ទ្រព្យជាប់ខ្លួន! បើអ្នកមានលក្ខណៈទាំង ៤ យ៉ាងនេះ ផ្លូវជីវិតមានតែភាពរលូនល្អប្រសើរ ធ្វើអ្វីក៏ជោគជ័យដែរ
មនុស្សដែលមានលក្ខណៈទាំង ៤ យ៉ាងនេះ ជាសញ្ញាបង្ហាញថា ជាមនុស្សដែលមានទ្រព្យជាប់ខ្លួនរួចជាស្រេច មិនថាធ្វើអ្វីក៏សម្រេចជោគជ័យ សំណាងល្អ ផ្លូវជីវិតរលូនប្រសើរខ្លាំង។
១. មានចិត្តអំណត់ អត់ធ្មត់ខ្ពស់
ជីវិតតែងជួបបញ្ហា ការលំបាក និងរងនូវសេចក្ដីទុក្ខរាប់មិនអស់ចៀសមិនផុត។ តែយ៉ាងណាមិញ មនុស្សដែលមានចិត្តអំណត់ និងសេចក្ដីអត់ធ្មត់ខ្ពស់ គឺជាមនុស្សដែលអាចឆ្លងផុតរាល់ទុក្ខទាំងឡាយ មិនថាជីវិតមានបញ្ហាការលំបាកយ៉ាងណា ក៏នៅតែអាចបោះជំហាន ឈានទៅរកសេចក្ដីប្រសើរបានដោយងាយ។ ដូច្នេះហើយ ចិត្តអំណត់ និងសេចក្ដីអត់ធ្មត់ គឺជារឿងដែលល្អប្រសើរបំផុត ក៏ជាទ្រព្យដ៏មានតម្លៃផងដែរ។
២. ចិត្តទូលាយ មានការអត់ឱន
មនុស្សដែលមានចិត្តទូលំទូលាយ បេះដូងធំបរិសុទ្ធ គឺជាមនុស្សដែលស្ដុកស្ដម្ភខ្លាំង។ ការអត់ឱនឱ្យអ្នកដទៃ ប្រៀបដូចជាការអត់ឱនចំពោះខ្លួនឯង។ កុំប្រៀបធៀប កុំប្រកួតប្រជែង ប៉ុន្តែត្រូវប្រព្រឹត្តចំពោះអ្នកដទៃ គោរពឱ្យតម្លៃអ្នកក្បែរខ្លួន។
មនុស្សម្នាក់ដែលរស់នៅដោយសេចក្ដីអំណរ ចិត្តល្អបរិសុទ្ធអាចដោះស្រាយអ្វីៗគ្រប់យ៉ាងបានយ៉ាងល្អ។ ដោយការអត់ឱន គុណធម៌នឹងរីកចម្រើន។ មនុស្សដែលមានគុណធម៌គ្មានគូប្រជែងទេ ទៅកន្លែងណា ទីណាក៏មានតែញាតិមិត្តស្រឡាញ់ចូលចិត្តផងដែរ។
៣. រីករាយ សប្បាយចិត្ត
ភាពរីករាយនៃចិត្ត នឹងនាំឱ្យជីវិតស្រស់ថ្លា នៅក្នុងការងារ និងការសិក្សាក៏ចាំបាច់ត្រូវផ្សំជាមួយនឹងអារម្មណ៍រីករាយ សប្បាយចិត្តនេះដែរ។ យើងម្នាក់ៗចូលចិត្តធ្វើរឿងដែលយើងចូលចិត្តធ្វើ ដូច្នេះជម្រុញចំណាប់អារម្មណ៍ និងចំណូលចិត្តរបស់យើងឱ្យបានល្អ ចិត្តអំណរ នឹងនាំមកនូវសេចក្ដីរលូនដល់ដំណើរជីវិត។
៤. ចេះប្រុងប្រយ័ត្នចំពោះសម្ដី និងទង្វើ
ប្រយ័ត្នគ្រប់ដែលនិយាយ និងគ្រប់ទង្វើដែលខ្លួនធ្វើ។ ត្រូវគិតឱ្យបានច្បាស់មុននឹងនិយាយ ត្រូវគិតឱ្យបានល្អិតល្អន់ មុននឹងធ្វើសកម្មភាព កុំនិយាយផ្ដេសផ្ដាស កុំធ្វើរឿងមិនគប្បី។
អ្វីដែលធំត្រូវគិតឱ្យបានហ្មត់ចត់បីដងមុននឹងធ្វើ។ មានតែពេលនោះទេ អ្វីៗនឹងជោគជ័យ ចៀសវាងការបរាជ័យ ដែលនាំឱ្យស្ដាយក្រោយ។ នៅពេលដែលមនុស្សម្នាក់ដឹងពីរបៀបប្រុងប្រយ័ត្នចំពោះពាក្យសម្ដី និងសកម្មភាព ពួកគេប្រាកដជាមិនដែលបរាជ័យឡើយ។ ផ្ទុយទៅវិញ ពួកគេតែងតែទទួលបានការគោរព និងជឿទុកចិត្តពីអ្នកដទៃកាន់តែច្រើន៕
ប្រភព ៖ បរទេស / Knongsrok
ព័ត៌មានថ្មីៗ
