លោក Ole មានយោបល់បែបណាទាក់ទងទៅនិងការធ្លាក់ទម្រង់លេងរបស់អធិរាជប្រអប់ហេងស៊យ Anthony Martial?
នៅពេលសួរអំពីគំនិតរបស់គាត់ចំពោះការបង្ហាញទម្រង់លេងរបស់ Anthony Martial ចុងបញ្ចប់លោក Ole Gunnar Solskjaer បាននិយាយថា៖ « Anthony ដឹងពីអ្វីដែលយើងចង់បាន ហើយគាត់ពិតជាខិតខំ និងធ្វើបានល្អណាស់សម្រាប់ក្រុម ហើយនោះជាអ្វីដែលធ្វើឲ្យខ្ញុំពេញចិត្តបំផុតនៅពេលខ្ញុំឃើញគាត់ហ្វឹកហាត់រាល់ៗថ្ងៃ"។
"គាត់នឹងមិនអង្គុយហើយរង់ចាំអ្វីដែលកើតឡើងនោះទេ គាត់ដឹងថាគាត់ត្រូវតែធ្វើវាដោយខ្លួនឯង ហើយយើងលើកទឹកចិត្តគាត់។ យើងបង្វឹកគាត់ ហើយយើងដឹងថាគាត់នឹងមានគុណភាពនិងលំដាប់បែបនេះ"។
"អ្នករាល់គ្នាបានឆ្លងកាត់ការលំបាកម្តងហើយម្តងទៀត ហើយខ្ញុំគិតថាយើងបានឃើញជាថ្មីម្តងទៀតនៅយប់នេះ គាត់កំពុងធ្វើការយ៉ាងខ្លាំងហើយនោះជារឿងសំខាន់»។
គ្រាប់បាល់ចុងក្រោយរបស់ Martial បានកើតឡើងក្នុងលទ្ធផលដែល Manchester United ឈ្នះ Southampton ៩ទល់០ ខណៈដែលរូបគេបានរកគ្រាប់បាល់បញ្ចូលទីក្រោយពីបានប្ដូរចូល។ ទោះយ៉ាងណា! ស្តង់ដាររបស់កីឡាករបារាំងរូបនេះបានធ្លាក់ចុះតាំងពីពេលនោះមកហើយគាត់មិនបានស៊ុតបញ្ចូលទី ៥ ប្រកួតចុងក្រោយ សម្រាប់ក្រុមបិសាចក្រហមឡើយ។
ស្របពេលដែល Edinson Cavani ញ៉ាំញីដោយរបួសមួយចំនួន លោក Ole សង្ឃឹមថា Maertial នឹងឡើងបានល្អ និងរកឃើញនូវទម្រង់លេងដ៏ល្អបំផុតរបស់គាត់ខណៈដែលរដូវកាលនឹងជិតបញ្ចប់ទៅហើយនោះ។
Source: Manutd.com
ព័ត៌មានថ្មីៗ
