ទម្រង់លេងបច្ចុប្បន្ន ចំណុចខ្សោយ…គ្រប់គ្រឿងអំពីក្រុម AC Milan មុនជួប Man Utd ក្នុង Europa League
Man United នឹងត្រូវប៉ះ Milan នៅ Europa League វគ្គ ១៦ ក្រុមចុងក្រោយ។ Knongsrok Sport សូមលើកយកចំណចុពិសេសៗរបស់ក្រុមអ៊ីតាលីមួយនេះមុនពេលជួបគ្នាជាមួយ Manchester United
-ប្រវត្តិនៃការប្រកួតប្រជែង
ភ្លើងចម្បាំងប្រវត្តិសាស្រ្តលើទីលានវាលស្មៅដែលរលត់អស់កាលដ៏យូរពេលនេះបានឆេះសន្ធោរសន្ធៅឡើងវិញ នៅពេលដែលក្រុមបិសាចក្រហម Manchester United ត្រូវជួបក្រុម AC Milan ក្នុងពានរង្វាន់ Europa League វគ្គ ១៦ ក្រុមចុងក្រោយនៅខែក្រោយនេះ។
ក្រុមទាំងពីរជួបប្រយុទ្ធគ្នាតែ ១០ ដងគត់នាពេលអតីតកាលហើយក្រុមទាំងពីរចែកគ្នាឈ្នះ៥ប្រកួតម្នាក់។ ក្រុមបិសាចក្រហមជួបគ្នាជាមួយក្រុម AC Milan ជាលើកដំបូងនៅវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍អ៊ឺរ៉ុបក្នុងឆ្នាំ ១៩៥៧/៥៨ ពោលគឺទើបតែ ៣ ខែប៉ុណ្ណោះ មុនជួបគ្រោះមហន្តរាយធ្លាក់យន្តហោះទីក្រុងមុយនិច។ ក្រោយព្រឹត្តិការណ៍នេះ បិសាចក្រហមបានបន្តជួប ៣ ប្រកួតទៀតជាមួយក្លឹបអ៊ីតាលីរហូតដល់ឆ្នាំ ១៩៦៩ ។
បន្ទាប់ពីក្រុមទាំងពីឃ្លាតឆ្ងាយពីពិភពគុនអស់ពេលដ៏យូរ Man Utd បានជួបក្រុម AC Milan ម្តងទៀតក្នុងឆ្នាំ ២០០៤/០៥ ក្នុងពានរង្វាន់ UEFA Champions League ។ ជំនួបផ្អើលពិភពគុន ៥ លើកទៀតបានរវាងពួកគេទាំងពីរគឺក្នុងពានកំពូលទ្វីបអឺរ៉ុបហើយបន្តជាមួយការប្រកួតបន្ទាប់នឹងត្រូវធ្វើឡើងនៅថ្ងៃទី ១១ ខែមីនាឆ្នាំ២០២១ ដែលជាលើកនេះនៅ Europa League វិញម្ដង។
-ការណែនាំអំពីទម្រង់លេងបច្ចុប្បន្ន
ទីតាំងក្នុងលីគ
បច្ចុប្បន្នក្រុម AC Milan ឈរនៅលេខ ២ ក្នុងតារាង Serie A ដោយមាន ៤ ពិន្ទុតាមពីក្រោយក្រុម Inter Milan ។ ក្រុមដែលមានរហសនាម Rossoneri មួយនេះមាន ៤ ពិន្ទុនាំមុខក្រុមលេខ ៣ Juventus និងស្ថិតក្នុងទម្រង់លេងយ៉ាងល្អនៅរដូវកាលនេះ។
ទោះយ៉ាងណាក៏ដោយ! ពួកគេបានបាត់បង់ភាពខ្លាំងរបស់ពួកគេអស់រយៈពេលជាច្រើនឆ្នាំមកហើយដែលកាតបាត់បង់នេះត្រូវបានគេហៅថាជា“ ក្រុមយក្សអ៊ីតាលីដែលដួលរលំ” នោះសម្រសប់បច្ចុប្បន្ននេះក៏មិនមានការភ័យខ្លាចដូចកាលពីមុនទៀតទេ។ លើសពីនេះទៅទៀត! ពួកគេមិនទាន់រកឃើញលទ្ធផលឈ្នះនៅក្នុងការប្រកួតបួនលើកចុងក្រោយ ទាំងក្នុងលីគនិងពានរង្វាន់ផ្សេងទៀតហើយពេលនេះពួកគេឆ្លងកាត់ពេលវេលាដ៏លំបាកដោយសារបញ្ហារបួសរបស់កីឡាករ Mario Mandzukic និង Ismael Bennacer ។
នរណាដឹកនាំ AC Milan បច្ចុប្បន្ននេះ
លោក Stefano Pioli ដែលជាគ្រូបង្វឹកបច្ចុប្បន្នសមនឹងទទួលបានកិត្តិស័ព្ទសម្រាប់ការផ្លាស់ប្តូរទម្រង់លេងដ៏គួរឱ្យកត់សម្គាល់ ប៉ុន្តែមិនគួរឲ្យព្រួយបារម្ភពេកទេ ក្រុម AC Milan នៅតែឆ្ងាយពីសមត្ថភាពដើមរបស់ពួកគេ។ ចាប់តាំងពីទទួលបន្ទុកក្លិបនេះ លោក Pioli បានពឹងផ្អែកលើការប្រើប្រាស់ទម្រង់ 4-2-3-1 ជាញឹកញាប់ហើយសោះតែខានក្នុងការប្រកួតតិចតួចប៉ុណ្ណោះ។
កត្តាសំខាន់ៗនៅពីក្រោយការលេងល្អឡើងវិញរបស់ AC Milan
Gianluigi Donnarumma គឺជាអ្នកចាំទីដែលអាចជឿទុកចិត្តបាន ក្នុងបានរក្សា Clean-Sheet ក្នុងក្របខ័ន្ឌ Serie A ចំនួនបួនដងនៅក្នុងរយៈពេលចុងក្រោយនេះ ប៉ុន្តែនៅរបូតគ្រាប់បាល់ច្រើនបើគិតក្នុងរដូវកាលនេះ។ AC Milan បានបណ្តោយឱ្យរបូតគ្រាប់បាល់ ២៨ គ្រាប់ក្នុង ២៣ ប្រកួតលីគ។
Pioli ទទួលជោគជ័យក្នុងការធ្វើឱ្យក្រុមលេងជាមួយគ្នាបានល្អ ដូចជាការបង្កើតឱ្យមានបរិយាកាសជិតស្និទិដូចក្រុមគ្រួសារនៅក្នុងបន្ទប់ផ្លាស់សំលៀកបំពាក់។ លទ្ធផល? កីឡាករបានផ្ដល់គ្រប់យ៉ាងទាំងអស់ពេលចូលនៅលើទីលាន។
កីឡាករដូចជា Theo Hernadez, Bennacer, Kessie និង Simon Kjear រក្សាបានទម្រង់លេងមួយក្នុងកម្រិតមួយដ៏ខ្លាំង។ ពួកគេរត់ឥតឈប់ឈរនៅក្នុងគ្រប់ការប្រកួតហើយមិនដែលបោះបង់ចោលឡើយ។
ហើយទីបំផុតតើយើងមិនអាចនិយាយពី Zlatan Ibrahimovic យ៉ាងដូចម្តេចកើត? គាត់បានស៊ុតបាល់បញ្ចូលទីចំនួន ១៤ គ្រាប់នៅក្នុងក្របខ័ណ្ឌ Serie A - ហើយគាត់នឹងមានវត្តមានបន្ថែមឲ្យ AC Milan ដើម្បីទទួលបានពិន្ទុពេលជួបក្រុមចាស់របស់គាត់។
Ante Rebic, Rafael Leao និង Hakan Calhanoglu គឺជាមេទ័ពផ្សេងទៀតដែលយើងគួរតែប្រយ័ត្ន។ ពួកគេមានសមត្ថភាពក្នុងការបង្វែរការប្រកួតនៅចំណុចណាមួយ ហើយក្រុមនេះមានប្រតិកម្មគួរឱ្យចាប់អារម្មណ៍នៅពេលពួកគេបានដឹងពីការចាប់ឆ្នោត Europa League ប៉ះ Man Utd។
-ចំនុចខ្សោយមួយចំនួនដែលយើងអាចទាញយកបាន
បច្ចុប្បន្នជម្រើស១១នាក់ដំបូងរបស់ AC Milan មានភាពរឹងមាំ ប៉ុន្តែពួកគេមិនសូវមានប្រព័ន្ធកការពារមានគុណភាពច្រើនក្នុងក្រុមឡើយ។
ភាពមមាញឹកនៃការប្រកួតធំៗកំពុងកកស្ទះ ដែលនេះមានន័យថាកីឡាករល្អៗរបស់ពួកគេជាច្រើនរបស់ពួកគេអាចអស់ម្លាំង ឬនឿយហត់ខ្លាំងពេក។ ប្រសិនបើកីឡាករល្អបំផុតរបស់ពួកគេ មានតែម្នាក់អវត្តមាន United នឹងមានគុណប្រយោជន៍កាន់តែខ្លាំងក្នុងការប្រកួតជាមួយ។
លទ្ធផលបរាជ័យនាពេលថ្មីៗនេះក្រោមថ្វីជើង Spezia និង Inter Milan គឺជាឧទាហរណ៍ដ៏អស្ចារ្យនៃក្រុមនឹងដួលរលំដោយសារអវត្តមានកីឡាករសំខាន់ៗ។ លោក Pioli បានទទួលជោគជ័យដោយការប្រើប្រាស់ទម្រង់លេង ៤-២-៣-១ ប៉ុន្តែនាពេលថ្មីៗនេះទម្រង់លេងបែបនេះអាចនឹងមានកំណត់ក្នុងការប្រើប្រាស់។ គូប្រជែងរបស់ពួកគេ បានគិតដឹងពីកលល្បិច និងរូបមន្តលេងរបស់ពួកគេហើយ អ្នកចាត់ការរូបនេះមិនមានជម្រើសផ្សេងទៀតច្រើនទេ។
ទំនាក់ទំនងនានារវាងកីឡាករក្រុមទាំងពីរ៖
ក្រុមបិសាចក្រហមលេងជាមួយក្រុម AC Milan នៅថ្ងៃទី ១១ ខែមីនានៅ Old Trafford ដែលជាការកត់សម្គាល់ខ្ពស់បំផុតគឺការវិលត្រឡប់របស់ Zlatan ជាលើកដំបូងទៅកាន់ទឹកដី Old Trafford ចាប់តាំងពីចាកចេញពីឆ្នាំ ២០១៨ ។
នេះក៏នឹងក្លាយជាឱកាសដ៏ល្អសម្រាប់ Diogo Dalot ដែលបានលេង ១៩ ដងក្នុងការប្រកួតនានានៅរដូវកាលនេះ។ កីឡាករវ័យ ២១ ឆ្នាំរូបនេះមានសិទ្ធិប្រឈមមុខជាមួយក្លិបចាស់របស់ខ្លួនដោយសារតែកិច្ចសន្យាមានចែងអំពីការប្រកួតនេះ។
តើលោក Ole មានអារម្មណ៍យ៉ាងណាចំពោះការចាប់ឆ្នោតនេះ?
អ្វីដែលលោក Ole បាននិយាយថា៖“ ប្រពៃណីនិងប្រវត្តិសាស្រ្តរបស់ AC Milan វាគឺជាក្លឹបដ៏អស្ចារ្យមួយដែលយើងគួរតែស្វាគមន៍ ហើយពួកគេមានកីឡដ្ឋានដ៏អស្ចារ្យដែលយើងនឹងទៅទីនោះ ហើយយើងទន្ទឹងរង់ចាំ។
“ Zlatan? ជាការពិតខ្ញុំពិតជាមានការចាប់អារម្មណ៍ខ្លាំងណាស់ចំពោះគាត់។ មកដល់បេលនេះអាជីពដ៏ល្អបំផុតរបស់គាត់បានទៅបន្តិចម្ដងៗទៅហើយ។ គាត់រងរបួសធ្ងន់ក្នុងអាជីពនៅពេលគាត់នៅទីនេះ (Old Trafford) ប៉ុន្តែពេលជាពីរបួសគាត់ទៅ MLS បន្ទាប់មកត្រលប់មក Milan វិញហើយគាត់ពិតជាបានយឹតយោង AC Milan បានច្រើនណាស់"៕
ព័ត៌មានថ្មីៗ
