ប្រយ័ត្នមានបញ្ហា! ទោះក្រយ៉ាងណា ដាច់ខាតហាមលោភលន់ ប៉ះពាល់លុយទាំង ៤ ប្រភេទនេះ
ភាពខ្វះខាត ក្រខ្សត់ ខ្វះមុខខ្វះក្រោយ ជាបញ្ហាសម្រាប់មនុស្សមួយចំនួន ក្នុងពេលបច្ចុប្បន្ននេះ តែយ៉ាងណាមិញ បញ្ហាកាន់តែធំជាងការអត់មានលុយ គឺការដែលយើងលោភលន់ ចង់បានហួសហេតុ ហើយហ៊ានទៅប៉ះពាល់លុយទាំង ៤ ប្រភេទនេះ។
១. កុំលោភជាមួយនឹងលុយចំណេញតិចតួច ឬអំណោយសូកប៉ាន់
គ្មាននរណាម្នាក់មិនចូលចិត្តលុយនោះទេ ប៉ុន្តែអ្នករាល់គ្នាត្រូវតែមានអាកប្បកិរិយាខុសគ្នាចំពោះលុយ។ បុគ្គលិកលក្ខណៈរបស់មនុស្សម្នាក់ អាចមើលឃើញពីអាកប្បកិរិយាបានយ៉ាងច្បាស់ ព្រោះតែចរិតរបស់គាត់ចំពោះលុយ។
ពេលមនុស្សស្និទ្ធស្នាលគ្នា រាល់ឱកាសសំខាន់ៗ តែងផ្តល់អំណោយ លើកនេះអ្នកឱ្យម្នាក់នោះ ១លាន លើកក្រោយមានការងារល្អ គេឱ្យ ២០ម៉ឺន មកវិញ នេះអាចបង្ហាញថា បុគ្គលនេះមានចិត្តលោភលន់ ចង់បានផលប្រយោជន៍។
នេះនឹងធ្វើឱ្យអ្នកដទៃមើលឃើញពីធម្មជាតិពិតរបស់ពួកគេយ៉ាងច្បាស់ ទំនាក់ទំនងនឹងប៉ះពាល់ បង្កើតការសង្ស័យ និងជម្លោះកាន់តែច្រើននៅក្នុងអន្តរកម្មនាពេលអនាគត។ បើអ្នកចង់លោភលន់ព្រោះតែអំណោយនោះ អ្នកជាមនុស្សអាត្មានិយមខ្លាំងណាស់។
២. លុយដែលអ្នកដទៃឱ្យអ្នកខ្ចី
ក្នុងក្រសែភ្នែកមនុស្សមួយចំនួន ការខ្ចីប្រាក់ប្រៀបដូចជាទឹកដែលហូរចេញ ព្រោះមិនអាចយកមកវិញបានទេ ទោះមានអ្វីក៏ដោយ។
នេះជារបៀបគិតធម្មតាណាស់ សូម្បីតែមនុស្សក្នុងសង្គមក៏ច្រើនដែរ ដែលរស់នៅជាមួយការគិតបែបនេះ បើទោះជាមានផលវិបាកនៃ "ខ្ចីដោយមិនសង" ក៏ដោយ។ បុរាណបានពោលថា យើងរស់នៅតាមចិត្តខ្លួនឯង។ ក្នុងសង្គមនេះ អ្នកអាចកុហកនរណាម្នាក់បានតែម្តងប៉ុណ្ណោះ ប៉ុន្តែអ្នកមិនអាចកុហកជាលើកទីពីរបានទេ។
សូមចងចាំថា នៅពេលដែលកិត្តិយសរបស់អ្នកត្រូវបានបាត់បង់ អ្នកនឹងលែងមានទំនុកចិត្តពីអ្នកដទៃទៀតហើយ ហើយគ្មាននរណាម្នាក់ចង់សហការជាមួយអ្នកភូតកុហកអ្នកនោះទេ។ ភាពជឿជាក់របស់មនុស្ស គឺជាមូលដ្ឋានគ្រឹះនៃមុខតំណែងរបស់បុគ្គលម្នាក់នៅក្នុងសង្គម។ កុំលោភលន់នឹងលុយដែលអ្នកដទៃឱ្យអ្នកខ្ចីឱ្យសោះ។
៣. លុយដែលរកបានដោយវិធីមិនត្រឹមត្រូវ
ការចូលចិត្តលុយមិនមានអ្វីខុសទេ វាអាចនាំឱ្យជីវិតទទួលបាននូវសម្ភារៈដែលអ្នកចង់បាន ប៉ុន្តែវិធីរកលុយមិនគួរប៉ះពាល់ដល់ផលប្រយោជន៍អ្នកដទៃ និងប៉ះពាល់ដល់សង្គមឡើយ។ ទាំងនេះគឺជាលុយដែលគ្មានសតិសម្បជញ្ញៈ។
បុគ្គលម្នាក់ ទោះក្រយ៉ាងណា ក៏ត្រូវពឹងលើសមត្ថភាពស្របច្បាប់របស់ខ្លួន ក្នុងការរកប្រាក់ ដោយមិនប៉ះពាល់ដល់សង្គម និងមនុស្សជុំវិញខ្លួន។ ទោះជាមានអត្ថប្រយោជន៍បច្ចុប្បន្នក៏ដោយ ហុងស៊ុយក៏នឹងត្រលប់មកវិញដែរ។ ប្រឈមមុខនឹងគ្រោះថ្នាក់បំផុតគឺខ្លួនអ្នក។
ការពឹងលើការខិតខំប្រឹងប្រែងធ្វើការ និងការរកប្រាក់បានសមរម្យ គឺជាវិធីដើម្បីសុវត្ថិភាព និងសុខភាពនាពេលអនាគត។ លុយកាក់ជារបស់ចាំបាច់អាចកែលម្អគ្រប់ទិដ្ឋភាពក្នុងជីវិត ប៉ុន្តែបើលោភលន់លុយបាត់បង់សីលធម៌មិនគួរគប្បីឡើយ។
៤. លុយមិនមែនជារបស់យើង
ទោះបីវាមិនមែនជាលុយខុសច្បាប់ ប៉ុន្តែការកាន់លុយអ្នកដទៃ ក៏មិនគួរចាយដែរ។ មិនថាឪពុកម្តាយ បងប្អូន ឬមិត្តភ័ក្តិនៅជុំវិញនោះទេ។ កុំបាត់បង់ទំនុកចិត្តដែលមិនអាចកាត់ថ្លៃបានរបស់អ្នកសម្រាប់ចំណេញមួយភ្លែត ហើយបាត់បង់សេចក្តីថ្លៃថ្នូរ និងធម្មជាតិដ៏ស្មោះត្រង់ក្នុងចិត្តរបស់អ្នក។ ប្រសិនបើវាមិនមែនជារបស់អ្នកទេ កុំប្រើវាឱ្យសោះ។ លុយកាក់ ត្រូវចាយដោយរីករាយ មិនមែនចាយហើយ ត្រូវខ្វល់ ត្រូវភ័យព្រួយនោះឡើយ៕
ប្រភព ៖ បរទេស / Knongsrok
ព័ត៌មានថ្មីៗ
