ទីផ្សារកីឡាករបើកហើយ! ពូៗត្រកូល Glazer បានត្រៀមអ្វីខ្លះហើយសម្រាប់ Man Utd រដូវកាលក្រោយ?
ដូចដែលយើងបាននិយាយពីអត្ថបទមុនៗអ៊ីចឹង លោក Duncan Castles គឺជាប្រភពសមរម្យនៅពេលនិយាយអំពីព័ត៌មាននៅក្លឹបបិសាចក្រហម Manchester Uited ហើយគាត់នឹងបង្ហាញអំពីរឿងរ៉ាវមួយចំនួនទាក់ទងទៅត្រកូល Glazer ។
និយាយក្នុងកម្មវិធី Transfer Window podcast លោក Duncan Castles បានទម្លាយថា៖" កត្តាកំណត់ចុងក្រោយរបស់ Man Utd សម្រាប់ការដោះដូរកីឡាករនៅរដូវកាលក្រោយគឺកត្រកូល Glazer"។
“ គួរឱ្យចាប់អារម្មណ៍ណាស់! ខ្ញុំធ្លាប់បានសង្ខេបទៅប្រិយមិត្តបាល់ទាត់! ពេលនេះបើចង់ឲ្យខ្ញុំនិយាយថាតើ Man Utd បានត្រៀមដល់កម្រិតណាហើយនោះគឺ ពួកគេមិនទាន់មានគំនិតច្បាស់លាស់អំពីថវិកាដែលខ្លួនមាននៅឡើយទេ"។
"វាអាស្រ័យលើអ្វីដែលក្រុម Glazers អនុម័ត។ ពួកគេមិនទាន់បានចំណាយឬធ្វើអ្វីនៅឡើយទេ ទាក់ទងនិងរឿងលុយដើម្បីទាក់ទាញអ្នកគាំទ្រដែលកំពុងបះបោរប្រឆាំងនឹងភាពជាម្ចាស់របស់ត្រកូល Glazer ខ្លួនឯង"។
ការមិនមានគំនិតច្បាស់លាស់អំពីថវិការសម្រាប់ផ្ទេរកីឡាករក្នុងទីផ្សារដែលបានបើករួចមកហើយនេះ ហាក់ដូចជាមិនមានការព្រួយបារម្ភនោះទេ ជាពិសេសជាមួយក្រុម Man United ដែលត្រូវការកីឡាករថ្មីយ៉ាងតិចយ៉ាងហោចណាស់ ៣-៤ តំណែង។
បិសាចក្រហមមានទំនាក់ទំនងជាមួយនឹងការផ្ទេរយក Jadon Sancho (ដែលអាចចំណាយប្រហែល ៧៧ លានផោន), Raphael Varane, Kieran Trippier និង Harry Kane ។ មកដល់ពេលនេះ! មានព័ត៌មានវិជ្ជមានតិចតួចបំផុតសម្រាប់អ្នកគាំទ្ររបស់ពួកគេទាក់ទងទៅនឹងគោលដៅផ្ទេរចូលទាំងនេះ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
