ព័ត៌មានត្រួសៗអំពី Manchester United ក្នុងសប្ដាហ៍នេះ៖ ត្រៀមប៉ះ Chelsea, Europa League, AC Milan…
ថ្មីៗនេះព័ត៌មានទាក់ទងនិងក្រុមបិសាចក្រហមដល់ណាដល់ណីហើយ? ពេលនេះ Knongsrok Sport នឹងបង្ហាញព័ត៌មានត្រួសៗ ដែលបន្ទាន់សម័យកាលនៅថ្ងៃនេះ៖
ខ្សែប្រយុទ្ធវ័យក្មេង Shola Shoretire បានក្លាយជាកីឡាករវ័យក្មេងបំផុតក្នុងប្រវត្តិសាស្រ្តរបស់ Manchester United ដែលលេងក្នុងពានរង្វាន់លំដាប់ទ្វីបអឺរ៉ុប។ កីឡាករវ័យ១៧ឆ្នាំប្ដូរចូលជំនួសសិស្សច្បងMason Greenwood ក្នុងជំនួបជើងទី២ពានរង្វាន់ Europa League ដើយបំបែកកំណត់ត្រាលោក Norman Whiteside ក្នុងនាមជាកីឡាករវ័យក្មេងបំផុតដេលលេងឲ្យក្រុមឈុតធំសម្រាប់ពានទ្វីបអឺរ៉ុប។
ព័ត៌មានមួយចំនួនទាក់ទងជាមួយជំនួប Chelsea ក្នុងពានរង្វាន់ Premier League
ក្រុមបិសាចក្រហមសង្ឃឹមថា Edinson Cavani, Scott McTominay nig Donny van de Beek នឹងអាចរឹងមាំគ្រប់គ្រាន់(Fit)សម្រាប់ជំនួបជាមួយ Chelsea ហើយខ្សែប្រយុទ្ធស្លាប Daniel James ក៏អាចមានវត្តមានឡើងវិញផងដែរ។
Pogba ត្រឡប់មកហ្វឹកហាត់ឡើងវិញ
ខ្សែបម្រើជម្រើសជាតិបារាំងត្រូវបានគេឃើញមកហ្វឹកហាត់តិចៗមុនជំនួបជាមួយ Real Sociedad ប៉ុន្តែគាត់នៅតែគ្មានវត្តមានក្នុងជំនួបជាមួយ Chelsea ។ លោក Ole បញ្ជាក់ថា Mata កំពុងតែនិយាយជាមួយក្លិបផ្សេងដើម្បីផ្ទេរចេញក្នុងរដូវក្ដៅនេះ។
លោក Ole Gunnar Solskjaer បាននិយាយថាលោកមិនភ្ញាក់ផ្អើលនោះទេដែល Juan Mata ត្រូវបានក្លិបនៅអ៊ីតាលីចង់បានហើយលោកបាននិយាយបន្តថា គាត់នៅតែមានទំនាក់ទំនងល្អជាមួយកីឡាករវ័យចាស់សញ្ជាតិអេស្ប៉ាញទោះបីជាមានសំណួរមិនអាចឆ្លើយបានទាក់ទងនឹងស្ថានភាពកុងត្រាចុងក្រោយនៅ United។
Manchester United នឹងត្រូវជួបក្រុមខ្លាំងអ៊ីតាលី Inter Milan ក្នុងពានរង្វាន់ UEFA Europa League វគ្គ១៦ក្រុមចុងក្រោយហើយនឹងក្លាយជាជំនួបដ៏ទាក់ទាញ ហើយក៏ជាបន្ទុកដ៏ធ្ងន់របស់លោក Ole ដែលត្រូវរៀនចំក្រុមត្រៀមប៉ះក្រុមជើងឯកទ្វីបអឺរ៉ុប៧សម័យកាលមួយនេះដែរ៕
ព័ត៌មានថ្មីៗ
