បិសាចក្រហមពេលនេះកំពុងគិតថារវាង De Gea និង Henderson គឺត្រូវតែមានម្នាក់ចាកចេញ
ក្លិបបិសាចក្រហម Manchester United ពេលនេះចង់បញ្ចប់ភាពមិនច្បាស់លាស់ ជុំវិញការងាររបស់អ្នកចាំទី២រូប និងបញ្ចប់ភាពមិនប្រាកដប្រជា ថាតើនរណាជាអ្នកចាំទីដៃទីមួយហើយកិច្ចការនេះត្រូវធ្វើពេលចប់រដូវកាលនេះតែម្ដង។
តាមប្រភព The Sun បិសាចក្រហមនឹងបញ្ចប់មិនប្រាកដប្រជានេះរវាងអ្នកចាំទីកំពូល២នាក់របស់ខ្លួនក្នុងរដូវកាលនេះ។ ប្រភពដដែលបញ្ជាក់ថា Dean Henderson បានប្រាប់ទៅកាន់ក្លិបថាមិនថាគាត់ឬ David De Gea នោះទេនឹងចាកចេញពីក្លិបក្រោយចប់រដូវកាលនេះ ហើយទោះបីជាការចាកចេញនោះក្នុងលក្ខខណៈខ្ចីជើងឬក៏កុងត្រាអចិន្រ្តៃយ៍ក៏ដោយ។
លើសពីនេះ! ភាពមិនច្បាស់លាស់នេះបានធ្វើឲ្យពួកគេទាំងពីរនាក់មានបញ្ហាមួយចំនួន ប៉ុន្តែក្លិបនឹងផ្ដល់ប្រាក់រង្វាន់ឲ្យកីឡាកររបស់ពួកគេសម្រាប់ជាការលើកទឹកចិត្ត។សេណារីយោដែលអាចទៅរួចគឺថា Henderson នឹងត្រូវអនុញ្ញាតិឲ្យទៅលេងខ្ចីជើងបើគាត់មិនសប្បាយចិត្តក្នុងការធ្វើជាចាំទីដៃទី២នៅពេលប៉ុន្មានឆ្នាំខាងមុខទៀត។
ប្រសិនបើគាត់ទទួលបានតំណែងដៃទីមួយពី De Gea ក្នុងរយៈពេលប៉ុន្មានខែដែលនៅសល់នេះ ក្លិបអាចនឹងពិចារណាផ្សេងមួយទៀត។ ពេលនេះពួកគេក៏កំពុងស្វែងរកអ្នកចាំទីលំដាប់កំពូលដែលរីករាយក្នុងការធ្វើជាអ្នកចាំទីដៃទី២ហើយលេងបានតិចប្រកួត៕
ព័ត៌មានថ្មីៗ
