នៅក្នុងផ្ទះ ប្រសិនបើមានរឿង ៣ យ៉ាងនេះ ជាសញ្ញាបញ្ជាក់ថា មិនយូរមិនឆាប់គ្រួសារគង់តែរលំរលាយបែកបាក់ វិនាស
ជាធម្មតាគ្រួសារណាក៏មានបញ្ហា ឈ្លោះទាស់គ្នាដែរ វាមិនមែនជារឿងចម្លែកនោះឡើយ តែយ៉ាងណាក៏ដោយ ប្រសិនបើនៅក្នុងផ្ទះ មានរឿងទាំង ៣ យ៉ាងនេះ ដែលបង្កឡើងដោយសមាជិកក្នុងគ្រួសារ ច្បាស់ណាស់ថាគ្រួសារមួយនេះគ្មានក្ដីសុខ សុភមង្គលនោះឡើយ ហើយមិនយូរមិនឆាប់គង់តែរលំរលាយ បែកបាក់គ្នាជាមិនខាន។
១. មនុស្សចាស់គ្មានហេតុផល គ្មានសីលធម៌
តាមពិតទៅ ក្មេងៗដែលគ្មានសីលធម៌ គឺមិនល្អទេ ប៉ុន្តែក្មេងៗនៅតែអាចប្រៀនប្រដៅ និងកែប្រែផ្លាស់ប្ដូរគេបាន។ ប៉ុន្តែបើមនុស្សចាស់គ្មានសីលធម៌ វានឹងប៉ះពាល់យ៉ាងធ្ងន់ធ្ងរដល់ការអភិវឌ្ឍ និងភាពរីកចម្រើនរបស់គ្រួសារ។
មូលហេតុគឺមនុស្សចាស់ជាអ្នករកស៊ីចិញ្ចឹម ទទួលខុសត្រូវបង្រៀន និងធ្វើជាគម្រូដល់កូនចៅ។ ប្រសិនបើមនុស្សម្នាក់មិននិយាយពាក្យសប្បុរស សីលធម៌ និងមិនគួរទុកចិត្តបែបនេះទេ នោះវានឹងមិនល្អទេក្នុងការបង្រៀនក្មេងៗដោយមើលមិនឃើញ។
ដូច្នេះមនុស្សចាស់ដែលគ្មានសីលធម៌ អាចជាពិរុទ្ធជនដែលនឹងទាញគ្រួសារឱ្យធ្លាក់ចុះកាន់តែខ្លាំង។ ដូច្នេះបើអ្នកចង់បានការគោរពពីអ្នករាល់គ្នា កុំក្រអឺតក្រទមនឹងវ័យចាស់ បញ្ចុះបញ្ចូលមនុស្សដោយគុណធម៌។
២. ប្ដីប្រពន្ធមិនចុះសម្រុងគ្នា
គូស្វាមីភរិយាដែលមានសុភមង្គល ភាពកក់ក្តៅទាំងខាងក្នុង និងខាងក្រៅ គឺជាមូលដ្ឋានគ្រឹះសម្រាប់ភាពរុងរឿងនៃគ្រួសារទាំងមូល។ បើអាពាហ៍ពិពាហ៍មិនចុះសម្រុងគ្នា នោះប្រាកដជានឹងអង្រួនគ្រឹះដ៏រឹងមាំរបស់គ្រួសារ។
បើគ្រឹះគ្រួសាររង្គោះរង្គើ តើធ្វើដូចម្តេចទើបអាចរីកចម្រើនបានទៅ? ដូច្នេះហើយ ប្តីប្រពន្ធមិនគួរឆេវឆាវ «មិនស៊ីសង្វាក់គ្នា» ទេ ព្រោះពេលនោះគ្រួសារបែកបាក់គ្នា តើឈ្នះមានន័យដូចម្តេច?
នៅពីក្រោយបុរសជោគជ័យ គឺជាភរិយាដែលតែងមានការលះបង់ដោយស្ងៀមស្ងាត់។ នៅពីក្រោយស្ត្រីជោគជ័យ និងសុភមង្គល នឹងមានបុរសដែលអត់ឱន។ ប្តីប្រពន្ធមានភាពសុខដុមរួមគ្នាធ្វើការចិញ្ចឹមគ្រួសារ ចាត់ទុកការរួមចំណែកក្នុងគ្រួសារគឺជាសេចក្តីរីករាយរបស់ខ្លួន។
ផ្ទុយទៅវិញ ការពិតក៏បង្ហាញថា គ្រួសារជាច្រើនរងទុក្ខដោយសារតែការមិនចុះសម្រុងគ្នារវាងប្ដីប្រពន្ធ។ លុយដែលរកបានក៏នឹងត្រូវបាត់បង់ដែរ ព្រោះប្តីប្រពន្ធឈ្លោះគ្នា គ្រួសារក៏បែកបាក់ដែរ។
៣. ធ្វើរឿងមិនល្អ មានទម្លាប់អាក្រក់
ទម្លាប់អាក្រក់ដូចជាពេស្យាចារ ល្បែងស៊ីសង និងការជក់បារី គឺជាទម្លាប់ដែលបំផ្លាញមនុស្សលឿនបំផុត។ បើគ្រួសារមួយមានមនុស្សរងគ្រោះដោយអំពើអាក្រក់បែបនេះ ប៉ុន្តែគ្រួសារនៅតែអត់ឱនចំពោះពួកគេ នោះមិនយូរមិនឆាប់ក៏ត្រូវបែកបាក់ដែរ។
នៅពេលដែលប្រពន្ធឃើញថាប្តីមានទម្លាប់អាក្រក់ ហើយឪពុកម្តាយឃើញកូនមានទម្លាប់អាក្រក់នោះ ត្រូវតែដាស់តឿន កែតម្រូវឱ្យបានឆាប់។ ព្រោះប្រសិនបើពួកគេបន្តធ្វើរឿងទាំងនេះ ពួកគេនឹងមិនត្រឹមតែបំផ្លាញខ្លួនឯងប៉ុណ្ណោះទេ ថែមទាំងបំផ្លាញគ្រួសារទាំងមូលថែមទៀត
ទម្លាប់អាក្រក់គឺជារណ្តៅជ្រៅដែលបំបែកគ្រួសារ។ ប្រសិនបើគ្រួសារមួយមានមនុស្សទាំងបីប្រភេទនេះ មិនត្រឹមតែធ្វើឱ្យបែកបាក់គ្រួសារប៉ុណ្ណោះទេ ថែមទាំងនាំឱ្យខូចខាតធ្ងន់ធ្ងរដល់អាយុជីវិតទៀតផង៕
ប្រភព ៖ បរទេស / Knongsrok
ព័ត៌មានថ្មីៗ
