មនុស្សមានចរិត ២ នេះ ទោះជីវិតជួបបញ្ហា ការលំបាកយ៉ាងណា ក៏មិនដុនដាបដែរ អាចប្រែគ្រោះទៅជាលាភដោយងាយ
លើលោកនេះមានមនុស្សមួយចំនួន ដែលជីវិតខ្លួនឯងមិនសូវស្រួល ប៉ុន្តែចេះអត់ឱន ចេះយោគយល់ និងអាណិតអាសូរចំពោះវាសនាអ្នកដទៃ។ ដរាបណាពួកគេអាចរក្សានូវអត្តចរិត និងអាកប្បកិរិយាទាំង ២ នេះបាន ទោះជីវិតជួបបញ្ហាការលំបាកយ៉ាងណា ក៏អ្នកអាចជម្នះទៅបានដែរ។
១. មិនត្អូញត្អែរ មិនទួញសោក
នៅពេលដែលយើងជួបបញ្ហា និងទុក្ខសោក ការលំបាក យើងតែងតែចង់រកនរណាម្នាក់មកត្អូញត្អែរ ដោយសង្ឃឹមថាបុគ្គលនោះនឹងលួងលោម និងអាណិតយើង។ ប៉ុន្តែទោះជាយ៉ាងណាក៏ដោយ មនុស្សខ្លះមិនអាណិតពេលឃើញយើងមានទុក្ខទេ តែគេអាចនឹងសើចចំអក ចាំជាន់យើងថែមក៏មាន។
ដោយសារតែសេចក្ដីទុក្ខរបស់អ្នក ចុងក្រោយវាគ្រាន់តែជាទុក្ខរបស់អ្នកផ្ទាល់ មិនមានជាប់ពាក់ព័ន្ធជាមួយអ្នកដទៃទេ។ អ្នកប្រហែលជាមានអារម្មណ៍ថា អ្វីដែលអ្នកកំពុងជួបប្រទះ គឺជាការឈឺចាប់ ប៉ុន្តែសម្រាប់អ្នកដទៃវាគ្រាន់តែជាបញ្ហាតូចតាចប៉ុណ្ណោះ។
កាលណាបុគ្គលបានជួបទុក្ខហើយ គេមិននិយាយអ្វីឡើយ សូម្បីតែការលំបាកក៏ជម្នះតែម្នាក់ឯងដែរ។ ព្រោះគេយល់ថា ការនិយាយគ្មានប្រយោជន៍ មិនត្រឹមតែមិនជួយអ្វីបានទេ ថែមទាំងធ្វើឱ្យបញ្ហាកាន់តែធ្ងន់ធ្ងរទៅវិញ។ មនុស្សដែលធ្លាប់ឈឺចិត្តច្រើនតែមិនជឿលើអ្នកដទៃ។ ពួកគេនឹងរក្សាភាពស្ងៀមស្ងាត់ នៅស្ងៀម ប្រឹងប្រែងជម្នះក្នុងជីវិត។
២. ដឹង និងយល់ច្បាស់ពីសេចក្ដីទុក្ខរបស់អ្នកដទៃ
លើលោកនេះមានមនុស្សមួយចំនួន ការរស់នៅខ្លួនឯងមិនសូវស្រួលទេ តែចេះអត់ឱន ចេះយោគយល់ និងអាណិតអាសូរដល់វាសនាអ្នកដទៃ។ ដរាបណាពួកគេអាចជួយបាន។ ដោយសារតែពួកគេបានភ្លក្សរសជាតិជូរចត់នោះពីមុនមក ពួកគេមិនអាចទ្រាំឈរមើលអ្នកដទៃដូចពួកគេដោយគ្មានជំនួយឡើយ។
មនុស្សដែលរងទុក្ខច្រើន ភាគច្រើនមានចិត្តល្អ ពួកគេនឹងព្យាយាមឱ្យអស់ពីសមត្ថភាព ដើម្បីជួយអ្នកជុំវិញខ្លួនដែលជួបការលំបាក។ គ្មានអ្វីដែលរលូនល្អក្នុងលោកនេះទេ។ ដូច្នេះ អ្នកត្រូវរក្សាខ្លួនឯងឱ្យរឹងមាំខាងក្នុង។ ភាពលំបាកនឹងត្រូវលុបចោលដោយខ្លួនឯង កុំពឹងផ្អែកលើអ្នកដទៃ៕
ប្រភព ៖ បរទេស / Knongsrok
ព័ត៌មានថ្មីៗ
