មនុស្សច្រណែន មាន ៣ ប្រភេទ
ការច្រណែនមិនមែនសុទ្ធតែជារឿងអាក្រក់នោះទេ។ ប៉ុន្តែការច្រណែនដែលបង្កើតទៅជាការជាន់ឈ្លី ទាញយកផលប្រយោជន៍អ្នកដទៃ ធ្វើអ្វីដែលបំផ្លាញមនសិការ នោះទើបជារឿងដែលអាក្រក់បំផុត។ យ៉ាងណាមិញ ការច្រណែនចែកចេញជា ៣ ប្រភេទ។
១. ច្រណែន បង្កើតទៅជាសកម្មភាព
ពួកគេគឺជាមនុស្សដែលមើលឃើញនរណាម្នាក់ប្រសើរជាងខ្លួន ដែលពួកគេកោតសរសើរ រៀនអ្វីដែលមានប្រយោជន៍ ធ្វើតាមអ្វីដែលវិជ្ជមាន សរសើរ និងគាំទ្រគ្នាទៅវិញទៅមក។ នេះជាសញ្ញានៃបុគ្គលដែលមានគុណធម៌ តែងតែមានបំណងប្រាថ្នានូវសេចក្តីល្អ សេចក្តីខ្ពង់ខ្ពស់ ចម្រើនខ្លួនឡើង។ មនុស្សប្រភេទនេះ មិនយូរមិនឆាប់ នឹងបង្កើតបាននូវលទ្ធោលដ៏អស្ចារ្យ។
២. ច្រណែន តែប្រកួតប្រជែងដោយយុត្តិធម៌
បើអ្នកដើរមួយជំហានទៅមុខ ខ្ញុំក៏នឹងបោះមួយជំហានទៅមុខ បន្ទាប់មកពីរជំហាន។ នៅទីបញ្ចប់ខ្ញុំនឹងឈានទៅមុខមុនអ្នក។ មនុស្សប្រភេទនេះ តែងតែមើលឃើញជីវិតជាការតស៊ូ តែងតែខិតខំយកឈ្នះលើការប្រកួតប្រជែង ដោយធ្វើឱ្យខ្លួនឯងកាន់តែប្រសើរឡើង។ នេះគឺជាប្រភេទនៃការប្រកួតប្រជែង ដែលចាំបាច់បំផុត ក៏ជាហេតុជម្រុញដល់ការអភិវឌ្ឍរបស់ពិភពលោកផងដែរ។
៣. ច្រណែន ខឹង
មនុស្សប្រភេទនេះមិនខ្វះកន្លែងណាក្នុងសម័យណាឡើយ ។ បើគេឃើញអ្នកណាល្អជាងគេ គេនឹងច្រណែន។ ហ៊ានប្រើល្បិចកខ្វក់ ធ្វើបាប និងជាន់ឈ្លីអ្នកដទៃ ដើម្បីតែផលប្រយោជន៍ខ្លួន ធ្វើឱ្យពួកគេបាត់បង់ភាពជឿជាក់ និងបំផ្លាញអាជីពរបស់ពួកគេតែប៉ុណ្ណោះ។
៤. តើគួរធ្វើយ៉ាងណា ដើម្បីកម្រិតការច្រណែនដែលបង្កគ្រោះថ្នាក់?
- ទទួលស្គាល់ថាអ្នកច្រណែន ៖ គិតច្រើនអំពីជីវិតអ្នកដទៃ ហើយប្រៀបធៀបខ្លួនឯងជាមួយគេជានិច្ច។
- ការអភិវឌ្ឍន៍ខ្លួនឯង ៖ កាន់តែមានទំនុកចិត្តក្នុងជីវិត ចេះទប់ចិត្តពីតណ្ហា ព្យាយាមឱ្យអស់ពីសមត្ថភាពដើម្បីគោលដៅផ្ទាល់ខ្លួន។ នៅពេលអ្នកជោគជ័យពិតប្រាកដ អ្នកនឹងលែងមើលជីវិតអ្នកដទៃទៀតហើយ។
- ជំនួញរបស់មនុស្សទុកឱ្យមនុស្សព្រួយបារម្ភ ការងាររបស់អ្នក គឺត្រូវធ្វើការងាររបស់អ្នកឱ្យបានល្អ ៖ ធ្វើអ្វីដែលអ្នកពេញចិត្ត និងធ្វើឱ្យអ្នកសប្បាយចិត្ត។
- ប្រាស្រ័យទាក់ទងគ្នាកាន់តែច្រើន ៖ ជួប និងជជែកជាមួយអ្នកដែលជោគជ័យ និងគិតវិជ្ជមាន។ ពួកគេនឹងជួយអ្នកស្រាយចំណងក្នុងចិត្តរបស់អ្នក។
- បើកចិត្តរបស់អ្នក ៖ អ្នកនឹងសប្បាយចិត្តជាងមនុស្សជាច្រើនទៅទៀត៕
ប្រភព ៖ បរទេស / Knongsrok
ព័ត៌មានថ្មីៗ
