ទំនៀមទម្លាប់នៃការលាបធ្មេញពណ៌ខ្មៅ និងកោររោមចិញ្ចើមរបស់ស្ត្រីជនជាតិជប៉ុន
ធ្មេញសធម្មតា ចិញ្ចើមស្លឹកគ្រៃ និងភ្នែកព្រាប តែងតែជានិមិត្តសញ្ញានៃភាពស្រស់ស្អាតដែលមនុស្សស្រីប្រាថ្នាចង់បាន។ ប៉ុន្តែ ការជ្រលក់ធ្មេញ និងកោររោមចិញ្ចើមគឺជាទំនៀមទម្លាប់ទូទៅមួយក្នុងសង្គមជប៉ុនបុរាណ។ ហេតុអ្វីបានជាស្ត្រីជប៉ុនមានទំនៀមទម្លាប់ចម្លែកបែបនេះ?
ទំនៀមទម្លាប់នៃការលាបពណ៌ធ្មេញខ្មៅ និងកោរចិញ្ចើមរបស់នារីរៀបការ
តាមពិតទៅ ការជ្រលក់ពណ៌ធ្មេញខ្មៅ គឺជាការព្យាបាលសម្រស់សម្រាប់ពួកអភិជនជប៉ុន ដែលជានិមិត្តសញ្ញាឋានៈ។
នៅដើមសម័យកាល Heian នៅក្នុងប្រទេសជប៉ុន បុរស និងស្ត្រីអភិជននឹងប្រើប្រាស់ជាតិដែក ទឹកតែ ស្រា និងវត្ថុធាតុដើមផ្សេងទៀត ដើម្បីធ្វើឱ្យធ្មេញរបស់ពួកគេខ្មៅនៅពេលពួកគេប្រារព្ធពិធី និងពិធីមង្គលការ។ ពួកគេជឿថា ការធ្វើបែបនេះនឹងធ្វើឱ្យមនុស្សកាន់តែស្រស់ស្អាត។
នៅសម័យអេដូ បុរសជាមូលដ្ឋានមិនបានលាបពណ៌ធ្មេញរបស់ពួកគេខ្មៅទេ។ មានតែមនុស្សស្រីមិនទាន់រៀបការ ឬរៀបការ ហើយដែលមានអាយុលើសពី ១៨ ឆ្នាំក៏ដូចជា geisha (អ្នកសម្ដែងស្រី) ប្រើធ្មេញខ្មៅដើម្បីបញ្ជាក់ពីភាពស្រស់ស្អាតរបស់ពួកគេ។ មនុស្សជាមធ្យមគ្រាន់តែលាបពណ៌ធ្មេញរបស់ពួកគេខ្មៅ ក្នុងឱកាសសំខាន់ៗមួយចំនួន ដូចជាពិធីមង្គលការ និងពិធីគម្រប់ខួបតែប៉ុណ្ណោះ។
ក្រោយមក ជនជាតិជប៉ុនបុរាណបានលាបពណ៌ធ្មេញខ្មៅ ដើម្បីជានិមិត្តរូបថាស្ត្រីបានរៀបការហើយឬក៏អត់។ ក្មេងស្រីត្រូវលាបពណ៌ធ្មេញខ្មៅនៅយប់មុនពេលរៀបការ ក្នុងពេលតែមួយពួកគេក៏ត្រូវកោររោមចិញ្ចើម គូរចំណុចខ្មៅធំៗពីរនៅលើថ្ងាស ហើយបន្ទាប់មកលាបបបូរមាត់របស់ពួកគេពណ៌ស និងពណ៌ផ្កាឈូក។ ជនជាតិជប៉ុនចាត់ទុកថា នេះជាការតុបតែងដ៏ល្អឥតខ្ចោះសម្រាប់ពិធីមង្គលការ។
រហូតដល់ Meiji Restoration នៅប្រទេសជប៉ុន ដែលហាមប្រាមការលាបពណ៌ធ្មេញត្រូវបានអនុម័ត។ ចាប់តាំងពីពេលនោះមក ធ្មេញខ្មៅក៏បានបាត់បន្តិចម្តងៗ។ ក្រៅពីទំនៀមទម្លាប់លាបពណ៌ធ្មេញខ្មៅ ជនជាតិជប៉ុនបុរាណក៏មានទម្លាប់ចម្លែកផ្សេងទៀតដែរ។ ពោលគឺមុននឹងកូនស្រីរៀបការ នាងត្រូវងូតទឹកជាមួយឪពុក ហើយជូតខ្នងឪពុកដើម្បីបង្ហាញពីក្តីបារម្ភចំពោះឪពុក។
សព្វថ្ងៃនេះ ស្ត្រីជនជាតិជប៉ុនលែងលាបធ្មេញពណ៌ខ្មៅទៀតហើយ មានតែនៅក្នុងខ្សែភាពយន្ត កម្មវិធីទូរទស្សន៍ និងពិធីបុណ្យមួយចំនួនប៉ុណ្ណោះដែលពួកគេឃើញធ្មេញខ្មៅ។ ចំណែកឯវប្បធម៌ងូតទឹកជាមួយឪពុក ជាទូទៅឥឡូវក៏មានតែក្នុងគ្រួសារមួយចំនួនប៉ុណ្ណោះតូចដែរ៕
ប្រភព ៖ បរទេស / Knongsrok
ព័ត៌មានថ្មីៗ
