សុភមង្គលដ៏ធំទាំង ៤ យ៉ាង ក្នុងជីវិតមនុស្សស្រី
ក្នុងជីវិតមនុស្សស្រី មានរឿង ៤ យ៉ាងដែលធ្វើឱ្យនាងមានក្ដីសុខ និងសុភមង្គលខ្លាំងបំផុត ប្រសិនបើអ្នកមានទាំង ៤ ចំណុចនេះ វាបញ្ជាក់ថា អ្នកក៏ជាស្ត្រីដែលមានសំណាងខ្លាំងផងដែរ។
១. មានលុយពេញៗក្នុងកាបូប ឬហោប៉ាវ
មនុស្សស្រីគ្មានលុយ គឺជាមួយដែលអាម៉ាស់ និងកម្សត់ខ្លាំងណាស់ ទោះធ្វើអ្វីក៏ត្រូវយកចិត្តទុកដាក់ចំពោះក្រសែភ្នែកបុរសក្បែរខ្លួនដែរ។ ដូច្នេះមនុស្សស្រីត្រូវចាំថា សុភមង្គលបំផុត គឺមិនមែនបានប្តីអ្នកមានទេ តែធ្វើជាអ្នកមានដោយខ្លួនឯង រកលុយបានដោយខ្លួនឯង ដើម្បីទិញ និងធ្វើរឿងដែលខ្លួនឯងចូលចិត្ត។
២. មានការងារធ្វើ មានមុខរបរ អាចរកលុយដើម្បីចិញ្ចឹមជីវិតបាន
ស្ត្រីដែលចង់រស់នៅក្នុងជីវិតដោយឯករាជ្យ គួរតែជាដើមត្រសក់ដ៏រឹងមាំ មិនមែនជាដើមដូងទន់ខ្សោយ ដែលត្រូវខ្យល់បក់រារាំតាមខ្យល់នោះឡើយ។ បើទោះជាប្តីអ្នកមាន ឬនិយាយថា គាត់នឹងមើលថែអ្នកក៏ដោយ ក៏ដាច់ខាតកុំជឿ។ ក្នុងសម័យទំនើបនេះ ស្ត្រីគួរព្យាយាមធ្វើឱ្យអស់ពីសមត្ថភាពដើម្បីមានទំនុកចិត្តសម្រាប់ខ្លួនឯងគ្រប់ពេល។
៣. មានសុខភាពល្អ
អ្នកគឺជាអ្នកដែលនឹងសម្រេចនូវអ្វីដែលអ្នកប្រាថ្នា។ ដូច្នេះហើយ ត្រូវតែថែរក្សាសុខភាពឱ្យបានត្រឹមត្រូវ និងទៀងទាត់ ដើម្បីមានសុខភាពល្អអាចបំពេញការងារ និងរីករាយក្នុងជីវិត។
សុខភាពគឺជារឿងសំខាន់បំផុតក្នុងលោកនេះ។ ពេលដែលនារីៗមិនគិតថាសម្រស់ និងសុខភាពរបស់ខ្លួនទេ ជីវិតអ្នកគឺពិតជាគ្មានន័យឡើយ។ ស្ត្រីដែលមានប្រាជ្ញា គឺនៅពេលដែលនាងចេះឱ្យតម្លៃសុខភាព។ រូបកាយនេះត្រូវបានឪពុកម្តាយរបស់អ្នកប្រគល់ឱ្យអ្នក ដូច្នេះសូមថែវាឱ្យបានល្អ។
៤. អាចមានលទ្ធភាពជួយឪពុកម្ដាយ ពេលគាត់លំបាក
បុណ្យគុណមាតាបិតា ប្រៀបបាននឹងមេឃ និងសមុទ្រ មិនអាចវាស់វែង និងរាប់បានឡើយ។ ដូច្នេះក្នុងនាមជាស្ត្រី អ្នកត្រូវតែព្យាយាមរកប្រាក់ ដើម្បីឱ្យឪពុកម្តាយរបស់អ្នកសោយសុខ ស្រណុលស្រួលពេលចាស់ទៅ ឬពេលគាត់លំបាក យើងអាចមានលទ្ធាភាពជួយគាត់បាន។ ជាមួយនឹងលុយ ស្ត្រីអាចមើលថែកូនៗ ខ្លួនឯង និងមនុស្សជាទីស្រលាញ់បានដោយងាយ ដូច្នេះហើយ អ្នកត្រូវខំប្រឹងធ្វើការ រកលុយ កុំឡេះឡោះ កុំធ្វើខ្លួនផ្ដេសផ្ដាសឱ្យសោះ៕
ប្រភព ៖ បរទេស / Knongsrok
ព័ត៌មានថ្មីៗ
