នៅក្នុងគ្រួសារ បើលេចចេញមកនូវសញ្ញាទាំង៣នេះ អ្នកគ្រួសារប្រយ័ត្ន និងឆាប់កែប្រែជាបន្ទាន់
ច្បាស់នាស់ថា កូនៗគ្រប់រូប សុទ្ធតែត្រូវការសេចក្តីស្រឡាញ់ពីឪពុកម្តាយ និងជីដូនជីតារបស់ពួកគេ ដើម្បីបង្កើតបុគ្គលិកលក្ខណៈឱ្យកាន់តែល្អប្រសើរ។ ប៉ុន្តែទោះជាយ៉ាងណាក៏ដោយ ប្រសិនបើមនុស្សក្នុងគ្រួសារ ជាពិសេសឪពុកម្ដាយ បែរជាផ្ដល់ក្ដីស្រឡាញ់ឱ្យកូនៗខុស ដូចជាការស្រឡាញ់ជ្រុល រហូតដល់ទំនើងពួកគេ នោះជាគ្រោះថ្នាក់ខ្លាំងណាស់ ដែលនឹងអាចធ្វើឱ្យពួកគេបែរជាកាន់តែយ៉ាប់យ៉ឹន និងធ្លាក់ចុះទៅវិញ។
យ៉ាងណាមិញ សញ្ញាទាំង៤ខាងក្រោមនេះ គឺជាសញ្ញាគ្រោះថ្នាក់ដែលបញ្ជាក់ថា គ្រួសាររបស់អ្នកកំពុងតែមានបញ្ហាធ្ងន់ធ្ងរ អាចនាំឱ្យបែកបាក់ ឬអន្តរាយយ៉ាងឆាប់ ដូច្នេះអ្នកគួរតែកំណត់សម្គាល់ និងកែប្រែឱ្យបានឆាប់រហ័ស។
១. បំផ្លាញហុងស៊ុយក្នុងគ្រួសារ
ច្បាស់នាស់ថា ប្រទេសមានច្បាប់ គ្រួសារមានវិន័យ អ្វីដែលរឹតតែសំខាន់ គឺសមាជិកគ្រួសារ ត្រូវតែមានគុណធម៌ដែលមិនអាចបាត់បង់បានឡើយ ដូច្នេះហើយ ក្នុងនាមជាឪបុកម្ដាយ ត្រូវតែបង្ហាត់ប្រង្រៀនកូនៗឱ្យមានកុណធម៌ ស្គាល់ខុសត្រូវ ល្អអាក្រក់ និងការរស់នៅ ត្រូវតែមានច្បាប់វិន័យច្បាស់លាស់ មិនថាអ្នកជាគ្រួសារអ្នកមាន ឬក្រនោះទេ ការអនុវត្តន៍ច្បាប់នៅក្នុងគ្រួសារ គឺជារឿងសំខាន់ណាស់។
លើសពីនេះ សម្រាប់ឪពុកម្ដាយដែលជាអ្នកមាន សូមកុំទម្លាប់កូនឱ្យរស់នៅលើគំនរមាសប្រាក់ ដែលជាទ្រនុំសុខស្រួលខ្លាំងពេក ទាន់ពួកគេនៅក្មេងៗ ត្រូវតែឱ្យពួកគេយល់ដឹងពីស្ថានភាពជីវិត ការរស់នៅ គឺត្រូវប្រឈមមុខនឹងបញ្ហា ការលំបាក ឧបសគ្គនានា ទើបគេអាចក្លាយជាមនុស្សដែលល្អប្រសើរនៅក្នុងសង្គម សំខាន់ បើពេលដែលគេក្លាយជាមនុស្សល្អម្នាក់ហើយនោះ គ្រួសាររបស់អ្នក ក្នុងនាមជាឪពុកម្ដាយ ក៏មិនបាច់ខ្វល់ខ្វាយ និងខ្លាចការបែកបាក់ ឬកូនអកត្តញ្ញូនោះដែរ។
២. សមាជិកមិនចុះសម្រុងគ្នា
គ្រួសារ គឺជាផ្ទះ និងទីជម្រករបស់មនុស្សគ្រប់រូប បន្ទាប់ពីការនឿយហត់ពីកន្លែងធ្វើការ ឬកន្លែងរកស៊ី។ ប្រសិនបើផ្ទះមានតែការឈ្លោះប្រកែកគ្នា ការរស់នៅមិនចុះសម្រុង តែងតែជួបការថ្នាំងថ្នាក់ដាក់គ្នា នោះច្បាស់ណាស់ថា ក្នុងផ្ទះមួយនេះ គឺមានតែភ្លើងឆាបឆួល និងក្ដៅគគុកតែប៉ុណ្ណោះ។
ប្រសិនបើអ្នកមិនចង់ឱ្យកូនរបស់អ្នកក្លាយជាមនុស្សបាតសង្គមទេនោះ អ្នកត្រូវតែរក្សាគ្រួសារឱ្យមានសុវត្ថិភាព ជាមួយនឹងអារម្មណ៍កក់ក្ដៅពីឪពុកម្ដាយ។ សមាជិកម្នាក់ៗគឺជាបុគ្គលដាច់ដោយឡែក រស់នៅជាមួយគ្នាដោយចៀសមិនរួចការទង្គិច និងការវាយដំ។ ដូច្នេះចូរយើងប្រើសេចក្តីស្រឡាញ់ដើម្បីរាប់អានគ្នា។
៣. ធ្វើបាបកូន ៗ របស់អ្នក
កុមារត្រូវការសេចក្តីស្រឡាញ់ពីឪពុកម្តាយ និងសមាជិកដទៃទៀត ដើម្បីបង្កើតបុគ្គលិកលក្ខណៈល្អ។ ប៉ុន្តែការប្រើហួសចំណុះមិនផ្តល់ឱ្យកុមារនូវការភ័យខ្លាចគ្រប់គ្រាន់នៅទីបំផុតនឹងធ្វើឱ្យកុមារធ្លាក់ចុះ។
ឪពុកម្តាយជាច្រើន ចូលចិត្តទម្រើស និងទំនើងកូនរបស់ពួកគេដែលនាំឱ្យក្មេងប្រែទៅជាខូច។ មិនថាគ្រួសារមានទ្រព្យសម្បត្ដិប៉ុណ្ណានោះទេ ក្មេងៗទាំងនេះក៏នឹងក្ស័យធនដែរ។ ក្នុងនាមជាឪពុកម្តាយជីដូនជីតាត្រូវធ្វើជាគំរូដល់កូន ៗ របស់ពួកគេ។ ការគោរពប្រតិបត្តិត្រូវបានផ្តល់រង្វាន់ តែបើគេធ្វើខុស ក៏ត្រូវតែមានទោស ស្ដីប្រដៅ អប់រំ តម្រង់ទិសឱ្យគេឱ្យបានច្រើនផងដែរ៕
ប្រភព ៖ Phuntoday/Knongsrok
ព័ត៌មានថ្មីៗ
