បើមិនចង់ថ្ងៃមុខត្រូវក្រលំបាក ចូរសង្កេតមើលទម្លាប់ទាំង ៣ នេះជាបន្ទាន់
ក្នុងជីវិតគ្មានអ្វីកើតឡើងដោយចៃដន្យនោះទេ អ្វីៗសុទ្ធតែមានហេតុផល។ សូម្បីតែភាពក្រីក្រ និងអ្នកខ្វះខាត ក៏មានការគិតទុកជាមុនដែរ។ បើគេមានទម្លាប់ទាំងនេះ មិនយូរមិនឆាប់នឹងធ្លាក់ក្នុងទុក្ខវេទនា ក្រលំបាកមិនខាន។
១. ទិញរបស់ដែលមិនចាំបាច់
ជាឧទាហរណ៍ អ្នកទៅភោជនីយដ្ឋានមួយ ខណៈពេលដែលការចំណាយប្រចាំខែរបស់អ្នកច្រើនលើសលប់ ឬជួលអាផាតមិនដ៏ប្រណិតដែលអ្នកមិនអាចមានបាន គ្រាន់តែដើម្បីតែរស់នៅ និងអួតមិត្តភក្តិ។ ការចាយលុយច្រើនពេក នឹងធ្វើឱ្យលុយកាក់របស់អ្នកធ្លាក់ចុះជាបន្តបន្ទាប់។
មិនថាអ្នកកំពុងចាប់ផ្តើមមានប្រាក់ចំណូលល្អ ឬទើបតែទទួលបានការដំឡើងទេ កុំប្រើវាជាលេសដើម្បីបង្កើនការចំណាយរបស់អ្នក។ រៀនគ្រប់គ្រងការចំណាយរបស់អ្នក។ ជំពាក់បំណុលគេដោយសារតែសម្ភារនិយម ហើយមិនចេះវាស់ស្ទង់ខ្លួនឯង នោះមានន័យថាអ្នកកំពុងសម្លាប់ខ្លួនឯងហើយ។
២. មិនអាចសន្សំបានយ៉ាងហោចណាស់ 5% នៃប្រាក់ខែ
ជាធម្មតាមនុស្សសន្សំយ៉ាងហោចណាស់ 10 ទៅ 15% នៃប្រាក់ចំណូលរបស់ពួកគេរៀងរាល់ខែ។ ប៉ុន្តែប្រសិនបើអ្នកមិនអាចរក្សាបាន 5% និងមានបំណុលគ្រប់ទីកន្លែង នោះមានន័យថា ស្ថានភាពហិរញ្ញវត្ថុរបស់អ្នកស្ថិតក្នុងកម្រិតគួរឱ្យព្រួយបារម្ភ។
មនុស្សគ្រប់រូបគួរតែមានប្រាក់សន្សំ។ អ្នកគួរមានគោលបំណងមានការចំណាយពេលវេលាពី 6 ទៅ 9 ខែ។ កាត់បន្ថយការចំណាយប្រចាំខែរបស់អ្នក ដូចជាមើលកុន និងញុំាអាហារក្រៅ ដូច្នេះអ្នកអាចសន្សំបានកាន់តែច្រើន។
៣. លុយសល់មិនដល់ចុងខែ
មនុស្សដែលតែងតែចំណាយលុយទាំងអស់របស់ពួកគេ តែងតែគិតថា ពួកគេមិនអាចសន្សំ ឬចំណាយតិចនោះទេ ដោយសារតែរបៀបរស់នៅដ៏ប្រណិតរបស់ពួកគេ បានក្លាយជាទម្លាប់ទៅហើយ។ ចាប់ពីពេលនេះតទៅ ចាប់ផ្តើមកំណត់ច្បាប់ចំណាយសមហេតុផល។
ជាឧទាហរណ៍ ចំណាយតែលើរបស់ដែលចាំបាច់សម្រាប់ 30 ថ្ងៃប៉ុណ្ណោះ ដែលមានដូចជា ថ្លៃជួល វិក្កយបត្រ ឧបករណ៍ប្រើប្រាស់ គ្រឿងទេស និងកាត់អ្វីៗផ្សេងទៀត៖ សម្លៀកបំពាក់ ការកម្សាន្ត ... នោះគ្រប់គ្រាន់ហើយ៕
ប្រភព ៖ បរទេស / Knongsrok
ព័ត៌មានថ្មីៗ
