើន ប្រាក់ចំណេញក៏នឹងចូលមកលើសពីការរំពឹងទុកសម្រាប់អ្នករកស៊ី៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
