បន្ទាន់សម័យកាល AFC Cup 2021: គ្រប់ពូលគេរកឃើញម្ចាស់ផ្ទះអស់ហើយនៅឡើយពូលបឹងកេតរបស់កម្ពុជាត្រូវសម្រេចពេលក្រោយ
សហព័ន្ធកីឡាបាល់ទាត់ទ្វីបអាស៊ី (AFC) នៅថ្ងៃនេះបានបញ្ជាក់អំពីក្រុមម្ចាស់ផ្ទះសម្រាប់ការប្រកួតជម្រុះតាមពូលនៃពានរង្វាន់ AFC Cup 2021 បន្ទាប់ពីដំណើរការដេញថ្លៃយ៉ាងទូលំទូលាយ ហើយបន្ទាប់ពីបានពិគ្រោះយោបល់យ៉ាងជិតស្និទ្ធជាមួយសមាគមដែលចូលរួមទាំងអស់រួចមករកឃើញក្រុមម្ចាស់ផ្ទះសម្រាប់ពូលទាំងអស់ហើយនៅឡើយពូល G ដែលមានបឹងកេតរបស់កម្ពុជា។
នៅក្នុងតំបន់អាស៊ាន! សិង្ហបុរីត្រូវបានគេអះអាងថាជាម្ចាស់ផ្ទះសម្រាប់ពូល H ដែលមានក្រុម Kedah Darul Aman (ម៉ាឡេស៊ី), Lion City Sailors (សិង្ហបុរី), Saigon (វៀតណាម) និងក្រុមឈ្នះក្នុងវគ្គជម្រុះPlay-off តំបន់អាស៊ាន ដែលមានក្រុមវិសាខារបស់កម្ពុជាលេងវគ្គជម្រុះ Play-off នេះដែរ។
ពូល I ដែលមាន Geylang International FC (សិង្ហបុរី), Kaya FC-Iloilo (ហ្វីលីពីន), Terengganu FC (ម៉ាឡេស៊ី) និងក្រុមតំណាងមីយ៉ាន់ម៉ាមួយក្រុមរវាង, Shan United FC ឬ Ayeyawady United FC ដែលត្រូវលេងវគ្គជម្រុះ Play-off ពាន Champions League សិន។
ចំណែកពូល G ដែលមានបឹងកេតរបស់កម្ពុជាដែរនោះ នឹងប្រកាសពេរលក្រោយអំពីសមាសភាពម្ចាស់ផ្ទះនិងកាលបរិច្ឆេទលេង។ ពូល J ដែលមានក្លឹបនៅភូមិភាគបូព៌ា Athletic 220 FC (MNG), Eastern Long Lions (HKG), Lee Man (HKG) and Tainan City FC (TPE)នឹងលេងក្នុងទីក្រុងហុងកុង។
ចំណែកការប្រកួតស្ថិតនៅក្នុងតំបន់អាស៊ីខាងលិចពូល A ដែលមានដូចជាក្លឹប Al Hidd Club (BHR), Al Nasr (OMA), Al Wahda (SYR) ម្ចាស់ការពារតំណែងជើងឯកឆ្នាំចាស់ Al Ahed FC (LBN) នឹងធ្វើនៅទីក្រុង Manama នៅប្រទេសបារ៉ែន។
ទន្ទឹមនឹងនេះដែរពូល B ដែលរួមមាន Al Ansar FC (LBN), Muharraq Club (BHR), Al Salt (JOR) និង Balata Center (PLE) ក៏ដូចជាពូល C ដែលរួមមាន Al Faisaly (JOR), Al Seeb Club (OMA) ), Tishreen (SYR) និងអ្នកឈ្នះនៃការប្រកួតជម្រុះតំបន់ខាងលិចនឹងត្រូវរៀបចំឡើងនៅទីក្រុង Amman ប្រទេសហ្សកដានី។
នៅតំបន់ភាគខាងត្បូងការប្រកួតក្នុងពូល D ដែលរួមមាន ATK Mohun Bagan (IND), Bashundhara Kings (BAN), Maziya Sports & Recreation (MDV) និងអ្នកឈ្នះការប្រកួត South-Play-off នឹងត្រូវធ្វើជាម្ចាស់ផ្ទះក្នុងទីក្រុង Male ប្រទេស ម៉ាល់ឌីវ។
FC Dordoi (KGZ) នឹងក្លាយជាក្លឹបម្ចាស់ផ្ទះក្នុងពូល E ដែលមាន Ahal FC (TKM) និង FC Ravshan (TJK) ជាមួយ Dushanbe, ខណៈ តាជីគីស្ថានផ្តល់ទីតាំងសម្រាប់ការប្រកួតក្នុងពូល F ដែលរួមមាន FC Alay (KGZ) Altyn Asyr FC (TKM), FC Khujand (TJK) និងតំណាងអ៊ូសបេគីស្ថាន, AGMK FC ឬ FC Nasaf ដែលនឹងត្រូវសម្រេចចិត្តបន្ទាប់ពីការប្រកួតជម្រុះ AFC Champions League ឆ្នាំ ២០២១ ៕
ប្រភព៖ AFC
ព័ត៌មានថ្មីៗ
