ពានរង្វាន់សម្ដេច ហ៊ុន សែនថ្នាក់ខេត្តឈានដល់អាទិត្យទី៣ ជំនួបកក្រើកគឺ មន្ទីរ អយក ខេត្តកំពង់ឆ្នាំងប៉ះ ភ្នំពេញហ្គាឡាក់ស៊ី
គិតមកដល់ពេលនេះពានរង្វាន់សម្ដេចហ៊ុន សែនលើកទី១៥ថ្នាក់ខេត្តឈានដល់សប្ដាហ៍ទី៣ហើយខណៈដែលនៅថ្ងៃអង្គារ៍ទី២ខែមីនាឆ្នាំ២០២១នេះមាន៤គូត្រូវជួបគ្នាលើកីឡដ្ឋាន៤ផ្សេងគ្នា។
ក្រុមទាំង៨ត្រូវជាសបួនគូគឺលេងនៅវេលាម៉ោង៣និង០០នាទីរសៀលទាំងអស់ខណៈដែលក្រុមគួរចាប់អារម្មណ៍ជាគេគឺ មន្ទីរ អយក ខេត្តកំពង់ឆ្នាំងត្រូវជួបគ្នាជាមួយក្រុមភ្នំពេញហ្គាឡាក់ស៊ីនៅទីលាន វិទ្យាល័យ ហ៊ុន សែនកំពង់ត្រឡាច។ ភ្នំពេញហ្គាឡាក់ស៊ីឆ្លងកាត់២ប្រកួតកន្លងមក ឈ្នះ១និងស្មើមួយ ឈរកំពូលតារាងពូល ក ខណៈខេត្តកំពង់ឆ្នាំងវិញឈ្នះមួយនិងចាញ់មួយឈរលេខ៣។
ចំណែកការប្រកួតនៅទីលានវិទ្យាល័យនេតយ៉ង់ ម្ចាស់ផ្ទះ ស.ស.យ.ក ខេត្តបាត់ដំបង ត្រូវទទួលស្វាគមក្រុមជិតខាងមកពីខេត្តបន្ទាយមានជ័យ។ បាត់ដំបង់រក្សាបានជ័យជម្នះទាំង២ក្នុងការប្រកួតកន្លងមកមាន៦ពិន្ទុឈរកំពូលតារាងពូល ខ បន្ទាយមានជ័យឈ្នះមួយនិងស្មើមួយឈរលេខ២។
សៀមរាប អេហ្វស៊ីដែលទើបលេងបានមួយប្រកួតហើយចាញ់នោះនៅក្នុងពូល គ នឹងត្រូវជួបក្រុមខេត្តឧត្តរមានជ័យដែលទទួលបានលទ្ធផលឈ្នះក្នុងកាសរប្រកួតទី១របស់ខ្លួន។ នៅទីលានវិទ្យាល័យ កោះកុង ក្រុមកោះកុងអេហ្វស៊ីត្រូវទទួលក្រុម មន្ទីរ អយក ខេត្តកំពត។
ឆ្លងកាត់២ប្រកួតកន្លងមកកោះកុងឈ្នះទាំង២ប្រកួតឈរលេខ២បាន៦ពិន្ទុស្មើក្រុមខេត្តកែបតែចាញ់គ្រាប់បាល់ស៊ុតបញ្ចូលទី ខណៈខេត្តកំពតចាញ់ទាំង២ប្រកួតឈរបាត់តារាងពូល ង។ ការប្រកួតនឹងធ្វើការផ្សាយផ្ទាល់តាមរយៈ AMS SPORT, CNCC, និងកម្ពុជាថ្មី៕
ព័ត៌មានថ្មីៗ
