បុគ្គលឆ្លាត និងមាន EQ ខ្ពស់ នឹងមិនឈានជើងចូលផ្ទះមនុស្ស ៣ ប្រភេទនេះឡើយ
ជាការពិតណាស់ ការរាប់អាន និងសេពគប់មនុស្ស គឺត្រូវតែមើលឱ្យបានច្បាស់ បើមិនដូច្នោះទេ ដូចនាំគ្រោះ បង្កបញ្ហាដាក់ខ្លួនអ៊ីចឹង។ យ៉ាងណាមិញ មនុស្សឆ្លាត និងមាន EQ ខ្ពស់ ដាច់ខាតមិនឈានជើងចូលផ្ទះមនុស្ស ៣ ប្រភេទនេះឡើយ។
១. ផ្ទះដេលគ្រួសារទើបមានបញ្ហា ឈ្លោះទាស់គ្នា
មានមនុស្សជាច្រើន ដែលពេលឃើញគេមានបញ្ហា ក៏ចេះតែចូលទៅមើល ចង់ដឹងចង់ឮរឿងអ្នកដទៃ។ ពួកគេមានការចង់ដឹងចង់ឃើញ និងស៊ើបសួររឿងឯកជនក្នុងគ្រួសារអ្នកដទៃ ដោយគ្មានភាពអៀនខ្មាស។
នេះគេចាត់ទុកថាជាមនុស្សខ្វះសីលធម៌ ព្រោះគេមិនខ្វល់ពីអារម្មណ៍អ្នកដទៃ ចង់ដឹងរឿងគេណាស់។ ប្រសិនបើអ្នកដឹងពីអ្វីដែលកំពុងកើតឡើង នៅក្នុងគ្រួសាររបស់នរណាម្នាក់ វាជាការល្អបំផុតដែលមិនត្រូវរំខានពួកគេ។ រង់ចាំគេដោះស្រាយបញ្ហារួចរាល់អស់សិនទៅ ចាំទៅលេង វាមិនយឺតពេលនោះឡើយ។
២. ផ្ទះអ្នកដែលមានអ្នកឈឺ
ជាក់ស្តែង ក្នុងផ្ទះដែលមានសភាពរញ៉េរញ៉ៃ កខ្វក់ គឺមិនមានអ្នកណាចង់ឱ្យភ្ញៀវមកលេងនោះឡើយ។ ប៉ុន្តែពេលខ្លះ ដោយសារនៅក្នុងផ្ទះមានអ្នកឈឺ ឬមានរបស់ច្រើនពេក ទើបមិនអាចសម្អាតផ្ទះបាន។ ពេលនេះគេមិនចង់ឱ្យអ្នកណាមកផ្ទះលេងទេ។
អ្នកដែលឆ្លាតនឹងដឹងច្បាស់ ហើយពន្យារពេលទៅលេង បើមកគេក៏ប្រាប់ម្ចាស់មុនដែរ ទើបដឹងថារៀបចំយ៉ាងម៉េច។ ពេលទៅសួរសុខទុក្ខអ្នកណាម្នាក់ តែពេលអ្នកទាំងពីរស្និទ្ធស្នាលខ្លាំងពេក ច្រើនតែមិនសូវខ្វល់ដល់រឿងសុជីវធម៌។ ចំពោះប្រភេទនៃទំនាក់ទំនងដែលមានតែក្នុងកម្រិតសង្គមប៉ុណ្ណោះកុំរំខានពួកគេ។
៣. ផ្ទះអ្នកពូកែនិយាយដើមគេ
មានអ្នកចូលចិត្តនិយាយដើមគេ កុំឱ្យទំនេរមាត់ ព្រោះមនុស្សប្រភេទនេះដឹងព័ត៌មានច្រើន តែមិនដឹងត្រូវ ឬខុសនោះឡើយ។ ការនិយាយជាមួយពួកគេ គឺជារឿងសប្បាយ និងជាការកម្សាន្ត។ ប៉ុន្តែទម្លាប់នេះនឹងមានផលវិបាក តាមមកពីក្រោយ។
ការនិយាយដើមគេ និយាយអាក្រក់ពីអ្នកដទៃពីក្រោយខ្នងច្រើនពេក នឹងផ្លាស់ប្តូរអារម្មណ៍របស់មនុស្សក្នុងទិសដៅអវិជ្ជមាន។ ក្នុងនាមជាមនុស្សឆ្លាត យើងត្រូវជ្រើសរើសមិត្តភ័ក្ដិដើម្បីលេងជាមួយ។ ចាំបាច់ត្រូវកំណត់គោលដៅច្បាស់លាស់៕
ប្រភព ៖ បរទេស / Knongsrok
ព័ត៌មានថ្មីៗ
