ពោតបារាំង មិនត្រឹមតែឆ្ងាញ់ទេ ថែមទាំងមានអត្ថប្រយោជន៍ច្រើនថែមទៀត
ពោតបារាំង ឬអាចហៅថា Okra ត្រូវបានប្រជាជនកម្ពុជា ស្គាល់ជាទូទៅ ដោយវាអាចយកមកបរិភោគស្រស់ក៏បាន ឬឆ្អិនក៏បាន។ ពោតបារាំង វាមានសារៈប្រយោជន៍ដល់សុខភាពជាច្រើន ហើយគេចាត់ទុកវាជារុក្ខជាតិឱសថបានទៀតផង។ ដោយសារតែក្នុងពោតបារាំង ១០០ក្រាម វាផ្ទុកដោយជាតិសរសៃ ដល់ ៣.២g វីតាមីន K , C , A , B1 , B6 , B9 និងសារធាតុរ៉ែដូចជា ប៉ូតា ស្យូម កាល់ស្យូម ម៉ង់កាណែស សូដ្យូម ហើយវាក៏ផ្ទុកជាតិដែក ទង់ដែន និងផូស្វ័រផងដែរ។
ដូច្នេះខាងក្រោមនេះ ជាអត្ថប្រយោជន៍របស់ពោតបារាំង វាជួយដល់សុខភាពជាច្រើនដូចជា ៖
១. បង្ការជំងឺបេះដូង
កម្រិត Cholesterol ក្នុងសរសៃឈាម វាមានឥទ្ធិពលទៅដល់សុខភាពបេះដូង ពោតបារាំង ផ្ទុកសារធាតុម្យ៉ាងហៅថា muliage ដែលអាចចាប់យក Cholesterols តាមរយៈអាហារ រួចបញ្ចេញចោលមកខាងក្រៅដោយ បញ្ចេសពីការស្រូបចូលទៅក្នុងសារពាង្គកាយ។ ការបញ្ចេញ Cholesterols មកខាងក្រៅវាធ្វើឲបរិមាណ Cholesterols ក្នុងសរសៃឈាមទាប នាំឲចលនាឈាមទៅកាន់បេះដូងបានល្អ។ មួយវិញទៀត សារធាតុ Polyphenols វាក៏ចូលរួមក្នុងការកាត់បន្ថយហានីភ័យដែលបណ្តាលពីជំងឺបេះដូងផងដែរ។
២. បង្ការជំងឺមហារីក
នៅក្នុង ពោតបារាំង ផ្ទុកទៅដោយប្រូតេអ៊ីន ១ប្រភេទឈ្មោះថា Lectin ដែលប្រូតេអ៊ីននេះវាជួយបង្អាក់ដំណើរការ វិវត្តដ៍របស់កោសិកាមហារីក។ មានការសិក្សាបឋមបានបង្ហាញថា សារធាតុចម្រាញ់ចេញពី ពោតបារាំង អាចជួយបង្អាត់ការលូតលាស់របស់កោសិកាមហារីក នៅក្នុងសុដនបាន។
៣. អាចបញ្ចុះជាតិស្ករក្នុងឈាម
បរិមាណស្ករក្នុងឈាមកើនឡើង អាចបង្កទៅជាជំងឺទឹកនោមផ្អែមបាន កម្រិតជាតិស្ករក្នុងឈាមវាមានសារៈសំខាន់សម្រាប់សុខភាព ជាតិពិសេសអ្នកមានជំងឺទឹកនោមផ្អែម។ មានការពិសោធន៍បឋមបានបង្ហាញថា ការញ៉ាំពោតបារាំង ឬទឹកពោតបារាំងវាអាចបញ្ចុះជាតិស្ករក្នុងឈាមបាន ដោយវាកាត់បន្ថយការស្រូបយកជាតិស្ករពីអាហារ ក្នុងដំណើរការរំលាយអាហារបាន។ តែយ៉ាងណាមិញគេរកឃើញថាសារធាតុនៅក្នុងពោតបារាំងវាធ្វើឲប្រសិទ្ធភាពថ្នាំ metformin ដែលជាថ្នាំសម្រាប់អ្នកទឹកនោមផ្អែកទូទៅ ថយចុះបានផងដែរ។
៤. ផ្ទុកសារធាតុប្រឆាំងអុកស៊ីតកម្ម
ពោតបារាំងផ្ទុកសារធាតុ polyphenols ដែលវាជាសារធាតុប្រឆាំងអុកស៊ីតកម្ម នៅក្នុងនោះ សារធាតុ flavonoid និង isoquercetin ដែលសារធាតុទាំងពីរនេះស្ថិតក្នុងក្រុម វីតាមីន A និង C ដោយមានការសិក្សាជាច្រើនបានបង្ហាញថាការបរិភោគអាហារដែលផ្ទុកសារធាតុប្រភេទ polyphenols ច្រើនវាអាចបង្ការនៅក្នុងសរសៃឈាម និងការពារពីផលប៉ះពាល់ពីរលកវិទ្យាសកម្មពីខាងក្រៅ៕
ប្រភព ៖ www.heathline.com / ប្រែសម្រួល ៖ Mythical Bird
ព័ត៌មានថ្មីៗ
