ទម្លាប់ទាំង ៦ ដែលអ្នកមានតែងតែប្រើដើម្បីលត់ដំ និងកែប្រែវាសនាខ្លួនឯង
មែនហើយ អ្នកមាន និងបុគ្គលជោគជ័យ គឺជាក្រុមមនុស្សដែលមានច្បាប់ទម្លាប់ និងវិន័យតឹងតែខ្លាំងចំពោះខ្លួនឯង ព្រោះមនុស្សទាំងនេះ តែងមានគំនិតចង់កែប្រែខ្សែវាសនារបស់ពួកគេឱ្យកាន់តែល្អប្រសើរ ដូចនេះហើយ ពួកគេតែងតែខិតខំលត់ដំខ្លួនឯងយ៉ាងសកម្ម។ យ៉ាងណាមិញ សកម្មភាព និងទម្លាប់ទាំង ៦ យ៉ាងនេះ ដែលអ្នកមាន និងបុគ្គលជោគជ័យតែងតែអនុវត្តក្នុងជីវិត។
១. តែងតែជឿថា ជោគវាសនាគឺនៅក្នុងដៃ
ជោគវាសនារបស់មនុស្ស ត្រូវបានកំណត់ដោយស្ថានសួគ៌ ប៉ុន្តែគន្លឹះគឺមិនត្រូវបោះបង់ចោលការខិតខំប្រឹងប្រែង ដោយសារតែរឿងផ្ដេកផ្ដួលលើខ្សែវាសនា តាមតែទេវតាចារតុកនោះឡើយ។ យ៉ាងណាមិញ ក្រុមមនុស្សជោគជ័យ ឬអ្នកមាន តែងតែជឿជានិច្ចថា ការខិតខំប្រឹងប្រែង នឹងជួយឱ្យពួកគេសម្រេចជោគវាសនារបស់ខ្លួនកាន់តែល្អប្រសើរ។
២. មានទម្លាប់ពង្រីកទំនាក់ទំនងល្អ
អ្នកមានយល់ថា វាមិនចាំបាច់ត្រូវបានគ្រប់គ្នាគោរពនោះទេ។ វិធីពិតប្រាកដនៃការតភ្ជាប់ គឺគ្រប់គ្រងដោយបេះដូង មិនមែនដោយលុយទេ។ នេះមិនបដិសេធតួនាទីរបស់លុយក្នុងការគ្រប់គ្រងទំនាក់ទំនងផ្ទាល់ខ្លួននោះឡើយ វាសំខាន់ជាងក្នុងការអភិវឌ្ឍទម្លាប់ល្អ ចិត្តល្អចំពោះអ្នកដទៃ។ បើអ្នកចង់ក្លាយជាអ្នកមាន អ្នកត្រូវបង្កើនសមត្ថភាពដាំដុះរបស់អ្នកក្នុងទំនាក់ទំនងឱ្យបានល្អ។
៣. គ្រប់គ្រងលំហូរសាច់ប្រាក់បានល្អ
មនុស្សដែលគេហៅថាអ្នកមាន គឺមានទម្លាប់ល្អខ្លាំងណាស់ ព្រោះគេយល់ច្បាស់អំពីលុយចេញ និងលុយចូល។ មិនថាអ្នកមានលុយច្រើនប៉ុនណាទេ ទម្លាប់លើកដៃបន់ស្រន់សុំលុយ គឺជារឿងឆោតល្ងង់បំផុត។ ដើម្បីសុវត្ថិភាព អ្នកគួរតែដាក់ប្រាក់នៅក្នុងធនាគារជាដាច់ខាត ដើម្បីការពារតម្លៃរបស់វា ជំនួសឱ្យការមិនគិតលុយនៅក្នុងទីផ្សារនៅពេលដែលអ្នកមិនមានលទ្ធភាពទិញវា។
៤. ស្រលាញ់ការងារដោយស្មោះ
សម្រាប់អ្នកមានពិតប្រាកដ គោលបំណងសំខាន់នៃការងាររបស់ពួកគេ គឺមិនមែនដើម្បីរកប្រាក់ទេ ប៉ុន្តែគឺស្រឡាញ់ការងាររបស់ខ្លួនយ៉ាងពិតប្រាកដ។ ពួកគេស្រឡាញ់ការងារដោយស្មោះ ហើយបន្តសាទរយ៉ាងខ្លាំងចំពោះការងាររបស់ពួកគេ។ នេះជាទម្លាប់ដ៏ល្អមួយដែលអ្នកក្រមួយចំនួនមិនមាននោះឡើយ។ ពួកគេធ្លាប់ប្រើការងារជាឧបករណ៍ដើម្បីរកប្រាក់ចំណូល និងរស់រានមានជីវិតតែប៉ុណ្ណោះ។
៥. ធ្វើជាម្ចាស់លុយ មិនមែនទាសករទេ
ប្រសិនបើអ្នកគ្រប់គ្រងលុយបានល្អ វានឹងដូចជាអ្នកបម្រើដ៏ល្អម្នាក់។ ប្រសិនបើលុយគ្រប់គ្រងអ្នក នោះគឺជាមេអាក្រក់បំផុត។ បុគ្គលដែលប្រើលុយបានល្អ ជាម្ចាស់លុយ អាចរាប់លុយជាជំនួយការដ៏មានប្រសិទ្ធភាព។ មនុស្សដែលមិនចេះប្រើប្រាស់លុយ នឹងប្រែក្លាយលុយទៅជាចៅហ្វាយ លោភលន់ចង់បានកេរ្តិ៍ឈ្មោះ និងចំណេញ ហើយទីបំផុតក្លាយជាទាសករលុយ។
៦. ទទួលស្គាល់ និងពេញចិត្តចំពោះតួនាទីនៃទម្លាប់
ទម្លាប់កំណត់ជោគវាសនា ទម្លាប់ល្អនឹងជួយអ្នកឱ្យកាន់តែប្រសើរឡើង ទម្លាប់អាក្រក់នឹងបំផ្លាញអ្នកជាយថាហេតុ។ ដូច្នេះ អ្នកមានយល់ថា ទម្លាប់នឹងកំណត់ពីភាពជោគជ័យ ឬបរាជ័យរបស់បុគ្គលម្នាក់ៗ៕
ប្រភព ៖ បរទេស / Knongsrok
ព័ត៌មានថ្មីៗ
